大圍長跑長友Blog (賽季又到，唔止要勤力d操，仲要勤力d寫Blog。)

亞昌

恭喜大圍兄sub42!

佐治男孩

原帖由 大圍新跑手 於 2009-10-27 16:34 發表

                               
登錄/註冊後可看大圖

2009.10.26 飛躍活力10公里長跑賽


今年因為玩毅行者，主力都係操山多比較少練速度，本來毅
行前都唔打算參加其他10K比賽。後尾同Terry傾開
呢個比賽可能有少少機會攞獎，卒之係last last minutes報 ...

恭喜有好時間。

daniel0415

大圍兄，

真係好勁！努力的練習得到滿意的時間，sub 40指日可待！恭喜恭喜！

大圍新跑手

多謝樓上幾位ching既鼓勵, 會繼續努力!
瘋瘋:
sub40'...我都想呀, but大家都知呢個關口唔簡單, 今季都冇咩機會做到, 睇出年進度啦~
daniel兄:
好耐冇見啦, 好似見你都有報長跑會個半馬wor...仲記得上年呢個比賽終點前比你介咗, 可惜你之前受傷進度未必咁理想....唔係有機會同你再次痛痛快快比一場~

大圍新跑手

2009.10.27 灣仔運動場 Interval Run 1600m @8'30 x 4 sets

呢個星期二跟泰基衝圈又有新野玩，可能因為幾個大陸同埋澳門全馬將至，今次Interval加長到1600m。
呢晚放工去到運動場都係正常咁冇咩時間做熱身，慢jog 10分鐘同埋拉拉筋已經夠鐘開跑：
我自己來講走1000~2000 Interval都係差多咁走均速，4組時間分別如下：
1) 6'30"07  (因為星期一走完個10K比賽，所以頭set走得保守少少試下腳)
2) 6'28"40  
3) 6'25"19  (好似走快左少少，因為沿途都有1,2位ching怕住左右迫住走)
4) 6'26"62  (尾set一起步之前其中一位ching已經拍左上來跑，又唔見有意超前，自己試加少少佢又照加，好明顯比人搭順風車，聽到對方既呼吸節奏都知來者不善，拍足三圈之後試圖加速突圍，不過那位ching好快又跟返上來，最後200m當堂腳軟冇貨買，轉入再後直路對方一加速已經將我彈離，識英雄重英雄...過終點後走埋那位ching度同佢握下手，對方友善地回應一句..."你好好跟呀, 跟得好舒服!"


抖返順條氣之後，原本以為可以慢jog收操，點知有ching唔夠皮要食甜品，加多400m x 4都唔知幾多連休，自己傻下傻下都唔知上左船，第1個都唔知冇計時，之後3個焗住食埋佢:
xx'xx 1'22"08 1'28"15 1'28"14
食埋d甜品真係冇使力，超慢jog兩圈加求其拉下筋，收操食飯。

[ 本帖最後由 大圍新跑手 於 2009-10-28 16:05 編輯 ]

