|
|
尋日同今日都好多節目, 搞到宜家先有時間上黎出返個記錄 .gif)
15/8出席既ching/ctse有(排名不分先後):
Terence, Harry, wty16, 256, sam, Wing, 火將軍, Aprilia, Tinson, finewong, 活活, &小弟JC
起步前先問問有邊位會跑長腳組, 256同wty即時舉手, 其他ching/cste都深藏不露......... .gif)
咁唯有一齊跑頭段, 去到6k位置自行決定繼唔繼續跑多4k啦~
起步時間到, 未見活活同finewong, 我地唯有照原定時間8:15起跑,
步出TKO運動場, 隨即見到finewong出現, 交代路線後正式出發.
一起步, 火將軍同601似乎忘記左今次既路程, 以跑800米既pacing拋離大隊 .gif)
256 ching見咁既形勢, 用腳指尾一彈, 上前制止兩隻超速快馬 .gif)
但係可能256 ching 唔覺意用多左腳指公既力, 自己都收唔到油, 繼續衝前 
小弟唸住盡吓阿四既職責, 拚死追前幫佢拉手掣, 踩到死氣喉都跌埋落地, 先至拍到吓256尾燈 .gif)
一望之下, 原來256 ching面不改容, 談吐自若, 尤如漫步已經有咁既速度,
睇睇錶, 原本4:45pacing, 即係我既極限, 當堂自己down晒 .gif)
係哩個時間, 突然聽到後面有好輕快既腳步聲"飄"緊埋黎, 原本係wty ching,
嘩....... 唔係掛, 唔聲唔聲閃上黎, 重.......重........ 重要....... 好shine既笑容啊
點解, 點解佢地個個都跑得咁輕鬆既, 而我就跑到上氣唔接下氣, 點解.......... 
就係兩大快腳既脅持之下, 我地唔覺意咁............跑左長腳組~~~ 
尾段1k返去運動場既時間, 迎面見到finewong駛出佢既水上飄神功 
相信佢一定係跑完10k唔夠喉, 掉頭加k接我地返終點, 實在太感動喇 ~ .gif)
更加令人意外既, 就後返到運動場, 見到活活ctse, 以佢一貫既動人姿態出現 
大團圓喇~
大家沖洗完之後, 又係特訓時間喇,
出席既有: terence, harry, finewong, 火仔, wing, 活活, 小弟, &小弟既腳痕仔,
係度真係要多謝大家, 請我呀腳痕仔特訓, 特別係 火"哥哥"呀.......... .gif)
仲有呀腳痕仔成日問我, 601姐姐係咪跑得好快架, 我話緊係啦, 快過daddy添呀~
[ 本帖最後由 jc8866 於 2009-8-17 00:47 編輯 ] |
|
[複製鏈接]
樓主
發表於 2009-8-15 07:52:13
.gif)
發表於 2009-8-17 09:29:02
但你都無講你消遙跑前跑個5Ｋ（起碼3個大圈la），仲要跑得唔慢......
星期六短腳我都跑得好辛苦...無氣無力
, 一起步唔見晒你地啦!!!
腳痕仔對新鞋好有型喎~希望下星期六可以同腳痕仔一齊跑運動場啦!
