本帖最後由 marlin14 於 2015-11-20 12:46 編輯
雅典十一月的天氣仍然和暖, 比賽當日萬里晴空, 朝早7點多坐車到達離雅典市外一個小時車程的馬拉松鎮運動場的起點, 早上9點比賽正式開始。起跑區分9個區, 我係第6區, 基本上每一個區所有跑手起跑後, 先到第二個區起跑, 我起跑時係9:15, 賽道是馬拉松鎮往雅典的一段高速公路, 但因為馬拉松鎮和雅典之間隔了一座山, 賽道基本就是要翻過這座山, 因此從10公里開始至32公里, 都是迀迴地慢慢向上的山路, 山路雖然不算太斜, 每跑一段上斜路, 就會有一少段平路比你抖下, 但連續20公里的暗斜山路加上當日天氣勁晒都幾辛若, 沿途風景一般, 只有經過幾個小城鎮時會有居民為你打氣, 但大會補給都幾充足, 除左有水,運動飲品, 香蕉等外, 仲有gel及可樂, 好辛苦跑到了32公里的斜路盡頭, 終於到了最後10公里的一段落斜路, 簡直可以用苦盡甘來形容, 跑到最後2公里, 路旁迫滿打氣的路人, 跑過最後一個轉彎位, 終於見到泛雅典運動場(第一屆現代奧運會舉辦場地), 沒有馬拉松的終點比這裡更震撼了。有機會建議大家一定要黎跑一次, 跑完仲可以去希臘小島享受一下。
|