第八次長跑一萬公里(累積至22年8月31日共71580公里)

kennysze

12年4月10日，今天第一次在夜晚完成青衣大圈，以前都試過一次想夜晚跑昂船洲大橋，由藍澄灣入貨櫃場，已有好多狗在吠，結果只好折返。今次我帶齊裝備，由青衣西路入昂船洲大橋，跑到狗仔樂園即加埋行山杖在手，結果順利完成青衣大圈，途中遇見三隻狗都無理我，共跑14公里。

經過青衣東北公園

                               
登錄/註冊後可看大圖

沿青衣西路跑

                               
登錄/註冊後可看大圖

到昂船洲大橋橋底!

                               
登錄/註冊後可看大圖

                               
登錄/註冊後可看大圖

今日負重跑，帶埋背囊、相機、行山杖、頭燈!

                               
登錄/註冊後可看大圖

路線圖(因沒有電，提早停了GPS，終點應和起點連在一起)

                               
登錄/註冊後可看大圖

[ 本帖最後由 kennysze 於 2012-10-21 16:07 編輯 ]

chusiuyee

狗仔樂園呀...kenny哥哥你真係勇！

kennysze

四圍跑成日都見到狗，慢慢就掌握到佢地O既脾性，見到佢地，我會望任佢地，如果見D狗行埋黎，我會指住佢地，通常佢地就會同你保持一定距離，唔敢再近! 千祈唔好跑，慢慢行過就無事!

kennysze

第二次馬拉松，以後都要跑馬拉松

接住上文 第一次馬拉松與第二次馬拉松之間 #539 立定決心要再跑多一次馬拉松，還要確保跑得順順利利，不要跑完又再病。

雖然在三月已決定再參加下年的馬拉松，但當時想馬拉松在下年二月才舉行，加上工作又忙....很多不跑的理由，結果正式練習在九月才開始，練習模式都是和之前的差不多，每星期跑一兩次，每次半小時至一小時，反而就多了行山活動，還參加了一些越野跑比賽，到臨近比賽的一個月就操練得密集很多，幾乎天天都跑，平日半小時，不用返工的時間則跑一個小時至一個半小時，當時覺得已練習得很夠，不可能用兩三小時在運動場跑啊!
比賽前一晚睡得很好，沒有第一次失眠的情況，狀態很不錯，覺得自己應該會比上年成績好! 果然跑到半程時比上年快6分鐘，不過一到三十公里對腳就沒有力，結果又是行一會跑一會的捱到終點，時間是4小時30分，比上年快1分鐘。當時覺得自己狀態這麼好，都是快一分鐘，覺得這個就是自己的水平了。不過想到年紀大了一歲而時間還可以快1分鐘都是進步啊!!其實又是一件開心的事。 這時我就決定，不如每年都要參加這個馬拉松，看看自己每一年的身體機能表現，希望透過馬拉松鍛鍊，可以減慢身體機能衰退!
跑完後刻意讓自己多休息，哈哈! 終於這次沒有生病了。




[ 本帖最後由 kennysze 於 2012-4-11 09:14 編輯 ]

jbrun

原帖由 kennysze 於 2012-4-10 22:04 發表

                               
登錄/註冊後可看大圖

明白了，所以都係加D釘在鞋度安全D!

堅尼師兄,可否分享一下你怎樣可以由抽不到時間
練跑到現在有恆心的去練跑呢?
因為看見你的blog,很佩服

kennysze

jbrun師兄，你的問題實在太好了，我原本計劃慢慢寫這個變化，依家特別重點講一下，這主要是心態的轉變，當初一直以跑步作為一種鍛鍊，為了減肥可以吃多一些!哈哈! 為了強建身體，所以會用時間在運動場、同一條跑上半小時、一小時，到比賽前可以用一個半小時，這時會覺得是極限了，時間有限，不能給太多的鍛鍊時間，還要有些時間消閒，娛樂，遇到工作繁忙，就會放棄鍛鍊時間。後來開始四圍跑後就不同了，跑步加上了我認為最重要的一種元素，就是娛樂，會找一些未跑過的路去跑，每次跑步都像一種探索、旅行一樣，我稱之為跑步旅程，在旅程中又會用相機影低一D特別事物!  我盡量避免跑同一條路O架!經常重覆O既路就係放工跑步路線，依個部份我當做鍛鍊同慳錢!!  跑步由以往單純鍛鍊發展到依家娛樂(6成)+鍛鍊(3成)+慳錢儲錢(1成)，
依家加埋定O左一萬公里O既目標，每跑一次好似又同個目標近O左，令我更加有動機去跑!

