大圍長跑長友Blog (賽季又到，唔止要勤力d操，仲要勤力d寫Blog。)

大圍新跑手

原帖由 xo523 於 2009-1-26 20:46 發表

                               
登錄/註冊後可看大圖

今日跑了32K

勁呀...即係冇事啦~

大圍新跑手

2009.1.28 美津濃第28屆發財跑 (7.5K) + 加操大圍顯徑<--->馬鞍山海典居 (來回約20K)
今次參加呢個發財跑純粹都係因為好意頭，所以都係抱住好輕鬆既心情去比賽 。之前因傷休息咗3日，今次順便試吓腳，所以全程都跑得好保守，只係去到最後轉彎見到條大斜路既時候，見仲有大把力於是狂衝上去，去到終點真係索使氣 ，睇返大會時間用咗34'47。
唔同其他比賽，呢個發財跑既氣氛好好，又有金(柑)執，又有獎抽 ，希望以後每一年都可以參加到，唔知有冇機會可以跑多11年攞齊12生肖記念T-Shirt呢 ！
玩完發財跑同KK、batbat同埋佢朋友去灣仔食埋個早餐先返屋企，覺得對腳冇咩問題想襯住最後一日假期來多課長課 ，於是hea咗陣等14:00出發由屋企跑去馬鞍山海典居來回，跑到大圍火車站附近因為太多人去車公廟跑唔到迫住要行，要過使火車站先可以開始跑，仲搞到去程計唔到時。去程一路跑其實一對小腿都有酸痛，但係keep住放輕鬆咁跑都冇咩問題。
回程就開始加快小小，但係跑咗冇耐右膝條筋又開始有反應  ，不過今次我冇停繼續跑，因為我怕一停低就跑唔返到時又要搭車。唯有照白ching教路盡量放輕鬆咁跑 ，雖然條筋一路跑一路都係扯住咁不過都跑到，最後都勉強頂到返去大圍火車站，回程呢程大約9.5K用咗51'59都算不過不失 。
停低之後就由大圍火車站行返屋企當cool down，返到屋企除咗對腳好攰之外，按下之前傷果條筋又係赤赤痛咁，睇來又要休息幾2,3先可以復原，跑埋1/2馬鞍山8K之後有仲有一個星期先到渣打，希望夠時間完全恢復以最住狀態迎接渣打來臨。

大圍新跑手

原帖由 瘋狂坦克車 於 2009-1-29 11:30 發表

                               
登錄/註冊後可看大圖

大圍兄, 好好保重. 我都諗住跑多兩課20k樓下既長課就唔操喇.

瘋兄放心啦, 我都係就住來操, 渣打應該冇問題既...
你都要小心d呀~

大圍新跑手

原帖由 oscar 於 2009-1-29 14:17 發表

                               
登錄/註冊後可看大圖

既然痛，可能再減量會好啲，跑678K的輕鬆跑，再加多一課15K長課就收啦！
我星期日跑完馬仔會JOG再多8K，不如一齊呢！

係呀係呀....我都應該收操啦~
星期日比完賽一齊去飲茶呀, 應該唔加操啦~

慢子 Wilson

祝牛年越跑越快，身體健康；場場 P.B.，，長跑長友！

大圍新跑手

2009.2.1 馬鞍山盃8K長跑賽
今日真係長跑網大豐收, 自己因為賽前都有少少傷休息咗3日, 今日都係諗住臨場發揮.
頭段都唔敢開得太快, 不過2K睇時間7'58, 感覺唔似咁快, 跑跑下見到秋鴻CTSE係前面, 於是跟住佢跑搭其順風車, 跑左冇耐我跟住佢過左SUE CTSE, 跑到差唔多轉折點我見秋鴻唔係好快於是加速過左佢.
折返既時候瘋瘋係我前面大約唔夠10秒距離, 於是我又一直吊住佢尾跑, 計劃跑到最後1,2K如果有力就追過佢, 點知跑到大約過左6K, 一對小腳又開始痛, 雖然唔係好痛但係發唔到力, 好自然開始又比瘋瘋帶離.
再跑左冇幾耐又比秋鴻CTSE過埋, 果時個心係度諗....如果唔理對腳痛發力追可能有機會追返佢地, 最後都係唔想自己太辛苦放棄, 最後2K我應該比好多人過左.

時間: 半程17'11 全程 35'49

來緊最後一個星期都會養傷同休息, 希望到時渣打可以用最住狀態出戰.

P.S. 今日沿途見到好多著長跑網衫既CHING CTSE, 大家都會打氣士氣非常好, 來緊渣打大家繼續努力.

