|
|
10 Jun 2009 15.32km
尋日日頭份工放無薪假, 所以就一早決定左會操返一課長課, 不過事實與預算都係有所距離, 最後總數只係跑左15k幾.
中午响屋企準備出發之際, 天上落下大雨來, 唯有繼續留响屋企等停雨, 直到點幾鐘, 外面終於都停左雨, 心諗落左場雨應該對於跑長課會更好, 所以對於可以完成20k都滿有信心.
响屋企樓下做左熱身及神腿三式, 就開始就沿住一貫既路線由香島中學向濕地公園出發, 當經過左慧景軒上身已經濕透, 好不容易先至跑到水邊圍村轉上屏山, 但係身體突然傳來一個難以至信既訊號, 就係 - 尿急, 已經全身冒汗, 都居然會急急, 真係自己都無法相信, 一直跑到去鍾屋村, 實在真係急唔住, 所以就去左鍾屋村既球場洗手間, 此時電話上既gps軟件顯示為7.9k, 而時間係45分02秒, 以尋日咁既天氣, 都跑到呢個時間, 對黎緊星期日8k賽挑戰sub45, 大大加強左信心. 一停落黎全身就好似被火燒咁, 唯有不斷向自己個頭淋水, 以免發生中暑, 而隨身帶備既清水, 亦都係此時飲下大半枝. 如廁過後, 繼續向屯門方向出發, 直至去到藍地前, 就決定唔再向屯門方向跑, 改為調頭返回天水圍, 不過經過兩個個輕鐵站後, 身體實在非常疲倦, 以及全身發熱, 唯有在同一天下再次光顧鍾屋村球場公廁, 又再以清水淋頭降溫, 而身上既清水亦都全數飲清, 跟住慢慢步行往洪水橋7仔, 再購買一枝運動飲品, 冰涼既特飲落肚, 即時感受到平師兄當日跑青公去到三聖時飲完水特既感覺, 但係當時全身濕透, 實在不宜乘坐輕鐵回家, 所以打算慢慢由洪水橋行返天水圍, 之後行到去天影路紅綠燈位, 心裡就不奇然有一個想法, 都休息左十幾廿分鐘啦, 不如慢慢跑返天富啦, 所以又再調校好手錶及電話gps軟件, 再次提腿慢跑向住天富方向. 最後返到屋企樓下既公園仔, 做完拉筋再返上樓.
香島中學 - 鍾屋村 45'17"
鍾屋村 - 藍地輕鐵站 9'56"
藍地輕鐵站 - 鍾屋村 9'44"
天影路 - 香島中學 23'35"
|
|
樓主
！ 
