大圍長跑長友Blog (賽季又到，唔止要勤力d操，仲要勤力d寫Blog。)

大圍新跑手

原帖由 shogikin 於 2008-11-22 22:45 發表

                               
登錄/註冊後可看大圖

大圍屯門35K超長課

問題1. 深水埗跑市區?
問題2. 補水安排如何?

Kin in Running

1. yes (冇所謂啦，果度都係1-2K度，問題應該不大)
2. 只要帶個膠bottle已經得啦，補水點有SSP運動場，荃灣西約體育館，市區有士多，荃灣入屯門最後仲可以係汀九7仔買野飲，另外最好帶小小野食。

堅兄問得咁詳細係咪有興趣呀?

大圍新跑手

11.23 Nike 香港十公里挑戰賽
今次呢個比賽真係好熱鬧，不過因為7:45就開跑，成晚冇訓著過5:00起身準備大約7:00去到集合地點，又要存行李，又要排隊放水，影大合照等等都冇咩時間做熱身，淨係求其拉吓筋就行上起步點等開跑。
開跑因為人太多要成33秒先過到起點，今日7兄頭1,2K做咗我既帶跑員 ，開始既時候佢用比平常慢既步等我可以跟到佢，到跑過2K既時候佢就我講keep住呢個速度應該43'返度來，我自己今日唔記得帶錶計時所以唔知頭兩K用咗咩時間，但係估計對我來講應該都幾快 。
7兄講完呢句說話之後就開始加速，我都有嘗試加速追上去，不過大家pacing唔同跟本跟唔上，好快就唔見咗7兄個尾燈 。
中段既時候係咁轉彎又係咁要過感應地毯(唔知點解咁密，可能怕d人出術) ，一路跑其實都跑得幾順，本來諗住過咗半程之後可以試吓慢慢加速，但係跑到6K既度右腳大脾開始作痛，到咗7K微痛，8K就真係痛 ，因為當時計唔到時唔知時間點，個心係度諗就算夾硬跑都未必PB到，不如留力以色傷勢惡化仲好 ，於是改為用比較輕鬆既步速跑返終點，遲咗睇大會時間估計自己應該跑46'度。
因為最後果3K都冇咩點加速，就當呢個比賽係一個快既Tempo Run啦，因為右腳大脾肌肉拉傷咗我諗都要停跑兩日先得啦。

大圍新跑手

11.26 夜探梅子林(第二回) Easy Run 12K
由於跑完Nike傷咗大脾肌休息咗兩日，呢晚本來都係啱住輕鬆跑，咁啱SSP區兩位快腳女跑手又一齊join跑，咁就可以乘機扮好人陪跑又可以順便試新行山鞋真係一舉數得。
時間：43'02  46'10 (總時間 1'29'12)
雖然呢晚跑得好慢，但係對鞋真係幾硬，著住佢來跑咗成個半鐘對腳都好攰，要搵多d機會著軟對鞋先得。

大圍新跑手

原帖由 瘋狂跑步機 於 2008-11-27 11:35 發表

                               
登錄/註冊後可看大圖

用行山鞋來跑? 因住奶野喎大圍兄!

果對都係跑鞋來反而保護性仲強，係硬d同比較重，著耐咗對腳好易攰。

大圍新跑手

原帖由 kenneth 於 2008-11-27 12:02 發表

                               
登錄/註冊後可看大圖

大圍兄，是否美記的行山跑鞋？

唔係呀，下面post#56有相：
https://www.longrun.hk/forum/viewthread.php?tid=1545&extra=&page=3

大圍新跑手

原帖由 xo523 於 2008-11-27 18:58 發表

                               
登錄/註冊後可看大圖

著新鞋來跑山小心受傷吖!仲要跑渣打家hgj091" />" />hj 哈哈哈

好多謝xo兄指點，我會用呢兩個多星期盡量著多d對鞋，希望到時會著得舒服d啦。
ching渣打係咪都係報咗全馬，應該正在全力備戰中，一齊加油！

大圍新跑手

11.27 港島快活索K團 Interval Run (1K 7分連休 x 6組)
呢晚準時放工未到7:00pm已經到咗快活谷運動場，換完衫自已先係內圈跑咗兩圈熱身，之後等齊人再拉吓筋熱吓身就一齊出大圈開操。
雖然自己好少操Interval而且未試過操1K Interval，不過都幫自己set咗個Target Pacing少過4'30/K，好開心最後都順利達標：
4'18
4'08
4'15
4'17
4'15
4'10
最後慢跑一個大圈cool down，全晚共跑約9K。