[ 本帖最後由 kennysze 於 2012-4-11 06:44 編輯 ]

chusiuyee

原帖由 kennysze 於 2012-4-11 00:57 發表

                               
登錄/註冊後可看大圖

不如每年都要參加這個馬拉松，看看自己每一年的身體機能表現，希望透過馬拉松鍛鍊，可以減慢身體機能衰退

"小二跑步既目的都係一樣....「強身健體」，不過跑完可以較為放心食多少少雪糕 ...始於消耗左少少...呵呵

不過08年既Kenny哥哥...皮膚很「白雪雪」還有點baby face，但現在的你...黑黑實實！陽光少年feel！~~

[ 本帖最後由 chusiuyee 於 2012-4-11 08:22 編輯 ]

kennysze

哈! 我以前大部份時間都係夜晚先練跑，只係行山下會曬下太陽，對腳仲白淨到反光添! 後來四圍跑，跑足成日就曬足成日，依家就緊係黑啦!

perre

係你幅青衣地圖, 右下角青上里個里字對下, 有一條提霸, 行出去影大橋重靚呀.


還有, 下次上埋青欣山啦, 咁就真真正正一個最廣闊的青衣大圈, 我成日都上去影青馬大橋 .... 好正!

kennysze

Perre師兄，多謝你兩個好介紹!
青欣山條路我都行過好多次，下次一於在青衣東北公園跑到船廠尾再折返，然後右轉上山入青衣自然徑，再落山接青依西路，咁應該係最大圈了!
果然係影相人，我未去過條堤壩，睇地圖角度應該會靚D!

perre

原帖由 kennysze 於 2012-4-11 10:58 發表

                               
登錄/註冊後可看大圖

Perre師兄，多謝你兩個好介紹!
青欣山條路我都行過好多次，下次一於在青衣東北公園跑到船廠尾再折返，然後右轉上山入青衣自然徑，再落山接青依西路，咁應該係最大圈了!
果然係影相人，我未去過條堤壩，睇地圖角度應 ...

我都未去過, 但我睇無線套 "喇FING哥2集" 見過佢地係果度講數, 見到無線個構圖好靚, 只是未能親身去果度影相 .....

kennysze

第三次馬拉松與跑出青衣橋
前文提及參加完第二次馬拉松後就決定每年都要參加馬拉松，09年是我第三次參加馬拉松，但跑步練習模式還是沒有轉變，晚上有時間就隨意的在運動場跑半小時，或跑二十個圈，或跑海濱長廊來回，這段時期最喜歡是四處郊遊、行山、賞花賞樹，未去過的都想去走一走，萬宜水庫東壩、東平洲、蒲台島、大東山都在這段時間去的，跟過行山隊行山，也經常一個人去行山，還報了雷利長徑78公里和東北縱走，雖然這些活動中，我幾乎都沒有跑，但體能和耐力確實有所提昇，結果在跑步練習模式差不多，甚至更少練習的情況下，我第三次馬拉松的成績是4小時17分鐘，比往年又快13分鐘，跑步的過程都是差不多，跑二十多公里便開始速度減慢，到了三十公里在每一個水站前都要行走一會，然後再跑，不過行的時間明顯減少了。這次發現原來我跑馬拉松的成績是可以有突破的，心裏很開心，寄望明年會有更好成績!

09渣打馬拉松相片，當時我還帶了相機，不過出發後就沒有再影了!

