坦克長跑大作戰...!!

tank1438

5月4日青公約跑....今日咁既天氣都有近三十人到場真令人感動,證明我地癲友真係唔係講玩,對跑步真係充滿熱誠既..!!

由於身體狀況回復得八八九九,而胡蘇同蝦佬又話要去青龍頭想早D起步,咁我地幾個就唔等齊人,早少少起步喇,一開步胡蘇就一馬當先,我同蝦佬緊跟其後,到K零就只剩下我同胡蘇在頭,沿路細雨飄搖,遠處又有閃電,真係跑得唔太輕鬆,所以三K左右胡蘇就跟唔上了,而我繼續均速前進,上落科都係約5分一K的跑..到嘉頓後因整路加過馬路,就慢左少少落黎,我跑海旁跑多了200米,到7-11時就剛剛見到胡蘇跑過,佢話頂唔住就掉頭,而我自我感覺良好,所以繼續跑,跑到過埋青龍頭商場先掉頭,掉頭後首先見到LULU姐,之後在浪翠附近見到蝦佬的背影,原來蝦佬已經跑至青龍頭掉頭,但他看來狀況不太好,又無帶錢同8仔,於是我就慢跑陪他到深井7仔買水特飲,之後急步行了一段,飲完水特才再起跑,沿途慢JOG跟蝦佬吹吹水,回荃西...當RECOVERY都唔錯呀..^^

全程約18KM,減回早撳APPS,約1小時43分
http://sportypal.com/Workouts/Details/2180363

本月已跑46KM

tank1438

5月6日 約了魔鬼跑友從九龍塘跑入大埔,全程約23K,因想操長D,就由家出發諗住跑多12K喇,點知唔記得預揹左3L水袋跑慢左,於是在中途致電榮哥相約在花墟石地場門口會合,即跑多11K,之後上大埔道入大圍,再沿河邊到火炭,再上銀禧花園,再沿大埔公路入大埔..!! 全程約35K 用了約3小時50分...!!
http://sportypal.com/Workouts/Details/2185758

本月已跑 81KM

Turtle

"一開步胡蘇就一馬當先,我同蝦佬緊跟其後,到K零就只剩下我同胡蘇在頭,沿路細雨飄搖,遠處又有閃電,真係跑得唔太輕鬆,所以三K左右胡蘇就跟唔上了,"

.....hahah...好似講馬咁...

個日返到去丁9 已經口渴到不得了 ...夏天跑要帶支水仔 !

tank1438

都係架,天氣熱以後青公約跑都係帶個水樽好D...

tank1438

5月7日 趕時間加上尋日跑完35K,所以都係撘車返工算,LUNCH TIME就跑了40分鐘5KM做RECOVERY,放工見唔太曬,對腳又感覺良好就照跑回家43分鐘7K!!

本月已跑93KM

jbrun

原帖由 tank1438 於 2012-5-6 14:11 發表

                               
登錄/註冊後可看大圖

5月6日 約了魔鬼跑友從九龍塘跑入大埔,全程約23K,因想操長D,就由家出發諗住跑多12K喇,點知唔記得預揹左3L水袋跑慢左,於是在中途致電榮哥相約在花墟石地場門口會合,即跑多11K,之後上大埔道入大圍,再沿河邊到火炭,再上 ...

師兄,勁,差不多食左隻馬仔

tank1438

5月8日 今晚雖然去領跑但見腳痕都係跑返工,仲幾好狀態7K38分鐘,以揹住咁多野黎計都算唔錯,下午出街做野企企行行幾個鐘,唯有搭港鐵到領跑的場地,在港鐵站等好耐D視障運動員都未齊人,又有D去錯等候位置,結果我就在站內四處找,始終要咁多人在地鐵等真係不太好,到6:45左右教練才到達,就叫我先帶部份運動員上運動場,而今晚由於是大連馬拉松前最後一課,而阿聯合作的領跑員不在場,於是就由我頂住擋,跟他全程輕鬆的跑,互吹跑步樂事,很是高興!而跟他跑了三圈熱身後到拉筋,再跑20個圈,之後跑多兩個COOLDOWN,點知佢最後一百米好似著火咁衝刺,我一時調整唔到竟然甩左繩...真係嚇死,好在無事咋..
以後真係要再細心D先得...!!

本月已跑 110KM

tank1438

5月10日,9號太曬無跑一日,10號就算唔跑返工,都要食晏時整個EASY RUN,5K 40分鐘在公園仔樹蔭下跑,熱都少理
5月11日,一無咁曬就忍唔到腳，返工7k(38分鐘)，放工5k幾(30分鐘)，青公約跑又17k幾約1小時40分鐘http://sportypal.com/Workouts/Details/2205282，咁又執左30K喇。不過今日最開心係食完飯後在海旁行回家的途中，見到好多人跑，證明跑步都算幾多人參與的運動，而且不少係身型如兩年前的我嘅添，在此祝願他們可以跑出彩虹！只要肯踏出第一步，離成功就近一步^^

本月已跑 145KM

Turtle

喺青龍頭見到Eddy 回頭...但一路見唔到你 ?

tank1438

係羅,我以為你深井返左歸添,我跑外圍可能你在深井已經過左我頭!我尋睌玩消脂跑,嘉頓之後都跑成六分一K架!

