香港長跑網  - 長跑長友

 找回密碼
 註冊
搜索
查看: 1426|回復: 25

英國,愛丁堡馬拉松 Edinburgh Marathon 28.5.2107

[複製鏈接]

升級   2.05%

該用戶從未簽到

發表於 2016-10-30 19:42:25 | 顯示全部樓層 |閱讀模式
本帖最後由 brompton 於 2016-10-30 19:49 編輯

己經報左愛丁堡馬拉松,全程馬拉松。預備會又係自駕+單車,環英倫三島,玩三星期。
https://www.edinburghmarathon.com/


趁英磅平,化算。

點評

Like: 5.0
Like: 5
  發表於 2016-11-1 21:35
Like: 5
  發表於 2016-10-31 13:38

升級   2.05%

該用戶從未簽到

 樓主| 發表於 2017-3-3 23:23:38 | 顯示全部樓層
本帖最後由 brompton 於 2017-3-4 00:21 編輯

愛丁堡住宿己訂,每人每晚約$300,訂左三晚,有免費泊車。可步行去起步點,雖時約30分鐘。亦可踏單車去起步點,吳錯。大會亦鼓勵跑友踏單車去起步點。我係倫敦入,玩三日,然後返希斯魯機場鑼租車,開始餘下兩星期多英倫之旅,最後三日到愛丁堡,跑完馬就上機回港。倫敦市,每人每晚住宿$500,都算接受得到。由住宿踏單車落倫敦市各境點,吳遠,可慳吳少交通費。
祇訂左三晚倫敦,三晚愛丁堡的住宿,其它無訂。去到邊就訓到邊,自由,吳洗俾預訂住宿限死行程。愛丁堡條賽道,大會講話係PB賽道,即係話無乜上落和轉彎,掛?我都無乜研究,總之"享受過程,開心完成"。
上個月,跑完渣打,還在休息中,都未開始練。今季,跑埋愛丁堡就收爐,會完全停跑幾個月,祇會keep住踏單車去保持體能。我跑全馬十多年,每年跑季過後都會全休,俾身體休息。可能係咁,咁多年傷患極少。Keep得到跑步興趣,吳會全年無休咁跑。就算操比賽,一星期都係跑,三至四十公里咁上下,吳會多跑。偶然,最多都吳過六十公里一星期。我前年係西班牙Barcelona搏到Boston Quality,係比賽前一個月,都係操三至四十公里一星期,絕對吳多。就算操長課,最最最長,都係操十九公里。我跑練馬拉松咁耐,一次都未操過30公里。吳好話30公里,連操20公里,都吳知有無?不過咁講,我完成的時間吳快,亦無要求自己快,祇是享受過程。做三個幾鐘至Sub 4這個range,以咁低哩數的練習,我己經滿足。希望可長跑長有。
我跑比賽,又吳會沿途食Gel,香蕉,朱古力,糖,等能量嘢。祇帶部手機,就係咁多,和飲大會供應的水。我初頭玩比賽都會食能量嘢,但發現祇是心理上有幫助,覺得食左好像勁D。但,多年前,開始吳食,又咪係咁跑,時間又無慢到,所以吳買吳食。見到沿途派,都廢事鑼。
我每次跑完比賽都會睇睇總共燒掉了多少熱量,大約2400-2600咁上下,這個能量消耗,祇要做好Carbo Load,身邊絕對應付得到。所以無沿途補充能量,問題不大。加上,全程心跳,keep住90%之下,最多吳會過95%。如過95%,就會慢慢黎,讓心跳落番去90%。%係用220-年齡。

以上資料,希望幫到跑馬的初心向者,又或者,想慢慢黎的跑友,去了解。當然如果想搏時間的,以上資料就無用,可以當笑話看。以我做真人show十多年,如果跑友祇是想跑入3:50至3:59,就己經好滿足,咁上下的低哩數操練,多己足夠。

