跑界HKTV───全城街馬

bunbun

http://www.am730.com.hk/column-201287
am730 2014-04-04

跑界HKTV───全城街馬        
園丁

香港，可能是世上最難辦跑步比賽的城市，因為政府早已定性馬拉松為「擾民」活動，大前提是不能影響交通。香港不乏一流的山賽，但就是欠缺走入城市的街跑比賽，真正的香港馬拉松從來不存在，渣馬最多只能稱為三號幹線馬拉松而已。

即使園丁想貢獻也沒有辦法，因為渣馬根本是一個封閉的系統，何曾聽聞田總諸公出來，談談辦渣馬的理念？何曾聽聞渣馬吸納民間的意見？即使是終點派獎牌這些理所當然，外國行之已久的安排，也要跑界經年累月的批評和堅持，田總才於2010年起在終點找專人頒發。強如諸葛亮，若沒有劉備的三顧草廬，隆中對的三分天下，也只是齋吹水而已。

基本上香港所有跑步比賽，不是流放杳無人煙的郊外，就是渣馬式的高速公路，最多只是大會零星的熱心工作人員打氣，雖然有些比賽的起步是八時或八時半，時間看似較「人道」，但因為起點相對偏遠，免不了一早起床出去跑，而經過多年的「調教」，香港跑手早已習慣了這種安排，有的甚至深信田總渣馬模式(價錢廉宜、盡早開始、締造PB、跑完鬆人)比賽才是王道，排斥其他類型的比賽。若讀者有印象，園丁於本年初介紹「全城街馬」(圖)，這個比賽終於在上月底舉行了，街馬三子張亮、魏華星、梁百行，憑著一腔熱血，只是以半年多的時間籌備，便辦了一個沿途有打氣、有表演、有音樂、終點還有齊齊拉筋cool down和狂舞派表演的十公里賽事，希望告訴本地跑手，香港一樣可以舉辦有人氣、有人情味的賽事，不必去外國才可以享受。

始終是新的比賽，不能期望街馬攞滿分，例如政府吝嗇封路，有三分之一的賽道要跑行人路；街馬的「馬」字，也令認真跑友有意見，幹嗎學埋渣馬啲衰嘢，將十公里灌水充馬拉松？贊助商派的義工像配合公司參與，多於熱愛長跑……但單憑街馬三子願意聆聽意見，甚至努力安排與跑手對話，這份誠意已將渣馬徹底比下去了，你何曾見過高威林、關祺等人出來與跑手對話？蔡東豪說，渣馬底下裂痕出現了。園丁沒有這麼樂觀了，挑戰渣馬模式之路迢長路遠，街馬三子恐怕更像王維基，在政府偏幫既得利益下，隨時在封路問題上被政府卡住，封的路只能容納五千名參加者，如流動電視牌一樣。

希望街馬三子繼續努力，打破田總渣馬的模式，成功辦一個真正的香港馬拉松比賽！

armanchi

luiwai5 發表於 2014-4-4 11:44
人人有唔同要求, 有人D確是追求以上幾樣野,
筆者意思好似追求以及幾樣野既人就有問題咁.

"點解一定要靠踩渣馬抬自己?" - 原因很簡單，搵market leader黎“挑機”加“對比”乃常用的市場推廣策略，可以迅速被關注、製造話題、提高知名度，達到marketing 的目的。

各大運動用品生產商已經鋪排好，跑步用品消費未來幾年全球都會爆發性增長，系呢個area A記、N記、甚至特記等等個個都想插旗。你當我系小人之心都系甘話，搞個賽事有嗮marketing plan ＋ strategy，搵嗮名人／寫手日日出稿，目的何在，呼之欲出。

其實你有熱忱也好，有目的也好，系香港多搞幾個比賽，當然對跑者黎講一定系好事，可以多左選擇。但系我真唔鍾意呢個比賽系甘踩低人黎自己上位，踩渣馬，覺得賽會管理層好有問題、好廢，每個人嘅看法唔同，fine；但系，唔該唔好踩低當日嘅工作人員、義工、維持秩序嘅警員，甚至跑手，唔好一個鍾意，要promote自己個比賽啦，就一句否定渣馬當日所有人嘅參與、付出同努力。

bladerunner

「有的甚至深信田總渣馬模式(價錢廉宜、盡早開始、締造PB、跑完鬆人)比賽才是王道，排斥其他類型的比賽」，係真唔係？

brownie

agreed totally. i had a gt run tat day, had my pb at 52m n won 6th place. hope this race would carry on. million tkx to the organizer

luiwai5

bladerunner 發表於 2014-4-4 09:43
「有的甚至深信田總渣馬模式(價錢廉宜、盡早開始、締造PB、跑完鬆人)比賽才是王道，排斥其他類型的比賽」， ...

人人有唔同要求, 有人D確是追求以上幾樣野,
筆者意思好似追求以及幾樣野既人就有問題咁.

都係個句, 做好自己就得, 點解一定要靠踩渣馬抬自己?

ChowChow

不停有自己友吹噓呢個比賽，有點over了, 極討厭
一定唔會參加乜x街馬, 10k就10k啦, 街乜x馬啫, 作吓故仔吹吓水就勁啲咩, 真係當人傻的

stenic

呢個比賽名真係有d 誤導， 可以叫全城10km, 但叫街馬真係覺得不倫不類。

qiao

破乜破,各有各搞就是了.