|
TKO永不放棄express20齊腳第一課報告
天氣: 是日天氣奇爽, 有風有雲有月亮, 因吹較為乾燥之北風所以全程都比平時出汗少.
地面情況:全程地面乾爽, 好行好跑, 落山加速亦較安全.
分段資料:
1. 麥3: 1:55
小休: 0:05
2. 麥4: 2:49
3. 麥5(M94-M101): 0:36
大休+4人會議: 0:20
4. 沙田凹-油塘 (10K): 1:16
5. 油塘 - 澳景 - TKO為食派旁7仔(5K): 0:39
總計: 40K
麥3各隊員狀況良好, 為保留實力, 以跑少急行多策略為主, 只是由雞公頂落水浪跑得較快. 麥3初段上山時迎面遇見一隊外籍女子隊落山, 其中一人竟然...........係............大.............肚既, 嚇到我地目瞪口呆!!! (當時4人表情), 點解咁都得既!!! 期後於雞公附近介低左兩隊.
麥4由水浪馬路至山頂用左1:05, 已經係我地幾隻慢腳既最佳紀錄, iceberg是四人中操得最少既一個(佢因公務繁忙經常需奔走中港台三地, 星期六, 日好少得閒), 就到頂時有d吃力, 但經各人鼓勵後成功冇停登頂! 真係要比個讚佢! 麥4中段iceberg四頭肌有反應, 加上16對扁平足又發作, 大隊減速以作調整, 幾經辛苦大隊終於抵達基維爾. 此段我地嘗試用邊行邊補給既方法, 效果理想! 沿途又介左幾隊
到左沙田凹, 大家心中突然好掛住屋企.............張床, 決定將目的地由城門改為返TKO, 於是改為跑街返TKO, 半夜跑街既感覺都幾爽, 原來深夜街中都有幾多人行黎行去, 經過佢地既時候佢地都用奇異既眼神望住我地, 感覺到佢地想話:幾個傻佬半夜三更通街跑, 攪乜鬼呢!!!
上澳景既時候, 對腳都冇乜力, 但總算都可以直跑上頂唔使行, 去到為食派間7仔時, 買左杯大既自由JUMP, 一路飲住返屋企, 因為真係好大杯, 最後可以一路沖住熱水涼一路飲, 正到暈!!!
檢討:
1. 16: 扁平足再加上著薄底跑鞋操山, 對腳冇事才怪, 要快D入返對保護性較強既鞋同埋一對適合扁平足既鞋墊.
2. iceberg: 今次已交足功課, 相信狀態會好快操起, 加油!!!
3. 猿球隊長: 沿途瞻前顧後, 不斷提醒各人補水及留心路面情況, 充分發揮領導才能!!!
4. 大雄: 太心急做時間, 成日冇留意隊友狀況, 是次表現不合格!!! |
|