想試全馬冇得報名...

stwilson

我跑過好多次半馬仲拿過小獎，因為年齡問題報唔到全馬，以為這次全馬會定系94年2月前先得有，冇想到94都可以...真系陰功，但都想第一次試試全馬啊，想問下師兄有冇可能我報半馬偷偷跟全馬的隊友跑，起跑時間都系甘，只系冇得乜成績咯，要自己記番lo。。。

awolswat

號碼布睇得出你跑邊組, 你半馬號碼布冇可能出現係丁九橋. 好大機會比人捉出黎!
就算冇比人捉你出黎, 去到終點都唔會比你過全馬終點!

我覺得冇必要"搏", 你還年輕, 大把機會跑全馬!
真係唔好彩捉到, 都唔知會唔會BlackList你!

stwilson 小兄弟, 自已衡量下利與弊啦!

makiofai

N 年前我有個同學跑長跑的, 我當時都未有參加任何比賽, 渣馬剛開始第1, 2年, 根本沒咩人知, 我問佢你參加咁多比賽點算呀, 當時仲係讀書時代, 沒收入, 要好多錢報名喎, 後來佢話我知, 佢次次都係問報到嘅朋友借號碼布影印去跑,(當時唔知有冇用彩色呢) 話慳番唔少喎, 我就無佢咁大膽了,之後, 好似大會捉嚴左, 我唸你都唔好亂學了, 以免得不償失.

有兩次報左, 我自己因病或訓練不足都唔去啦, 無謂偒身, 要跑其實其他半馬都不錯, 或可以參加大陸嘅賽事都可以, 平平地玩下.如有錢可去外地參加也可以.

suniebo

比人揭發上討論區就唔好啦, 第一次咁寶貴, 光明正大好喎.

Hennatalk

awolswat 發表於 2013-10-21 15:02
號碼布睇得出你跑邊組, 你半馬號碼布冇可能出現係丁九橋. 好大機會比人捉出黎!
就算冇比人捉你出黎, 去到終 ...

同意師兄講呀！跑半馬可以攞獎，證明有潛質啦，骨格精奇。長跑的成績，可以很有前途。初馬，對一個跑者來說，很有意義，要珍惜啊！就算可以比你蒙混過去，有好處嗎？沒有記錄，別人理解嗎？正如師兄所說，被人black List了，好似那位陳先生（用別人的號碼布）的事件，發生在你身上，值嗎？日後，在長跑上有成就，也可能被人翻舊賬，很可惜。馬拉松，年年有，大把機會。何況半馬升全馬，不只是跑兩倍，那麼簡單，做點模擬練習，試一試先啦！

stwilson

awolswat 發表於 2013-10-21 15:02
號碼布睇得出你跑邊組, 你半馬號碼布冇可能出現係丁九橋. 好大機會比人捉出黎!
就算冇比人捉你出黎, 去到終 ...

算啦，仲有機會，多謝師兄點明，都系跑得開心地最重要！

stwilson

Hennatalk 發表於 2013-10-21 18:35
同意師兄講呀！跑半馬可以攞獎，證明有潛質啦，骨格精奇。長跑的成績，可以很有前途。初馬，對一個跑者來 ...

多謝師兄，我都放棄左，我認為跑步都系要開心最重要，如果半途提心吊膽都冇乜意思喇