大圍新跑手

11.29 Pre-Trip 樂善盃 24K (北潭涌 ---> 西灣亭)
因為自己其實之前未玩過樂善盃，好難得wayne兄今日跟朋友Pre-Trip預埋小弟，就算聽日要去迪士尼跑半馬都一定要去試試路，唔係到時我真係要打天才波。
我地一行四人10:00am，由北潭涌巴士站出發沿樂善盃路線行 ，經過蚺蛇、長咀兩個check-point，跟住跑過兩個沙灘去到咸田灣(第三個check-point) ，大家係士多休息再補足水份，繼續向第四個check-point西灣進發，過咗要西灣後經過一段好很斜路  (大部份都係行只可以間唔中稍平時跑幾步，以前果d路都唔係好記得邊段打邊段，淨係記得好多上上落落既碎石路)，卒之去到西灣亭見返d好平既馬路，睇吓時間果間應該用咗已經4個半鐘，因為我同wayne聽日都要跑迪士尼半馬，商量過反正最後6K都係跑馬路冇咩特別，而且果度又停咗幾架的士係度，我地當堂抵受唔住誘惑決定留力 ，齊齊打的返北潭涌。
再次感謝wayne兄安排呢次Pre-Trip同埋沿途講解，如果唔係我第一次玩分分鐘唔知完唔完成到。
仲送咗個好有記念價值既水壺腰包比我同埋wayne朋友車我去搭巴士返屋企，都係果句今日跑得雖然好辛苦，不過好滿足。

大圍新跑手

原帖由 ee_tpk 於 2008-11-29 21:35 發表

                               
登錄/註冊後可看大圖

ching.. 你地真係行得好快丫....
小妹一定行唔到咁快...hgjD103" />" />hj

ee ctse志在欣賞風景，吸收大自然靈氣，人都靚d，所以唔使同我地比既，大家目標唔同麻。
我正式比賽果日希望可以再快d，如果可以攞到背包就開心死。

大圍新跑手

原帖由 CRE 於 2008-11-30 12:40 發表

                               
登錄/註冊後可看大圖

唔該晒大圍兄幫我交衫錢
今日有事要先走
影唔到大合照

ching唔使咁客氣，21/12我同瘋兄佢地諗住去大尾篤跑長課，如果得閒一齊啦。

大圍新跑手

11.30 聯合國兒童基金會慈善跑
因為琴日去咗操樂善盃條路線，預咗今日應該回唔切，賽前已經將原來Target 1'40改為1'45，雖然跑得好辛苦兩隻腳都幾乎抽使筋，最後都可以PB同埋啱啱達標好開心。
我自己每3K記錄時間為：
14'30
14'13
14'55
14'38
15'28
15'09
16'01 (總時間 1'44'53, 10K時間 48'29)
今日既天氣跑步來講真係好好，太陽出咗來已經唔凍同埋冇咩風，頭3K可能因為未熱到身同埋去咗放水所以慢咗少少，跟住3K跑快咗但係個人就開始攰，由其是兩隻大脾開始提唔起咁，好彩間唔中會見到識得同唔識得既ching大家互相鼓勵吓，點都迫自己keep住速度繼續跑。
但係人始終係血肉之驅，跑速越來越慢咁，過咗15K之後仲開始爆爆地不斷比人過，真係有想過放棄唔跑行路返來，但係睇下個時間仲有機會PB到，於是頂住繼續跑，過咗18K個牌又睇吓個時間，PB應該冇問題仲有機會跑到1'45內，但係果時已經爆使冇咩力，唯有半咪埋眼淨係望住前面，集中精神一步一步跑希望對腳唔會抽筋，聽返原來叮叮噹ctse係1K位幫我地打氣我都睇唔到，最後返返到廣場淨返幾百米就聽到一班ching幫我打氣，即時醒一醒果幾步當堂封腳都提高咗，不過真係得幾步，轉咗彎入到大直接我都係爬返去，好彩啱啱可以達標。
更加開心係聽到又有長跑網ching ctse攞獎，睇完盼獎又影吓大合照，以我記憶今次真係最多人最熱鬧最開心，呢個時候大家都好肚餓於是一行23人拉隊去咗青衣城Pizza Hut享用一個Long Table Lunch，大家又互影下寫真吹吓水傾吓來緊既比賽同埋練習，食飽飽埋單計數跟住散band各自回家。

P.S.：11月累積里數共252K，希望來緊12月同1月都keep到呢個里數。

[ 本帖最後由 大圍新跑手 於 2008-12-1 00:21 編輯 ]

