坦克長跑大作戰...!!

tank1438

23/4 急步行返工當RECOVERY,7K一小時,晚上入大西北跟吓操,跑完三圈熱身,再跟佢地的八式熱身,之後原來係佢地每月一次的體能CIRCUIT操練,因時間關係只能做1.5次,即每做一項體能訓練後跑一圈中高速,即跑了15個圈,之後再有師兄帶拉筋,跑圈時遇到卡樂B兄,多得佢指正我的跑姿漏習,希望慢慢可以跑返岩喇..!!

本月已跑 263KM 急步行47KM

tank1438

24/4跑慢d返工當recovery,因昨晚大西北加前日的比賽同十卜，今朝真係好攰7k都跑了48分鐘！
因收工約了傻蝦捐血，中午再慢粥多5k 40分鐘慢慢跟卡樂B兄提點的方法去跑，放工再跑多1k去地鐵站，到捐血站驗血時驗出血紅素較低姑娘唔俾我捐仲俾左d鐵丸我，仲叫我操少d時先再黎捐：(
咁即係叫我唔駛捐啫！之後再急步行3K回家！

本月已跑 276KM 急步行50km

tank1438

施蛇,唔駛等八月,食晒D鐵丸,兩個星期後就可以試吓捐唔捐得...!!

tank1438

25/4 早上有雨加仲係有D攰,於是再急步行返工,但行得好鬼慢7K行了70分鐘,午餐時間拉筋半小時,到放工時雖然都有少雨但都唔理咁多照慢跑回家7K跑了40分鐘!

本月已跑 283KM 急步行57km

tank1438

ANDY緊係以為我係小吉要食金屬喇....

原帖由 chusiuyee 於 2012-4-25 23:00 發表

                               
登錄/註冊後可看大圖

andy...你點可以咁對大師亨架！？

tank1438

原帖由 chusiuyee 於 2012-4-26 01:29 發表

                               
登錄/註冊後可看大圖

其實...小二既第一個花名...真係叫小吉...

咁我叫大吉(大克)囉...!!

tank1438

荃灣果間呀...JBRUN CHING!!

tank1438

可能旺角多人，d鐵丸派晒掛！

tank1438

26/4 風和日麗跑返工都醒神D,專登跑第條遠D既路,8.3KM39分幾就跑完,PACING4:44/KM有1K仲跑到3:47添,負重跑都算唔錯喇..!!
下午去睇水袋背嚢,所以無跑,只急步行了4KM連搭港鐵..!!

本月已跑 291KM 急步行 61KM

[ 本帖最後由 tank1438 於 2012-4-26 22:47 編輯 ]

tank1438

27/4 原本有青公430活動,所以早上無跑返工,只急步行2公里加港鐵,之後中午出街做野,行左5公里用了45分鐘,而放工前竟然落起大雨仲係黃雨加雷暴警告,於是活動取消,改為只食飯,各癲友心有不甘,加上起跑前停左雨,於是癩友們一行11人決定照跑入三聖,
之後一起食呢餐跑後飯,真多謝各2公成全我地,而早入去食飯的CHING CTSE要你們久等真不好意思..!!
全程18K 1小時40分連休連等..!!

本月已跑 309KM 急步行 68KM

tank1438

4月28日襯小坦克入馬鞍山劍擊比賽，可以有三小時任跑，但怕隨時要返去接佢，所以只在附近跑，於是就跑梅子林、阿公角再梅子林，挑戰三次斜路，而第一趟的梅子林更過埋閘囗跑埋引水道，之後仲有山路一個人就唔再向前返轉頭，有機會的話約其他跑友一齊跑埋入去都好喎：)
  半年前的約跑俾阿公角K.O.左，只跑了三分二就爆左，今日終於K.O.返阿公角喇。
http://sportypal.com/Workouts/Details/2156243
25km 2:28

本月已跑 334km 再創月份里數新高：)

tank1438

4月29日做人父母什艱難，又係要襯坦克仔學劍擊時間先抽到時間跑！在荃景圍體育館出發跑上荃威再上梯級上引水道再跑向廣安醫院方向再落樓梯再跑上巴士總站，足球場，學校區再落樓梯到青山公路再上山回引水道，沿引水道到nb15k折回點回頭經荃威再落荃威體育館，全程約十公里七十分鐘，相當好玩，好有石屎森林中的越野feel

http://sportypal.com/Workouts/Details/2160300

本月已跑344km

tank1438

4月30另一個430約跑，荃西跑至黃金泳灘，15k半1：22

本月已跑360km

tank1438

5月1日,勞動節筋疲力竭應節跑,真係改錯名,今日真係跑到‎中暑,好在唔太嚴重,休息左一陣加埋胡蘇兄支水特就好返好多!!