daniel0415

大圍兄，

我已經大半年冇跑過步了！ 長跑會的半馬也並未曾報。因報了明年的渣打全馬，現在才開始慢慢跑返，希望冇再象舊年那樣受傷，可以順順利利完成到自己的第一隻全馬。

大圍新跑手

2009.10.31 萬聖節 毅行終極長課

路線距離：1-8段 (78.1公里)
參與隊員：馬王、大圍
支援隊伍：壞人隊長 + May May
出發時間：08:00
完成時間：16:37

分段時間：
北潭涌 ---> 浪茄沙灘 1:12
- 以極輕鬆步速完成，仲有心情欣賞萬宜水庫美景。
浪茄沙灘 ---> 北潭凹 2:29
- 途中西灣士多小休補水，當日天氣比預期熱加上幾曬下，到達北潭凹比預計時間慢。
北潭凹 ---> 企嶺下 2:03
- 於支援點適量進食、補充水份及物資，小休10分鐘得繼續行程。中途遇到另一隊目標20hrs外籍行山隊跟走，可能因此頭段步速被帶快，尾段令到狀態不足既隊友馬王兄走來有d壓力，未能於預計時間到達企嶺下。
企嶺下 ---> 大老山 3:04
- 於支援點再作小休，適量進食及補充物資，大約20分鐘得繼續行程。以當日天氣加埋當時隊友馬王兄身體狀況來睇，已經知道今次目標15hrs一定冇法達到，大家只希望能夠有能力順利完成今次操練已經足夠有餘。
大老山 ---> 大埔公路 2:54
- 到達第4段終點大老山之後，因為自己當時本身己經短水短糧，為求於體力耗盡前去到下一個支援點，所以未有等候隊友馬王便即時出發。好彩之後一段都係比較易走既落斜路，總算順利到達另一支援沙田坳道。壞人隊長一早已安排好飯盒、飲品及其他物資在等候，自己用了唔夠15分鐘，就已經將一整盒燒肉飯，一罐可樂，水果搞掂。離開沙田坳道向畢架山進發時已經開始天黑，基於安全理由此段路大陪份時間都跟隊友馬王拍住一齊走，當時亦有另外一位獨行行山友跟走了一段稍長距離，卒之到達第5段終點大埔公路時，自己身體狀況還可以，而隊友馬王方面睇來已經相當辛苦，但係依然默默忍耐同堅持。
大埔公路 ---> 城門水塘 49'
- 呢段路話長唔長，話短唔短，一方面反正唔需要再追時間，另一方面馬王兄睇來真係就快支持唔住，於是大部份時間都係用行來完成此段路段。
城門水塘 ---> 鉛礦凹 2:15
- 到達城門水塘燒烤場，見到壞人隊長一早已經係度等候，馬王兄捱到呢度亦都真係支持唔住主動提出放棄。自己則雖然好清楚單獨行夜山是有一定危險，不過感到自己當時身體狀況冇咩問題，只係差餘下16公里路程就可以完成呢次終極長課，於是大膽堅持要繼續完成餘下路程。有點好笑係因為之前主要都係跟住隊友們一齊操，自己比較少認路，一開始已經行錯路miss左第7段個入口，到走了大約10分鐘先發覺唔對路，即時打電話向隊長求救問路，就係咁來回走多2,3公里既冤枉路，正式來講今次終極長課已經走超過80公里。
鉛礦凹 ---> 荃錦公路 1:51
- 到達鉛礦凹涼亭小休，吃下尚餘既一個包同埋乾糧，渴下半支iso tone留返少少最後上大帽山果段斜路飲，用非常輕鬆既心情繼續餘下9.7公里路程。講返之前離開城門水塘之後，沿途除左風聲、樹聲、虫聲同埋一d唔知咩怪聲之外就一個人都未見過，一路就去到最後一段上大帽山頂既石屎路先遇到一隊4人行山隊，當時真係好開心就同佢地傾幾句，唔知有冇嚇親佢地呢！本來諗住去到終點先打比馬王報平安，就係差唔多到達既時候已經收到馬王電話，佢已經準備渣車出來接我返屋企。果時真係好感動，馬王唔休息都要來接我，雖然尾兩段得我自己一個人行，但係我好清楚其實背後係仲有好多人係度默默咁支持住我既。

[ 本帖最後由 大圍新跑手 於 2009-11-2 18:03 編輯 ]

slack

你的勞力有花果啦, 恭喜有好時間。
仲會越來越fit的, 加由大圍

原帖由 大圍新跑手 於 2009-10-27 16:34 發表

                               
登錄/註冊後可看大圖

2009.10.26 飛躍活力10公里長跑賽今年因為玩毅行者，主力都係操山多比較少練速度，本來毅行前都唔打算參加其他10K比賽。後尾同Terry傾開呢個比賽可能有少少機會攞獎，卒之係last last minutes報咗 ...

