升級
6.85%
TA的每日心情 | 開心 2013-10-5 16:12 |
---|
簽到天數: 1 天 [LV.1]初來乍到
|
今年毅行終於沖擊20小時大關成功。
睇落成績好似唔錯,但係無咗合拍嘅隊友同强大SUPPORT嘅支持
莫講話20小時,行唔行得哂都成問題!
猿球:非常稱職嘅隊長。多謝你瞻前顧後,令我哋响速度和時間上取得平衡,
當然多謝你嘅好介紹 -- Hotdog size 飯團
大雄:絕對佩服你嘅魄力。亦多謝你嘅邀請讓我加入,以及你哋一家嘅SUPPORT (靜儀、敏儀、大佬)
一定要代我哋同佢哋講多謝。
Desmond: 一個速度和體能都唔洗擔心嘅組員。9、10段都jog 贏support team,
只可以講 -- 你又升呢鳥
KK: 你唔單止係Gel王,重係「貓王」 - 預早大半粒鐘揹哂我哋D腰bag 入東霸,等我哋空身行頭10km,
仲唔出哂貓?? 當然多謝你1-2段陪行以及上草山前嘅support 啦!!!
大師兄: 得力車手當之無愧!!(CP3, CP4 ... 終點)。Check point 無延誤 (好似速遞公司咁使命必達)
而且重請假陪行1-2段,夠義氣! 冇咗你唔知邊個肯載我呢個臭男人返屋企。
-R-: 强大嘅後盾、穩健嘅pacer。3-6段 無咗你嘅陪行/幫助、做開路先鋒,
我哋好難响落雨情況下on schedule完成呢幾段。果然 [Super] 級係唔同D 嘅!!!
車仔:多謝你準備嘅「密實」义燒飯,可以一路行一路食,一絕!果然係食腦之人!
BTW, 第6段嗰度冇P嚫吧,保重!!
公牛: 多謝你出車又出力。今年甚少行山嘅你照陪我哋行針草、拜見大佬(帽)
睇嚟你應該係時候出山啦。
昌哥: 多謝你後1/3 嘅支持 (7-10段),全程做足亞四:揹糧、遞水、要手卷有手卷,要風衣有風衣
攪到手臂損哂,真唔好意思。出年上半年上渣馬,下半年就報埋毅行啦。
Rebecca & 豬豬: 响半山(草山半路)見到你哋同KK,即刻精神為之一振。
多謝提供食物。汽水固然冰凍解渴,暖意卻點滴在心頭。
Wallace:無言感激,真不愧做兄弟 + 弟兄。等你出山再戰毅行!!
明師兄:多謝你响落大帽山半路接我哋,往往响細微之處見到你嘅心思,
有你陪行9-10段,絕對感激。
活活:多謝你响9-10段製造開心輕鬆氣氛,帶起我哋慢jog
第10段落响我「留離」之際,又俾你呃到我行屍走肉咁小jog(仲然一小段),一個字:服!
馬拉:多謝你9-10段同行,由其响環塘陪我行+job,睇住我冇跌落塘。
我有點兒想發牢騷時,你仍默默同行,真唔話得!
當然仲有好多好多人要多謝,包括
***當日到場嘅會長,金金,LuLu,花花,烏拉,Paul,哈利,Eva,......
***有份參賽嘅Jun,森美,May Lam,娟,傻佬隊,.....
***有份募捐嘅 Rockie ,Cat師姐,.........
太多太多人不能盡錄,小弟記性差,如有遺漏,請見諒。
[ 本帖最後由 iceberg99 於 2011-11-21 00:51 編輯 ] |
|