|
昨日早上同loud兄, 馬王, 小虎, 阿傑, 魚蛋明去左東涌參加jason兄安排的100km操車, 到場見到好多ching/ctse, 準時7:30前到達, 吹一輪水後, 映完大合照, 約7:55am 開始100km的旅程. 先向東涌方向進發, 由於今日的目的是100km, 所以把速度刻意保持於28-29km/hr左右. 不過唔知是否星期六的4km游水未回到, 心跳都幾快, 好快上到145. 亦因為咁, 唔敢去太盡, 怕太早就爆. 去到東涌返轉頭, 見到ginny問我點解咁快就返轉頭, 即時以為會唔會自己搞錯, 個迴旋處其實去到機場果面果個, 於是立即轉軚再向東涌全力出發, 好彩見到loud兄佢地返轉頭, 唔使踩咁遠. 之後馬王帶隊的勾車團出現, 於是跟番幾k玩下, 嘩!! 一睇個錶, 去到成39km/hr, 慢番d都35km/hr, 見自己有氣有力, 懶醒咁頂左風一陣, 之後覺得唔對路, 咁搞法, 隨時"lai"野, 所以冇再跟, 而且, 自己亦想睇下唔勾車有冇可能靠自己完成100km. 之後的速度保持29-30km/hr左右. 第二圈後, 開始用aerobar. 上星期已經將aerobar的位置再fine-tune, 將左手的bar升高少少, 另外又將seat位升高, 今日整體踩得好舒服, 用aerobar時都覺得平衡方面比之前好好多, 個身冇再就住左手個bar, 成個身"坐"落去, 以前臂作支點, 沿途又冇乜汽車, 踩得好輕鬆. 速度可以輕易保持於30-33km/hr之間. 不過去程真係好大風, 架車都有d飄. 到左第三個圈後, 覺得冇晒力, 速度開始下降至24-25km/hr, 因為怕踩唔晒, 唔敢谷. 最後冇落欣澳又冇入廸士尼, 直剷廸欣湖集合. 這時只踩了88.5km. 還差10多km先夠數. 休息一輪之後, 覺得上番力, 最後大家決定踩多少少, 踩夠100km. 可能飲得太多水的關係, 之後大腿成日作抽筋, 不過雙腳郁下郁下又冇野, 最後以30km/hr的速度完成剩下的10多公里, 以100.93km埋單. 全程平均速度27.7km/hr. 落車settle左一陣, 响橋底試下跑唔跑得郁, 初步感覺都ok! 但要認真咁試先知道. 不過安慰的是雙腳踩完100km都仲有感覺. 最後响東涌食埋飯先滿足地回家!!
下次要試下全程唔休息咁踩100km至得!!! |
|