點評

Like: 5.0
Like: 5
  發表於 2017-6-2 15:12
Like: 5
  發表於 2017-3-4 11:23

升級   47.05%

  • TA的每日心情
    奮鬥
    2017-5-17 14:31
  • 簽到天數: 184 天

    [LV.7]常住居民III

    發表於 2016-10-31 15:02:46 | 顯示全部樓層
    趁英磅平

    升級   2.05%

    該用戶從未簽到

     樓主| 發表於 2016-11-3 11:08:20 | 顯示全部樓層
    本帖最後由 brompton 於 2016-11-3 11:46 編輯

    行程未定,多數會早三幾天前到倫敦,讓身體習慣了天氣,跑完馬才會鑼架車,離開倫敦去玩英倫三島。係無車用期間,會用帶黎的單車代步,在倫敦市內觀光。倫敦市,交通貴,用單車代步,平靚正。話吳定,跑馬當日,可以踩單車去起步點。係匈牙利,布達配斯馬拉松,比賽當日,大會安排大量的單車泊位,有工作人員核對比賽証,同跑友看管單車。這個咁貼心的安排,我俾滿分。我的民宿祇需行五分鐘就到起步點,所以無需踩單車去。
    去了這麼多年海外馬拉松,自駕+單車的配置,己經習慣。係安排上亦己順暢,由預備單車,行李上機,至到遊覽的安排,幾乎係自然。多年前,執嘢行李和單車的packing,都會花上幾天。現在祇要一,兩小時就搞定。落機點鑼車,點找住宿,點去玩,可以話就算事前無安排,都不成問題。想玩想hea,可以完全隨心。即係,跑完馬,如隨心,亦可渣車去巴黎玩,都重得。我吳會預先訂住宿,除左落機跑馬頭幾天。因吳想限制行程,多是玩到邊,就住到邊,半流浪式的旅遊。吳會訂行程,訂死曬d民宿,我覺得咁玩,無乜引。沒有驚喜的旅程,吳鐘意。
    第一次係歐洲渣車,渣左肽,嚇死。多次轉錯線。左右不分,又經常出入錯路口。全車人驚叫,時有發生。但幾次之後,己覺得左右肽都無問題。還覺得左肽好渣過右肽。玩完返到香港,多吳慣,出入路口都要唸唸,以免轉錯

    無間斷,跑了十幾年全馬,每年不斷跑海外馬,對跑馬自由行,樂此不倦。如果叫我就咁自由行,反而覺得無乜引。一個旅程,又玩渣車,又跑馬,又踩單車,無預定行程,咁先過引。

    點評

    Like: 5.0
    Like: 5
      發表於 2017-6-2 15:12

    升級   2.05%

    該用戶從未簽到

     樓主| 發表於 2016-11-13 11:04:25 | 顯示全部樓層
    己買機票,吳貴,$4400。未安排行程,主要係環島游。

    點評

    Like: 5.0
    Like: 5
      發表於 2017-6-2 13:44

    升級   2.05%

    該用戶從未簽到

     樓主| 發表於 2017-6-2 13:02:09 | 顯示全部樓層
    本帖最後由 brompton 於 2017-6-2 13:12 編輯

    跑完愛丁堡,條路好跑,真係全平。當然有上有落,但幅度好少,好細。近市中心的公園旁起步,幾個彎之後,就跑出去海邊。路大致上闊,無乜機會會俾人阻住。有一段係海灘邊跑單車徑,是一個敗筆,但吳長,約估計少於一公里。
    條路係PB賽道,如狀態大勇。兩邊有市民喝采,無冷場。係外國的賽事,算比較熱鬧。市民亦有自發派糖和水。起步和終點

    點評

    Like: 5.0
    Like: 5
      發表於 2017-6-4 18:23
    Like: 5
      發表於 2017-6-2 15:12

    升級   2.05%

    該用戶從未簽到

     樓主| 發表於 2017-6-2 13:17:14 | 顯示全部樓層

    點評

    Like: 5.0
    Like: 5
    多謝師兄賽後評論, 完賽牌係點既?  發表於 2017-6-2 13:45

    升級   2.05%

    該用戶從未簽到

     樓主| 發表於 2017-6-2 14:31:19 | 顯示全部樓層
    本帖最後由 brompton 於 2017-6-2 15:34 編輯

    起步和終點不同,跑完要坐特別安排的巴士,回到市中心散水。可能我比較上快跑完,所以不需要等好耐,就可以上到巴士。大會事後的安排順暢,無可挑釁。

    賽道良好,沒有什麼可以引起意外的爛路面或接駁位。不過有個男跑友係我隔離仆倒,他似乎係踩到突出路面的汽車減速hump。比賽日,大熱大曬,我飲左吳少水,還要食左四包能量包。N年黎首次。
    我有影不少相,但longrun.hk上載相片好不人道,每幅相祇限小於100KB。如要上載,我便要resize相片,好煩。如longrun.hk吳放鬆這個限制,睇怕無乜網友會願意上載相片。

