|
|
第一次跑街 - 5.4k
懶左2個星期, 如果唔再跑d肌肉可能又要重新適應, 所以趁今晚無電視好睇, 就打算玩下跑街.
返到屋企, 食左3片蛋糕+半杯西梅汁, 餵埋亞豆亞高就出發啦!
初初有諗過渣車出元朗大球場跑, 因為果度有水飲, 但我驚跑完隻腳踩油唔曉收, 所以都係打消左呢個念頭, 放低d門匙o係車就出發啦.果陣時間係7點50分.
今次同上兩次一樣, 都係會勁慢跑, 目標係non stop 一小時, 打算跑parco爸平時跑開條路, 但果樹好多山墳, 雖然七月節未到, 但夜媽媽都好似唔太好......
於是我就o係錦上路起跑, 源住馬路向西鐵方向, 打算去到西鐵原路跑回頭.
原來馬路真係唔好跑, 又多車, d車行過又吹d沙入眼, 又多人等巴士, 又多垃圾站, 勁臭呀!
咁鬼臭, 回程都係唔好原路跑啦, 我驚我會暈呀.....於是就改變主意, 跑左去原本唔想跑既銀河路啦......
呢樹真係靜好多, 人都唔多個, 而路邊又多雜草, d雜草真係令人好困擾, 了到我隻腳好痕, 仲有d樹葉又生到好低, 成日都要烏低身避......真係想搵日拎把大樹去剪鬼晒佢!
由於呢度真係有少少陰深, 雖然無咩事, 但一個女仔夜晚都會有d驚, 但都跑左入黎......都要繼續啦.....
到左4k 個上斜位, 我頂住都要慢跑上去, 雖然好辛苦, 但都唔可以停, 到左八鄉橋, 覺得自己勁需要水, 仲有一秒休克既感覺......但都無計, 水就無啦, 跑到返屋企咪有囉, 於是又再繼續......
八鄉橋果條斜路真係唔講得笑, 我諗都有500m, 我之前練渣打果陣, 跑到呢度一定係行架, 但仲有少少就見家鄉, 死都頂埋佢!
終於到左終點, o係油站門口拉下筋, 跟住就行返屋企啦, 返到車睇返時間係9點正.
後感:
我覺得自己氣量真係大左, 連跑1個鐘條氣都無唔順, 同埋今次無跑球場, 唔駛成日轉彎, 雙腳感覺都好左, 同埋跑完街發覺球場真係悶到嘔, 但球場既好處係 : 有水同埋有鐘
瘦身紀錄 : 又比上2兩星期輕左2磅啦 |
|
發表於 2009-8-4 06:00:05
樓主.gif)
我好希望到我達標果日, 可以食一大碟我最愛既咖哩牛腩飯多汁.gif)
.gif)
.gif)
.gif)
.gif)
.gif)
好想快d同佢開齋呀
.gif)
