大圍長跑長友Blog (賽季又到，唔止要勤力d操，仲要勤力d寫Blog。)

大圍新跑手

原帖由 stanleyhpm 於 2008-12-9 12:00 發表

                               
登錄/註冊後可看大圖

大圍兄都好好體力喎.....
星期日樂善杯....前都黎個28k....

冇辦法啦....好似白ching話齋，跑全馬如果有足夠里數支持，信心就自然有。

大圍新跑手

2008.12.10 夜探梅子林 12K均速慢跑練習
是次練習計劃以平均6'30/K慢跑12K作為星期一晚28K長課後Recovery Run，亦可順道跑其他跑友互相交流。
集合後於運動場稍作拉筋熱身，出發前先於場內跑200m試速度，小隊出發後一路盡量保持速度跑到梅子林車路尾，半程時間 40'18 (平均6'43/K)，比完先目標稍慢。
回程時並沒有刻意加快步速，仍然保持相約既速度一邊跟跑友吹水一邊輕鬆跑，唔經唔覺咁又返到運動場完成12K練習，後半程時間38'15 (平均6'23/K)，比前半程快達20秒/K，證明其實在速度控制方面還需努力。
最後再次感謝是次參與一齊練習既ching ctse們，為是次練跑增加不少趣味。

大圍新跑手

原帖由 瘋狂跑步機 於 2008-12-15 09:26 發表

                               
登錄/註冊後可看大圖

恭喜大圍兄, 樂善行做到好成績!

THANKS！行/跑山都幾好玩幾有挑戰性呀，瘋兄有冇興趣出年一齊玩呀？

大圍新跑手

2008.12.14 第七屆樂善盃30K行山賽
今次係我第一次玩呢類型既行山比賽，其實報名既時候都唔係太清楚到底係咩既一回事，後尾先知原來同跑平路賽完全係兩回事。
不過既然報咗名決定玩既話就唔可以求其，於是就搜集資料同埋向有經驗既人請教，為咗呢個比賽亦大出血增添了不少裝備。
最後仲想提一提今次可以順利完成比賽，而且仲可以達到目標成功攞到大會記念背囊，先要多謝咁多位曾經提供過意見比小弟既ching ctse們，仲要多謝咁多位支持小弟既朋友們。

完成時間：4:08
名次      ：男子公開319名

最後仲要贊一贊大會搞呢個比賽搞得非常成功，除咗可以做善事之外，終點仲好似搞大食會咁非常熱鬧，小弟賽後共享用了：
冰凍可樂 2罐
杯面       1個
煲檸樂    1杯
香蕉       1隻
梨          1個
面包       1片
炭燒大蝦 2隻 (wayne請食)

P.S. 呢個比賽出年一定會再參加，到時睇下搵埋多d長跑網ching ctse一齊參，最好可以搵到有支援隊伍，或者唔比賽既ching ctse可以係果度攞定燒烤爐BBQ到時大家一齊係終點開party一定好閞心。

sleung2002hk

好似好好啦咁~~有機會都玩下呢個比賽
條路大部分都行過~~係未入過長咀個邊
大圍兄~瘋兄~有冇興趣1月18/25整最後一課長課40k備戰渣打~~地點未定

大圍新跑手

原帖由 sleung2002hk 於 2008-12-15 11:06 發表

                               
登錄/註冊後可看大圖

好似好好啦咁~~有機會都玩下呢個比賽
條路大部分都行過~~係未入過長咀個邊
大圍兄~瘋兄~有冇興趣1月18/25整最後一課長課40k備戰渣打~~地點未定

我兩日都ok...睇瘋兄意思啦，路線你諗埋啦，容易去到同埋有得存物就得~

曲奇

原帖由 大圍新跑手 於 2008-12-15 10:23 發表

                               
登錄/註冊後可看大圖

2008.12.14 第七屆樂善盃30K行山賽
今次係我第一次玩呢類型既行山比賽，其實報名既時候都唔係太清楚到底係咩既一回事，後尾先知原來同跑平路賽完全係兩回事。
不過既然報咗名決定玩既話就唔可以求其，於是就 ...