大圍新跑手

渣打馬拉松 (倒數第二周總結)

1.25 休息

1.26 休息

1.27 休息

1.28 2009.1.28 美津濃第28屆發財跑 (7.5K) + 加操大圍顯徑<--->馬鞍山海典居 (來回約20K)

1.29 休息

1.30 休息

1.31 休息

本周里數：28K

大圍新跑手

原帖由 瘋狂坦克車 於 2009-2-2 09:48 發表

                               
登錄/註冊後可看大圖

大圍兄,
相信你如果唔係有傷, 可以做到SUB34架. 8K-SUB34係小弟今年全年目標呀.
可能小弟跑親8K都黑住你, 9.14又係咁, 下次我實要食你D塵架喇. " />" />

講落又真係要信斜...8K呢個路程對我唔係咁老泥.
講笑咋...其實瘋兄真係有實力既, 就算我冇腳痛都未必過到你.

spmho

請delete post，多左

[ 本帖最後由 stanleyhpm 於 2009-2-2 14:06 編輯 ]

spmho

請delete post.....多左

[ 本帖最後由 stanleyhpm 於 2009-2-2 14:06 編輯 ]

spmho

原帖由 瘋狂坦克車 於 2009-2-2 09:48 發表

                               
登錄/註冊後可看大圖

大圍兄,
相信你如果唔係有傷, 可以做到SUB34架. 8K-SUB34係小弟今年全年目標呀.
可能小弟跑親8K都黑住你, 9.14又係咁, 下次我實要食你D塵架喇. " />" />" />" />" />" />

瘋兄
我次次8k都係食你既塵.....
睇下瘋兄幾勁.......

大圍兄...
我除左上年荃灣黃昏賽快過你之外.....
我次次比賽都係食你塵

大圍新跑手

原帖由 stanleyhpm 於 2009-2-2 14:04 發表

                               
登錄/註冊後可看大圖

瘋兄
我次次8k都係食你既塵.....
睇下瘋兄幾勁.......

大圍兄...
我除左上年荃灣黃昏賽快過你之外.....
我次次比賽都係食你塵

stanley兄, 渣打全馬先係你既目標, 到時大家盡力跑, 邊個食邊個塵我都一樣咁開心.

大圍新跑手

2009.1.3 SSP運動場 輕鬆漫遊迎渣打 (睇人跑)
呢晚淨係去咗運動場睇大家慢操，自己因為星期日馬鞍山8K賽小腿仲有傷，加上之前傷風啱啱好返d，所以決定唔再跑全力養傷同休息。
希望渣打當日可以盡量用最佳狀態來跑，其實真係有D擔心渣打唔知到時會跑成點。
之後同大家去食飯兼慶祝YUNGYUNG生日，開開心心傾吓未來比賽同埋操練大計，大家開開心心冇所不談，呢幾個月來最大得著就識到一大班志同道合既跑友，而家個人當堂輕鬆使。

有相睇，大家真係好開心o架：

登錄/註冊後可看大圖

大圍新跑手

今朝一早起身走去攞回鄉卡，7:30去到排隊攞籌，排咗半粒鐘企到條腰開始有D痛，再等多15分鐘卒之頂唔順唔排走人，走去TKO join逍遙團佢地一齊飲茶特訓。
大家都係吹下水、講下笑，對舒緩明天渣打緊張心情都有一定幫助。
我自己聽日渣打會跑成點真係唔係咁樂觀啦......對腳好返未要跑落先知，條腰又唔知係咪舊傷復發開始痛，啱啱星期初又傷風病完來。
不過好明白呢個世界好多野唔會係咁順利既......到時盡力跑當攞個經驗啦。

waynekkw

大圍，
預約辦理回鄉卡 ， 上網都OK

http://www.ctshk.com/passport/bookrep.htm

                               
登錄/註冊後可看大圖

叮叮噹

原帖由 大圍新跑手 於 2009-2-7 14:29 發表

                               
登錄/註冊後可看大圖

今朝一早起身走去攞回鄉卡，7:30去到排隊攞籌，排咗半粒鐘企到條腰開始有D痛，再等多15分鐘卒之頂唔順唔排走人，走去TKO join逍遙團佢地一齊飲茶特訓。
大家都係吹下水、講下笑，對舒緩明天渣打緊 ...

大圍,

真係羨慕你地有得去逍遙跑+飲茶特訓.

今日熱水足浴, 全身拉筋, 按摩吓對腳啲肌肉, 可以鬆弛對腳.

平常心去跑第一隻全馬, 我地一大班半馬友係駱克道等你地凱旋而歸, 加油!