    講番賽事,全馬有一萬二仟人,分兩個heat起步,9:45分和10:00。每個heat也細分幾個起步區。半馬有八仟人,起步詳情就吳清楚,好像都有分heat和幾個起步區。全馬跑我的時段,吳見有乜人步行,間吳中都有幾個,睇樣都係比賽前己經有傷患個類。能跑的,全程都係跑。途中,吳見人影相,扮鬼扮馬的,有但好少。多是專心去跑的佔絕大部份。

    Expo鑼BiB,無乜氣氛,係市中心的Dynamic Earth度鑼。一個大信封,內有號碼布就係咁多,連T恤都無。祇有當日能完跑的才有Finisher T Shirt。Expo,得一檔嘢賣東西,不看也罷。大會T和物品,吳多,又貴。鑼BiB,影幾幅打咭相,五分鐘可走人。

    全馬終點,限時六小時三十分關門,以最後一個起步計。這個安排,頗有人性。吳似其它賽事,理你邊區起步,有理無理,夠鐘就關門。半馬就三小時十五分。途中無趕人上車,任跑。完賽,才有巴士掃人上車。但大會講,如堅持完跑,吳上巴士都得,祇要跑上行人路,吳好俾開番賽道的車撞瓜,便可。這個安排,又係絕對人性化。容許一些祇求完成,而狀態不佳的跑友。
    這條賽道不是跑市內,亦不是跑名勝區。如果想跑市內,名勝區的,就吳好報這個賽事。但如果想PB或初心向者嚐完跑,就可一報。

    這個賽事,開門時間特長,六小時三十分,老恐怕無乜賽事會開咁耐,所以,初心向者應該首選這個賽事,一嚐全馬完賽的喜悅。全平賽道,一個似樣的坡,都無。轉灣吳多,U Turn位好似得一個。半馬和全馬,起步點一樣,終點吳同。半馬,八點起步,早全馬兩小時。
    跑友多友善,過人,祇要講聲"excuse me",就會自動避開俾我過。吳似得某些國家的賽事,當時運高聽吳到,甚或推我,打包爭。我跑左兩次韓國,都有這種不悅快的經驗。
    Surprisingly,見到有人飛沫,我跑左咁多個歐洲賽事,真係少見有咁情況。我跟著一個阿叔,突然口鼻飛沫,嚇得我彈開,係沿途都有咁情況。這個賽事,亞洲人吳多見,亦吳見有中國/台灣跑團黎。賽會,無安排pacer,沿途水站和first aid足夠,有免費gel派。跑友可以兩手空空去跑。
    我住係離開起步點三十分鐘步行距離的民宿,比賽當日,有吳少人步行去。由民宿行吳夠一個街口,己經有跑友行緊。我就跟大隊,連Google Map都吳洗睇。跑完係終點公園,有大把檔口賣嘢食,如果吳係約左人係市中心等,可以係終點食埋嘢才走頭。
    我跑完這個賽事後,又完跑季,會全休停跑。好好讓身體休息幾個月。跑左十幾年全馬,跑季後我都會休息幾個月,保持長跑長有的狀態。




    點評

    Like: 5.0
    Like: 5
      發表於 2017-6-6 11:50
    Like: 5
      發表於 2017-6-2 15:13

    升級   2.05%

    該用戶從未簽到

     樓主| 發表於 2017-6-4 07:57:09 | 顯示全部樓層
    本帖最後由 brompton 於 2017-6-4 09:02 編輯

    係英國玩左二十一日,一共用左兩萬兩仟元,吳計買手信。跑歐洲馬,最貴這次。一般玩歐洲馬,加上三星期遊玩,都係一萬六,七左右。無法,英國嘢貴,尤其係住宿。每人每晚,最貴住五百蚊,最平住兩百蚊。我由倫敦起步,一路由南海岸,玩到蘇格蘭高地和湖區。我租左架BMW 2 series的M package,渣左四仟多公里。