大圍新跑手

原帖由 stanleyhpm 於 2008-12-2 14:14 發表

                               
登錄/註冊後可看大圖

大圍兄：
其實我想問下你地荃灣去ssp...你地點跑？
晝個路線圖可以嘛

stanley兄：
上次由joe ching帶路跑SSP--->荃灣路線：長沙灣廣場 ---> 荔枝角公園 ---> 荔景山路 ---> 葵福路 ---> 楊屋道 ---> 馬頭壩街 ---> 永順街 ---> 荃灣海濱
路線圖：http://www.mapmyrun.com/route/hk/ssp/286947781648

大圍新跑手

12.3 公園緩跑徑 Recovery Jog 6K
經過星期六4.5hr操山同埋星期日迪士尼半馬之後，雙腳肌肉徹底受損幾乎連行都行唔到 ，等咗兩日比d肌肉纖維重組發覺對腳開始有返d力，於是放工就落樓下jog返幾K試試 。
jog完3K又覺得對大脾既肌肉好緊，於是停再拉吓筋先jog埋另外3K，時間：20'24  20'23
今朝起身感覺對腳已經復完得8899，今晚試吓來個12K Tempo Run準備星期日比賽衝擊43'。

大圍新跑手

12.4 梅子林上斜特訓 (第三回) 12K Tempo Run
本身對腳其實仲未完全復原，不過為應付星期日既10K比賽，呢晚點都要來個快工夫先掂。   
19:30左右已經到達運動場，於是先行換衫然後慢跑咗2K熱身拉筋，集合其他跑友之後就出發，離開運動場後就開始加快速度離開大隊自己跑自己pacing，初段對腳仲係好緊所以都跑得幾辛苦下，上梅子林跑一段仲明顯冇咩力要用成10'50成上到頂(原先目標10'內完成)。
回程因為落斜一段可以回氣，之後速度感覺上控制得比夠好，跑得亦冇前段咁辛苦，跑返運動場之後再jog多2K cool down最後拉筋完成呢晚快操。
時間：沙田運動場 ---> 梅子林 (30'44)  梅子林 ---> 運動場 (30'42)
呢晚共跑16K

大圍新跑手

原帖由 瘋狂跑步機 於 2008-12-5 12:14 發表

                               
登錄/註冊後可看大圖

大圍兄狀態大勇, 閣下石門43'大有機會." />" />

瘋兄：
我點會係大勇，呢個Tempo時間太慢啦，希望休息兩日到時學你咁早d訓抖足精神，果朝食飽少少睇吓掂唔掂啦。

大圍新跑手

原帖由 瘋狂跑步機 於 2008-12-5 13:02 發表

                               
登錄/註冊後可看大圖

早餐羊腩放飯?" />" />

羊腩呢家野，食一次半次就覺得好味，今次想試下飲參茶，最慘冇錢買！

大圍新跑手

原帖由 瘋狂跑步機 於 2008-12-5 14:26 發表

                               
登錄/註冊後可看大圖

因為用晒d錢去食鮑心翅肚!" />" />  
聽oscar講, 比賽之前食三碗早飯好掂喎. 聯合國個次oscar兄掂晒啦!" />" />

咁要試試佢，但係我食唔落三碗，兩碗會唔會都有效呢？

大圍新跑手

原帖由 waynekkw 於 2008-12-5 17:30 發表

                               
登錄/註冊後可看大圖

10K    1碗早飯，太飽頂住
21K    3碗早飯
42K    6碗早飯

                               
登錄/註冊後可看大圖

點食得落？
btw, ching新頭像好英！

大圍新跑手

12.5 大圍 <---> 深水埗 5.5K Easy Run + 6.5K Tempo Run
為準備星期日石門10K最後一擊，今晚決定再操多一課快功夫。
先係樓下公園熱身然後會合SSP小隊，由大埔道徑口路慢跑回深水埗嘉頓，半程5.5K時間用咗34'42。
跟SSP小隊分手後就獨自回程，照完定計劃回程時候加快，點知miss咗一個過橋位跑咗幾百米先發現，跑返轉頭估計跑多咗約1K，後半程約6.5K跑咗38'35。
聽日休息一日relax吓，睇吓星期日比賽可唔可以跑到預期目標啦。

大圍新跑手

原帖由 waynekkw 於 2008-12-5 23:53 發表

                               
登錄/註冊後可看大圖

呢張相真係要解説吓，想當年重係武神既年代，我站在吊燈籠山頂修練緊海虎爆破拳時被人影！

                               
登錄/註冊後可看大圖

果時重未學跑， 真係懷念my Hair Cut.  ...

死...完全唔知係咩，不過聽個名好勁，唔知ching最後修練結果如何呢？