巴黎馬拉松 2013

stunyap

諗返起我地的渣馬.........路線,氣氛等真是拍馬都追唔上,看來我地的渣馬永遠都同市區無緣
有邊個地區的馬拉松比賽會叫你"支持馬拉松,死開D跑就支持"

http://www.dcrainmaker.com/2013/04/paris-marathon-report-2.html

mtkdc

我都好想參加.....恨死人了!

PiTA

我啱啱好上星期日跑完, 尋日返到香港...

我絕對同意巴黎馬拉松嘅路線同氣氛係好過香港嘅好多倍, 但係都有啲嘢喺我哋香港人眼中係基本嘅, 而巴黎馬拉松會係無考慮 / 無提供嘅.

RUNNER EXPO
我喺expo到攞runner's pack, pack裡面有舊海綿. 未跑之前我都唔知舊海綿要呢做乜, 到跑果陣見到啲裝滿水, 但係又無其他嘢嘅水桶就知道舊海綿係比你跑果陣喺水桶到索水嘅. 嘩, 真係慳成本慳得過份呀! 你以為香港馬拉松啲紀念品cheap咩? 巴黎馬拉松報名嘅費貴過香港成倍, 但係件紀念Tee 同埋個存物袋都唔好得過香港嘅好多.

BEFORE THE RACE
我未跑之前一晚去起點做recce, 發現起跑線同行李寄存站係有一段距離, 參賽者說明書advise你去某一個地鐵站落車, 但係無講明應該行邊條街去行李寄存站 (比賽當日有封路, 所以唔可以憑睇地圖判斷). 再睇埋我本旅遊指南地圖, 就發現仲有另一個地鐵站係更加方便, 但係參賽者說明書係無提到嘅! 大會喺起點同埋行李存放區放咗好多俾參賽者睇嘅臨時路牌, 但係全部都係寫法文嘅, 既無英文又無圖...

RACEDAY
主辦單位喺容易冼腳嘅cobble-stones路段擺refreshment station, 有水有橙又有蕉食, 但係成地都係濕嘅生果皮, 搞到我差D冼低. 另外, 咁大規模嘅馬拉松竟然剩係喺22Km同埋終點先至有Sports drink飲，其他嘅都係得水(同埋37km嘅non-official白酒)!

如果想跑一個大規模(+35,000 runners this year), 氣氛好同埋有靚景睇嘅馬拉松, 巴黎馬拉松係一個唔錯嘅選擇. 但係唔好忘記佢喺其他方面都有啲我地香港人會覺得不可理逾嘅甩漏!

foureyes

想請問跑完巴黎馬拉松後,佢地會吾會寄出證書俾完成者?or剩係得PDF copy?

AY60

何須去比較，人也不能跟人比，每個馬拉松都不一樣，新加坡/泰國/馬來西亞等的馬拉松肯定熱，但當地以至外來的參賽者也很享受比賽。最好還是親自去跑去感受。

ht00272

foureyes 發表於 2013-4-26 23:50

                               
登錄/註冊後可看大圖

想請問跑完巴黎馬拉松後,佢地會吾會寄出證書俾完成者?or剩係得PDF copy?

只有PDF

foureyes

ht00272 發表於 2013-4-28 21:54

                               
登錄/註冊後可看大圖

只有PDF

thx

小叻

請問樓主有參加過其他地方的馬拉松嗎?
不要被傳媒誤導, 我已跑過46隻馬, 其實香港比起世界上很多地方的馬拉松都好得多了...
邊個話馬拉松要跑市區才好? 有的要跑郊區才是特色, 有的要跑軍校, 香港的大橋隧道也是特色...

我看過某馬來西亞跑手的BLOG, 讚我們渣馬終點前很多人打氣, 很熱鬧!

例如柏林馬的沿途飲料都是一大桶由工作人員用手浸完裝出來, 好唔衛生...
又例如意大利都靈馬拉松, 你唔EMAIL大會, 其他國籍人士是報喊到名, 而EMAIL要一星期至十幾日先覆一次, 再問又等十幾日....
有啲地方的馬拉松, 不懂他國家語言, 唔駛旨意去...
再例如有台灣馬拉松只接受7仔比$, 但條碼又未必間間嘟到, 超煩~
最近跑完一隻台灣馬, 返到終點成績錯晒, 證書和獎項都要等大會攪清楚才補返...
澳門和新加坡馬, 都有香港人試過跑錯路...
又有朋友跑完新加坡馬得獎, 大會竟然未預備好獎品和獎金, 要佢擇日再回新加坡取回...
被人大讚的波士頓馬拉松, 經過大學女子啦啦隊嘈到拆天震耳, 我覺得多人反而太煩, 條路已經唔好跑, 仲要有安全問題, 我無必要以後唔會再去!