    停留的地方, London, Cambridge, Oxford, Stratford upon Avon, Brighton, Seaford, Loch Ness, Fort Williams, Inverness, Broadford, Portree, Edlinburgh, Bath, Glasgow, 等。記得係咁多。我覺得最好玩係蘇格蘭高地和湖區,尤其係天空島。我去到蘇格蘭高地,日日行山。最長個日行左七小時,最少都行四,五小時。靚絕,尤其是天空島的老人峰。蘇格蘭高地和湖區,絕無任何人造的行山設備,如樓梯,扶手,垃圾桶,洗手間和路線指示。祇有一條條人行過的tracks。係大草原,河邊,上山,跟住人行無marking的tracks。所以係蘇格蘭高地行山,因為無marking,無梯級,好容易會行錯路。我係香港預先下載蘇格蘭高地和湖區的行山Topo Map,才可滿有信心入山,但仍然有驚嚇情節。

    我跟著Polar行山GPS,可顯示詳細行山徑和有contour的Topo Map,路線黎講,行錯路己絕對無可能,但咁都中招。有一次,我行到一個十字行山徑口,Polar顯示要左轉,但我左睇右睇,都吳覺左邊有路,就以為Polar老點,繼續向前行。點知越行條track就越吳似係track, 而且非常側斜,落腳地面吳多。堅持行了幾個山灣之後,藍天變陰天,而且大風。我要雙手按住個山坡,彎低身黎行,以防被強風吹下山坡。個d山坡係羊仔行上去個d,非常側斜。

    另一次,跟住Polar GPS山徑圖,誤入濕地。踩隻腳落去,可以見吳到隻腳。我要不斷沿途執石頭,木頭,把它們掟係前面,然後才踩落去。鬥爭了兩個小時,才逃出生天。驚險過後,無事當然覺得好好玩。係蘇格蘭高地和湖區行山,天氣極度吳穩定。天氣的變化可以以半小時黎做一個單位,例如一小時內,會出現藍天,陰天,大風,下雨。所以吳好開始時見藍天,大太陽就以為無問題。如入山入林,亦吳好以為行一陣,而吳帶夠食物和水,因可能會迷路,或找吳到exit。還有不要依靠手機的GPS,雲厚,入大森林,就會甩星。

    入到蘇格蘭高地和湖區,除左行山好玩,風景靚絕之外,最好玩就係渣車。灣多,單線雙程,路窄。BMW 2 Series M, 薄寬胎,用加/減波,入灣出灣,好似打Playstation GT,非常上腦。如雙線雙程,可以鑼埋對面線入出灣。一百幾十公里,D路窄過石澳,任飛。正。

    入到城,鎮,村,就玩踩單車。係Cambridge, Oxford, London踩單車特別有feel。係Cambridge踩河邊,幻想自己係"徐自摩"。"輕輕的我走了, 正如我輕輕的來; 我輕輕的招手, 作別西天的雲彩。。。。",立刻徐自摩上身。我帶黎玩的單車,不宜off road,如果off road的MTB,黎到蘇格蘭高地和湖區,我唸好玩到吳想走。橫跨蘇格蘭高地,由東向西,有條百幾公里長的off road單車徑,我睇過介紹,真係流曬口水。

    點評

    Like: 5.0
    Like: 5
      發表於 2017-6-4 18:24

    升級   2.05%

    該用戶從未簽到

     樓主| 發表於 2017-6-4 09:10:41 | 顯示全部樓層
    如果要我用四萬蚊去買個英倫馬拉松的參賽資格,去完成我完跑世界六大馬的夢。以性價比黎講,我不如跑愛丁堡,用兩萬多玩全英國,好過。六大馬祇是虛榮,自己遊玩才是真實。跑完波士頓,己經算交曬功課。

    升級   2.05%

    該用戶從未簽到

     樓主| 發表於 2017-6-28 17:19:52 | 顯示全部樓層
    本帖最後由 brompton 於 2017-6-28 17:25 編輯

    蘇格蘭高地,行山後記。過去的六天,我黎左Tasmania,行左三次bushwalking。感覺對比蘇格蘭高地,係Tasmania行山感覺危險。
    係Tasmania, 最驚險的一日,行左六小時。我跟著Polar GPS行山Topo Map, 行上有1037米高的Mr. Claude。原本係一條round trip, 睇距離祇是約七公里。
    路徑好傾斜,

