|
退步了
今日o係酷熱天氣警告之下, 原本set個目標係45分鐘同最少10圈, 不過始終都敵唔過個天....
一入到球場, 我以為自己上左大霧山, 成個場都濛查查, 個天仲要係粉紅色, 即係暴風雨好快又黎啦....
首先2圈半warm up都無咩事, 到做完拉筋開始跑, 第3個圈已覺得係透唔到氣, 而溫度實在太高, 又一滴風都無, 真係最辛苦既一次囉...
呢個時候已心知不妙, 唔會再同個天同埋自己鬥氣囉, 諗住跑到幾多就幾多, 唔會勉強, 反正仲有大把機會跑...
今日最終只係完成到8個圈, 跑左30分鐘都唔夠, 唔合格呀!
下次努力!
每月檢討
唔經唔覺我個瘦身之旅已到左第5周啦, 係時候黎個小檢討:
由第一次只可以連跑5圈, 到第四次可以連跑15圈, 進步都唔少呀, 不過離10k仲有好大段距離
而我已經戒左飯, 咖啡同奶茶一個月啦, 而食量又減左好多, 但今日磅左, 只係輕過上個月大約5磅, 點解咁少既, 我真係唔明點解自己幾年前可以2個月瘦廿幾磅囉! |
|