一行32人跑上大欖涌水壩,何其壯觀...可惜上麥十的路段行錯左,累大家行左一段幾難攪的山路,真不好意思!!
到b仔涼粉時已經跑加行用左成5個幾鐘27K,食完之後再繼續跑,可惜昨晚睇波只瞓了兩個鐘,加天氣問題,行+跑了3K左右就出現中暑現象 加埋應該行左約5K.............

本月已跑25KM

tank1438

THANKS JBRUN CHING,我休左兩日好好多喇,今日LUNCH 黎左3K EASY RUN試試腳,應該OK,明天青公約跑又可以努力過喇...!!

本月已跑28KM

tank1438

5月4日青公約跑....今日咁既天氣都有近三十人到場真令人感動,證明我地癲友真係唔係講玩,對跑步真係充滿熱誠既..!!

由於身體狀況回復得八八九九,而胡蘇同蝦佬又話要去青龍頭想早D起步,咁我地幾個就唔等齊人,早少少起步喇,一開步胡蘇就一馬當先,我同蝦佬緊跟其後,到K零就只剩下我同胡蘇在頭,沿路細雨飄搖,遠處又有閃電,真係跑得唔太輕鬆,所以三K左右胡蘇就跟唔上了,而我繼續均速前進,上落科都係約5分一K的跑..到嘉頓後因整路加過馬路,就慢左少少落黎,我跑海旁跑多了200米,到7-11時就剛剛見到胡蘇跑過,佢話頂唔住就掉頭,而我自我感覺良好,所以繼續跑,跑到過埋青龍頭商場先掉頭,掉頭後首先見到LULU姐,之後在浪翠附近見到蝦佬的背影,原來蝦佬已經跑至青龍頭掉頭,但他看來狀況不太好,又無帶錢同8仔,於是我就慢跑陪他到深井7仔買水特飲,之後急步行了一段,飲完水特才再起跑,沿途慢JOG跟蝦佬吹吹水,回荃西...當RECOVERY都唔錯呀..^^

全程約18KM,減回早撳APPS,約1小時43分
http://sportypal.com/Workouts/Details/2180363

本月已跑46KM

tank1438

5月6日 約了魔鬼跑友從九龍塘跑入大埔,全程約23K,因想操長D,就由家出發諗住跑多12K喇,點知唔記得預揹左3L水袋跑慢左,於是在中途致電榮哥相約在花墟石地場門口會合,即跑多11K,之後上大埔道入大圍,再沿河邊到火炭,再上銀禧花園,再沿大埔公路入大埔..!! 全程約35K 用了約3小時50分...!!
http://sportypal.com/Workouts/Details/2185758

本月已跑 81KM

tank1438

都係架,天氣熱以後青公約跑都係帶個水樽好D...

tank1438

5月7日 趕時間加上尋日跑完35K,所以都係撘車返工算,LUNCH TIME就跑了40分鐘5KM做RECOVERY,放工見唔太曬,對腳又感覺良好就照跑回家43分鐘7K!!

本月已跑93KM

tank1438

5月8日 今晚雖然去領跑但見腳痕都係跑返工,仲幾好狀態7K38分鐘,以揹住咁多野黎計都算唔錯,下午出街做野企企行行幾個鐘,唯有搭港鐵到領跑的場地,在港鐵站等好耐D視障運動員都未齊人,又有D去錯等候位置,結果我就在站內四處找,始終要咁多人在地鐵等真係不太好,到6:45左右教練才到達,就叫我先帶部份運動員上運動場,而今晚由於是大連馬拉松前最後一課,而阿聯合作的領跑員不在場,於是就由我頂住擋,跟他全程輕鬆的跑,互吹跑步樂事,很是高興!而跟他跑了三圈熱身後到拉筋,再跑20個圈,之後跑多兩個COOLDOWN,點知佢最後一百米好似著火咁衝刺,我一時調整唔到竟然甩左繩...真係嚇死,好在無事咋..
以後真係要再細心D先得...!!

本月已跑 110KM