                               
登錄/註冊後可看大圖

跑完馬拉松後，發生了一件對我跑步影響非常深遠的事情，當時我寫了在Yahoo Blog中(09年2月23日下午9:52)，全文複製下來

「一向練習跑步都是選擇沿著青衣海濱長廊來回走，有時則會跑入青衣運動場。上星期日嘗試跑上青衣北橋，到達荃灣的海濱花園，原來那裏也有另一條海濱長廊，沿長廊一直跑到麗城花園，看見前面還有長長的路可以繼續跑，但當時趕著回家吃晚飯，也只好折返。
今個星期日繼續走這段路，沿著長廊的盡頭可接上一條長長的行人路，所跑的路盡是海景，也見到一些人結伴騎乘單車，經過數個泳灘，穿過汀九，跑呀跑，就到達了深井，看見前面還可繼續跑，不過由於時間已晚，只得乘小巴回青衣去。
這真是一條絕佳的跑步路線，走過之處99%是海景，開揚的景緻，微微的海風，多麼舒適，在這段路跑，真是一種享受。而且所跑的路就像馬拉松般的平坦，不會急上急降，用來練習備戰馬拉松就最適合不過。下一次會繼續向前跑，不知會跑到哪兒? 我就是喜愛這種探索的心情。
常覺得可以四處自由的走，真是一件幸福的事，感謝有一雙健全的腿，帶我走遍這個世界的不同角落!」

就是那一次媽媽到來家中煮飯，當時有大約兩個多小時的時間才吃飯，想不到做些甚麼，不如就出去跑步，還可以跑遠一些，就是這樣跑出了青衣橋，從此跑步就變得不一樣了!


[ 本帖最後由 kennysze 於 2012-4-11 12:26 編輯 ]

Turtle

喱張相影得sze sir 好鬼嫩口............

tank1438

青公真係好多跑手的搖籃地呀,當年我搬到麗城區諗住行吓海旁..行行吓見咁多人跑,我就用當時肥大的身軀向深井方向跑,第一次連金麗苑都未到已經跑唔郁,之後過兩日就可以一口氣跑到近水灣,再兩日就汀九橋....用左兩個星期先可以一口氣跑到深井!!當時個好字間學校都未起好!

阿何

原帖由 kennysze 於 2012-4-11 06:35 發表

                               
登錄/註冊後可看大圖

jbrun師兄，你的問題實在太好了，我原本計劃慢慢寫這個變化，依家特別重點講一下，這主要是心態的轉變，當初一直以跑步作為一種鍛鍊，為了減肥可以吃多一些!哈哈! 為了強建身體，所以會用時間在運動場、同一條跑上半 ...

我當初跑步也是為了大吃大喝，可恨是由158磅減到二年前的145就沒法減下去，害得我現步照跑卻不敢吃！！

阿何

原帖由 tank1438 於 2012-4-11 14:04 發表

                               
登錄/註冊後可看大圖

青公真係好多跑手的搖籃地呀,當年我搬到麗城區諗住行吓海旁..行行吓見咁多人跑,我就用當時肥大的身軀向深井方向跑,第一次連金麗苑都未到已經跑唔郁,之後過兩日就可以一口氣跑到近水灣,再兩日就汀九橋... ...

師兄係Hysan個名次攞番未？

tank1438

原帖由 阿何 於 2012-4-11 16:09 發表

                               
登錄/註冊後可看大圖

師兄係Hysan個名次攞番未？

上星期賽會終於都改番岩喇...

jbrun

原帖由 kennysze 於 2012-4-11 12:19 發表

                               
登錄/註冊後可看大圖

第三次馬拉松與跑出青衣橋
前文提及參加完第二次馬拉松後就決定每年都要參加馬拉松，09年是我第三次參加馬拉松，但跑步練習模式還是沒有轉變，晚上有時間就隨意的在運動場跑半小時，或跑二十個圈，或跑海濱長廊來回 ...

堅尼師兄,似乎這次是你一次跑馬拉松的重要轉淚點吧.

chusiuyee

原來青公和我地癲友,.,.都有一份淵源...好在我地唔係「相逢恨晚」..呵呵呵！

micrathon

原帖由 tank1438 於 2012-4-11 14:04 發表

                               
登錄/註冊後可看大圖

青公真係好多跑手的搖籃地呀,當年我搬到麗城區諗住行吓海旁..行行吓見咁多人跑,我就用當時肥大的身軀向深井方向跑,第一次連金麗苑都未到已經跑唔郁,之後過兩日就可以一口氣跑到近水灣,再兩日就汀九橋... ...

我記得第一次跑青公是2010年6月某日，荃灣<=>機場博覽館，跑到我
最后用左半年時間才完成荃灣=>屯門站，果陣超興奮，終於可以跑到屯門

PS: 無記錯小二班長用左3個月度就完成左....我無語