大圍新跑手

原帖由 slack 於 2009-11-2 18:08 發表

                               
登錄/註冊後可看大圖

你的勞力有花果啦, 恭喜有好時間。
仲會越來越fit的, 加由大圍

QQ兄: 大家咁話....一齊加油啦~

edwinc

大圍兄, 好耐無見, 游雲跑舍既edwin呀(希望你有印象啦)
我無上黎年幾啫, 做乜進步咁多, 依家快成甘! 佩服

我過兩個禮拜返港放假, 到時揾你一齊操下好無?

大圍新跑手

原帖由 edwinc 於 2009-11-5 17:33 發表

                               
登錄/註冊後可看大圖

大圍兄, 好耐無見, 游雲跑舍既edwin呀(希望你有印象啦)
我無上黎年幾啫, 做乜進步咁多, 依家快成甘! 佩服

我過兩個禮拜返港放假, 到時揾你一齊操下好無?

游雲兄, 當然記得你啦.....
話時話點解失蹤長跑網咁耐既? 一齊操求之不得啦, 幾時返來通知我, 到時再一齊跑下城門河.
p.s. 已經pm手提同e-mail比你, keep contact啦~

大圍新跑手

2009.11.8 第32屆香港半馬拉松賽

31/10操完果課毅行長課之後，因為成個星期都好忙冇咩機會跑，今次雖然係報左隊際，好彩明知唔係主力隊所以唔會有咩壓力，呢場比賽都預左都係試試腳唔會搏得太盡。
呢埸比賽7:30起步，果朝遲左出門口去到集合點好炆水，拿拿淋換衫掛號布已經要上線，等緊起步果幾分鐘先求其拉下筋。
同日有NB黃金海岸15K賽，原本以為唔會太多人玩呢個，臨場大會報數有超過一千人參加(現場唔覺咁多參賽者，唔知係咪篤數)，起步因為路窄加上排得比較後，頭段勁塞人要被迫收慢幾次，出到馬路開始就冇咩問題。
沿途冇里數牌可以計每K分段時間，好彩條路都跑過幾次，步速同埋留放控制都唔係太大問題，跑到10K(第一個見到既里數牌)時間44'30，時間比預期理想，跟住鹿頸折返捱完一段長命斜，再入烏蛟騰出返來15K位時間1:08'03(已經係15K PB時間)，果時計一計數好有機會sub1:35完成，可能心雄關係開始加力，諗住想再做好個時間。點知...差一課就真係差一課，跑到大約淨返2,3K既時候，小腿開始有反應作抽筋，諗諗呢場比賽都唔重要，為免谷傷影響毅行表現得不嘗失，於是跑返慢少少盡量就住來跑，之後比4,5個人過左好彩最後都冇驚冇險返到終點，唔記得停錶....估計時間大約1:36度，對我來講已經非常滿意。
玩完毅行如果恢復進度良好，迪士尼半馬希望可以衝擊1:30。

上水馬王

原帖由 大圍新跑手 於 2009-11-9 13:10 發表

                               
登錄/註冊後可看大圖

2009.11.8 第32屆香港半馬拉松賽

31/10操完果課毅行長課之後，因為成個星期都好忙冇咩機會跑，今次雖然係報左隊際，好彩明知唔係主力隊所以唔會有咩壓力，呢場比賽都預左都係試試腳唔會搏得太盡。
呢埸比賽7:30起 ...

大圍兄跑得好好，sub1:30指日可待~

daniel0415

一個字“勁”！

燉奶佬

祝大圍兄順利1:30，加油。

大圍新跑手

原帖由 oscar 於 2009-11-9 13:26 發表

                               
登錄/註冊後可看大圖

大圍兄狀態大勇啊！加油！毅行迪迪尼齊報捷！

奧兄: 我都唔知呀...毅行實太多變數, 希望順順利利完成就得啦~

大圍新跑手

原帖由 daniel0415 於 2009-11-9 13:58 發表

                               
登錄/註冊後可看大圖

一個字“勁”！

daniel兄都係因為受傷先令到進度受阻, 好好養傷遲d拍住一齊上~

大圍新跑手

原帖由 炖奶佬 於 2009-11-9 17:31 發表

                               
登錄/註冊後可看大圖

祝大圍兄順利1:30，加油。

thx...炖兄你都要加油~