tank1438

5月12為左想加課CROSS TRAINNING,襯星期六朝時操返課水,所以在青公巡海灘,但無LOCKER,要諗諗點處理,或者買個防水袋,袋住貴重物品黎游囉!
5月13晨咁早入天水圍同坦克妹玩3KM親子組長跑,由於天陰陰,諗住天公做美,點知到埗時已經出猛太陽,見到阿女都覺辛苦,於是我就做人肉太陽傘幫佢擋太陽,到起步前有舊雲幫我做左呢份工,但原來3KM的組別要遲少少出發,當我地起步時,太陽伯伯又出黎同我地打氣,我同阿女就拖住手起步跑,頭400我地都跑得幾順2:10左右完成,800米都係5分鐘左右,不過太陽伯伯真係太熱情喇,阿女開始跑得唔自然,我就叫佢唔好死頂,辛苦就行吓跑吓先,於是時間就慢左落黎,而沿途俾屈兄在場拍攝時見到,佢好有心的追住來幫我們影相打氣添,而到1.5K轉折點EDMOND兄亦為我們影相打氣真多謝晒兩位咁有心的師兄..,到近2.5KM先有水站,此時阿女忍唔住要飲兩杯水降溫,到最後200米我地就又拖番手向終點衝,雖然21:50在3KM黎講都算慢,但都係一個溫馨的體驗呀...!!
http://sportypal.com/Workouts/Details/2210736

本月已跑 148KM

[ 本帖最後由 tank1438 於 2012-5-14 09:43 編輯 ]

tank1438

出左成績喇,54個親子組合,排38呀....咁岩我地號碼布又係38,我D波衫都係38號....XDDD
OFFICIAL TIME  CHIP TIME TEAM TIME CP TIME(1.5KM)
00:22:02           00:21:33   00:44:03   00:10:22
第一次玩都唔錯喇

5月14日早上落雨無跑,下午放工就跑番7K 42分鐘

本月已跑 155KM

tank1438

5月15日由於放工踢波,所以上午無跑返工,放工由於落過雨,跑3KM落球場都唔輕鬆,濕度好高踢波時來來回回,好有爆肺感,踢左成兩個鐘細場,直頭係一個長途間歇跑...!!之後胡蘇兄從尖沙咀跑入深井,途經葵芳,我踢完波佢亦剛到達,就跟他一起跑回去,而我在跑了5KM後到家就跟他道別..!!

本月已跑 163KM

perre

原帖由 tank1438 於 2012-5-14 09:40 發表

                               
登錄/註冊後可看大圖

5月12為左想加課CROSS TRAINNING,襯星期六朝時操返課水,所以在青公巡海灘,但無LOCKER,要諗諗點處理,或者買個防水袋,袋住貴重物品黎游囉!
5月13晨咁早入天水圍同坦克妹玩3KM親子組長跑,由於天陰陰,諗住天公做美,點知 ...

右上角果張唔記得 Rotate??

tank1438

5月16日因15號晚踢波加跑回家後好攰加上潮濕右膝有D風濕痛,因此休腳!
5月17日今朝天氣幾好,跑返工好舒服,慢慢跑都38分跑完7k,途中仲有個老伯伯向我打招呼橦起手指公添..^^
            放工亦唔想對腳太操勞,因此急步行幾K就算..!!

本月已跑170KM

阿貓

原帖由 tank1438 於 2012-5-17 22:24 發表

                               
登錄/註冊後可看大圖

5月16日因15號晚踢波加跑回家後好攰加上潮濕右膝有D風濕痛,因此休腳!
5月17日今朝天氣幾好,跑返工好舒服,慢慢跑都38分跑完7k,途中仲有個老伯伯向我打招呼橦起手指公添..^^
            放工亦唔想對腳太操勞 ...

休得好   長跑長有

DennyLee

原帖由 tank1438 於 2012-5-17 22:24 發表

                               
登錄/註冊後可看大圖

5月16日因15號晚踢波加跑回家後好攰加上潮濕右膝有D風濕痛,因此休腳!
5月17日今朝天氣幾好,跑返工好舒服,慢慢跑都38分跑完7k,途中仲有個老伯伯向我打招呼橦起手指公添..^^
            放工亦唔想對腳太操勞 ...

我好多時都向對頭來的跑友俾手指公，唔使出聲大家都會感受到支持！

tank1438

原帖由 DennyLee 於 2012-5-18 00:18 發表

                               
登錄/註冊後可看大圖

我好多時都向對頭來的跑友俾手指公，唔使出聲大家都會感受到支持！

DENNY個伯伯唔係跑友黎架,佢行緊街架咋..!!

DennyLee

原帖由 tank1438 於 2012-5-18 00:32 發表

                               
登錄/註冊後可看大圖

DENNY個伯伯唔係跑友黎架,佢行緊街架咋..!!

唔係跑友仲窩心！即刻充滿能量！

tank1438

5月18日落雨同坦克妹生日,所以休腳..!!
5月19日,在淘寶買左隻心跳錶,在跑步機上試心跳,6'K心跳只係12X,5'K都係14X,4'K就16X...試左約一小時,跑了8K!
5月20日,相約癲友從荃灣跑去馬鞍山,再在火炭會合LEWIS兄入深涌,但跑了十幾K後,太陽開始猛,所以同LEWIS與阿JOE決定改路線上轉梅子林就算,因真係太曬,所以火炭後無遮無擋都係唔好亂黎...最後連行連休連等齊人包括等極會長都未黎....用左4個半鐘....!!
http://www.mapmyrun.com/routes/v ... rce=other_multiline

本月已跑208KM