    升級   2.05%

    該用戶從未簽到

     樓主| 發表於 2017-6-28 17:27:37 | 顯示全部樓層
    本帖最後由 brompton 於 2017-6-28 17:32 編輯

    加上有動物係行山徑出沒,如Wallaby, 增加安全的風險。係Mt. Claude的入口處,還有野狗出沒的警告。

    升級   2.05%

    該用戶從未簽到

     樓主| 發表於 2017-6-28 17:32:25 | 顯示全部樓層
    本帖最後由 brompton 於 2017-7-2 19:41 編輯

    行左三小時多,才上到1037米的山頂。但發現條路俾一個石牆阻擋,要翻過石牆才可以繼續落山,眼見還有一小時可以出到路面,但因石上有積雪,不好爬上去,可能有跌倒的危險。天己吳早,Tasmania四點半就天黑,如天黑後都出吳到山,如遇上動物就會有危險,而且天黑山路不好走。仍然決定回頭,搏一搏。係蘇格蘭高地,沒有動物的問題和係路上會見到其他的行山人,會無咁驚。我行了三個多小時,係Tasmania可以一個人都見吳到。

    好在我帶備GPS行山路線,祇要跟住來時的路線,就可免行錯路。係山徑上,有好幾段山徑吳明顯,如果無GPS會有回程行錯路的危險。我突然了解點解會行山,迷路和被困山林。係Mt Claude,見時不時落雪,要小心滑倒。我急忙快步沖落山,用了不到兩小時趕到四點半剛好至停車場。好險。係最後幾百米,係不遠的山林跌中,突傳來狗叫聲。我直頭嚇到魂飛魄散,因如有一兩條狗,攔住條路,我就不可能回到停車場,真的被困山林。

    半跑半行,好像馬拉松沖線咁,向住自己架車跑去。一上到車才定曬。全程係山共七小時。有雨有雪,回想才知驚。我曾唸過可能用無線電call救援,如有野狗攔路或跌倒受傷。因我帶備有emergency channel的對講機。手機根本係無用,因係山林係無訊號。

    這次之後,我都行了兩次bush walking,見吳少wallaby係山林中跳黎跳去,有了第一次的經驗,己無咁驚。

    升級   2.05%

    該用戶從未簽到

     樓主| 發表於 2017-7-2 23:03:34 | 顯示全部樓層
    本帖最後由 brompton 於 2017-7-2 23:23 編輯

    係國外行山,環境多變,像今次係Tasmania,山腳係和暖的拾幾度,行到上山頂係零度,夾雜著雨雪天氣。去到樹林,白天變暗色,加上山林多動物叫聲,和不會有人,會感覺心寒。吳像係香港行山,一般都會見到人,而且天氣變化不大,沒有動物出沒的危險。
    山徑因人煙悕少,路線上可能會出現爛到好難過的路段,而且路線不明顯,很難用眼黎分別邊條係路。如果祇靠紙地圖,走錯路會係家常便飯。好像我今次,GPS路線標示係可以向前行,但因天氣和危險過吳到,咁就會失曬預算。如果近天黑,就大劑。除時被困山林。如果夾硬過,又會容易跌到有意外,咁重更加大大劑。就算急急腳回頭,都未必趕很到天黑前落到山。加上,如無預算留晚上黑夜,如無帶電筒,等。黃昏和晚上,動物就山會出動。

    係國外行山,真係吳好以為係香港行山,到左郊野電話係會變廢物。如果係起步時,暖和,藍天,就輕裝上陣,但行行下電雨紛飛,就算有體能都會凍瓜。個件外套頂吳到雨,就會濕曬,凍到骨。如果被困山林,就有生命危險。經過今次,就明白點解行山會死人。天氣,路況,動物,迷路,意外,都係風險。如果係山林行錯路,係可以行到好錯。如天黑,行行下迷路,跌落山崖都有可能。
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2017-11-20 19:55 , Processed in 0.405321 second(s), 26 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表