我都有興趣玩，好似好熱鬧...
不過睇報紙話行去蚺蛇尖條路好多人因而受傷...
係唔係個個都不顧一切咁跑山呀？...

ee_tpk

原帖由 cookie97 於 2008-12-15 17:46 發表

                               
登錄/註冊後可看大圖

我都有興趣玩，好似好熱鬧...
不過睇報紙話行去蚺蛇尖條路好多人因而受傷...
係唔係個個都不顧一切咁跑山呀？...

米粉頂果個位..對我來講唔係跑... 係"線"落去..我真係要惡補一下我既行山 skills~

果個位比較多沙石..個 slope 大約有 45-60度... 大家為0左爭時間..都快步落0左去..如果技巧唔好..就好易受傷...
不過大會都派頗多工作人員在果個位照顧參賽者

大圍新跑手

原帖由 cookie97 於 2008-12-15 17:46 發表

                               
登錄/註冊後可看大圖

我都有興趣玩，好似好熱鬧...
不過睇報紙話行去蚺蛇尖條路好多人因而受傷...
係唔係個個都不顧一切咁跑山呀？...

呢個比賽搞到成個嘉年華咁真係好熱鬧，cookie ctse跑得咁掂同埋以妳咁既身形玩山應該都冇問題。
蚺蛇尖條路因為好斜同埋好多碎(其實唔止呢段路)對未玩過既人來講都幾危險，上山應該跑唔到，但係落山就真係會有人為咗時間不顧一切咁跑/衝/碌/線咁落山，我估受傷多數係果d人，希望佢地冇咩大礙。
其實玩山我都唔熟....希望冇講錯比ctse講啦。

曲奇

原帖由 大圍新跑手 於 2008-12-15 18:01 發表

                               
登錄/註冊後可看大圖

呢個比賽搞到成個嘉年華咁真係好熱鬧，cookie ctse跑得咁掂同埋以妳咁既身形玩山應該都冇問題。" />" />
蚺蛇尖條路因為好斜同埋好多碎(其實唔止呢段路)對未玩過既人來講都幾危險，上山應該跑唔到，但係落山就真 ...

蚺蛇尖...我仲未行過呢...
上山我應該唔驚，但落山我都驚自己會碌左落去....
我會行多d山，練多d行碎石路落斜...
希望下年有機會一齊去玩啦...

大圍新跑手

原帖由 cookie97 於 2008-12-15 18:05 發表

                               
登錄/註冊後可看大圖

蚺蛇尖...我仲未行過呢...
上山我應該唔驚，但落山我都驚自己會碌左落去....
我會行多d山，練多d行碎石路落斜...
希望下年有機會一齊去玩啦...

好呀.....咁下年長跑網又多住ctse參加呢個比賽。

大圍新跑手

2008.12.16 SSP小隊練習 SSP泳池 <---> 西九海濱長廊 15K Easy Run

星期日比賽完休息咗一日，雖然雙腿仍然積聚大量乳酸，但係因為臨近渣打需要加緊操練，跑得都要跑，SSP小隊呢類型比較消閒式的約跑活動，最適合小弟作為高強度訓練前後參與。
今次跑既距離約有15K，時間估計約2小時，跑完之後再休息咗一晚，雙腳果然感覺上鬆咗好多，情況許可今晚應該會操課Tempo，然後星期日再跟操一個34K LSD。

12月累積里數：95K + 樂善30K

alex504992004

原帖由 大圍新跑手 於 2008-12-17 11:19 發表

                               
登錄/註冊後可看大圖

2008.12.16 SSP小隊練習 SSP泳池  西九海濱長廊 15K Easy Run

星期日比賽完休息咗一日，雖然雙腿仍然積聚大量乳酸，但係因為臨近渣打需要加緊操練，跑得都要跑，SSP小隊呢類型比較消閒式的約跑活動，最適合 ...

大圍兄：真係勤力呀！咁快開操。加油呀！

大圍新跑手

原帖由 alex504992004 於 2008-12-17 13:32 發表

                               
登錄/註冊後可看大圖

大圍兄：真係勤力呀！咁快開操。加油呀！

渣打臨近，真係唔夠膽偷懶，你都係...大家一齊加油啦！