年尾日本馬拉松一問

calfkong

各位師兄，小弟枇件尾去日本跑馬拉松2過往已跑過大阪和神戶。年已好似有橫浜、岡山、富山、金澤、福岡等等。本諗報福岡，但見跑後評價唔多好。想試橫浜、岡山、富山、金澤或其他，不知跑過的師兄有沒有好介紹?
謝謝

wlau

"年已好似有橫浜、岡山、富山、金澤、福岡等等"
五隻中我跑過三隻, 包括橫演, 金澤, 福岡, 但我唔覺福岡有乜問題喎, 佢只係起跑同終點一頭一尾, 舊年坐佢既巴士由會場返到天神, 都好快, 排隊上車亦OK , 唔駛等太耐.
或者氣氛無大阪咁好, 但個比賽我覺得唔錯, 但如果有金澤, 我會推介金澤, 因為佢既比賽場景會多D 變化, 會經過舊式日本和居既區域, 其他比賽比較少. 但交通上, 福岡, 橫演, 岡山等遠勝富山同金澤, 後兩者來回都用如果唔坐新幹線而做其他交通工具由大阪或東京入, 來回可能用成日半既時間.

而今年我好大機會會跑岡山, 因為有直航..

calfkong

wlau 發表於 2017-2-15 16:37
"年已好似有橫浜、岡山、富山、金澤、福岡等等"
五隻中我跑過三隻, 包括橫演, 金澤, 福岡, 但我唔覺福岡有 ...

感謝師兄回覆
想問一下，橫浜的如何?氣氛、安排可以嗎?

FYL

富士山河口湖馬也不錯

saviolaele

yokohama 我都想知

坑口公牛

saviolaele 發表於 2017-2-21 13:53
yokohama 我都想知

橫濱馬最特別係約21K-32K跑首都高速灣岸線，另一特色係食物多，18個補給點共有43款食物，在各個補給點亦安排有不同的表演。
食物種類可參考大會連結
http://www.yokohamamarathon.jp/2016/cheer/lunch.html

坑口公牛

FYL 發表於 2017-2-16 09:04
富士山河口湖馬也不錯

河口湖風景靚，富士山做背景係賣點，但始終係郊區，人氣比較弱。
另外西湖地勢比河口湖高，所以22K有1K上斜。

坑口公牛

分享一些橫濱馬的照片

坑口公牛

一些富士山(河口湖)馬拉松的照片

saviolaele

坑口公牛 發表於 2017-2-21 22:17
河口湖風景靚，富士山做背景係賣點，但始終係郊區，人氣比較弱。
另外西湖地勢比河口湖高，所以22K有1K上 ...

住宿交通難嗎?

坑口公牛

saviolaele 發表於 2017-2-21 23:50
住宿交通難嗎?

河口湖係旅遊區，訂房唔容易，我最初訂到去葭池溫泉駅，後來先訂到近富士山駅，但係行去車站都要半小時，有師姐原本訂嘅酒店都好遠，幸運地後來改訂到河口湖附近酒店。
富士山駅有火車去河口湖駅，約半小時一班，比賽當日有加班車，約十分鐘車程，到河口湖駅後步行約15分鐘就到達會場。
羽田機場有高速巴士去河口湖，車程約3小時，車費2470円，可以網上訂來票，或在機場買單程票。我因為係羽田機場落地，成田機場走，所以只買單程票，回程坐火車到新宿，再轉NEX去成田機場，車程都係約3小時，車費5730円。