CatCat 跑步日誌

jogging_cat

琴日由將軍澳運動場跑去清灣郊野公園，全程約15 -16公里，跑得好開心，天氣唔算好熱起碼唔晒，不過就朝濕同大霧咗d，全程用咗1小時56分15秒，無計休息同影相既時間。回程比去程跑快咗d，去程1小時02分，回程54分。文輝師兄話：「兩小時返唔返倒去運動場呢？」我話應該得掛，於是係咁加油，最後終於可以兩小時內返倒去，好野可以特訓喇！

霧中既清水灣郊野公園又有另一種美態，好似披上神秘面紗一樣，比張相大家睇吓先。

jogging_cat

昨日天陰有雨，但涼涼地都幾好跑,今次去程 short cut 咗 k 幾，但係條路係石級同好斜吓架，要行上去跑唔倒乜滯既，回程唔行果條路lu，我驚會扇落山呀，於是就跑番上次條路，不過都跑唔番第一次跑果個時間，可能係落雨驚扇唔敢跑咁快掛。總里數18.7k，時間 2:30:54。好開心去程勉強跟倒 Mill 姐同廸廸仔，回程跑跑吓就比佢地飛甩咗lu，跑跑吓仲腰痛 tim，想快都快唔倒喇。跑得晒都算好彩啦。
特訓好開心，每人數$30好抵食好好食。

jogging_cat

原帖由 Tarry 於 17-5-2010 14:00 發表

                               
登錄/註冊後可看大圖

嘩, 好犀利ar" />" />  

Tarry 咪笑我啦，跑得咁慢。

jogging_cat

原帖由 Tarry 於 18-5-2010 14:01 發表

                               
登錄/註冊後可看大圖

唔洗咁謙虛wor, 我唔係笑妳, 妳支燈都見唔到, 我點笑妳ar, 我讚妳堅持練習, 老渣後都無跑超過16K, 妳話我幾懶ar, oh

你腳仔近排唔聽話姐，唔係我都跟你唔倒啦，青公你記住要等埋我呀，我唔識路會蕩失路架。

jogging_cat

琴日下午17:20起步，由屯門西鐵總站跑去荃灣西西鐵站，全程大約19.5k左右，叮叮噹、Tarry、烏拉同我四人行。琴日天氣都唔算好熱，但都幾潮濕，間中有點雨毛，頭段都唔係好辛苦，跑到14-15k即7仔補水之後，開始有點攰，時間大約1小時45分左右，預計2.5小時之內完成，叮叮噹話路程大約尚有5-6k，仲有45分鐘時間應該2.5小時完成無問題，點知後段跑得好吃力，跑跑吓唔見晒佢地，間中都有停下來等一陣，但唔敢停咁耐，因為小腿有少許作抽筋，唯有繼續跑，臨尾果段跑得好辛苦，好似跑極都未到咁，幾乎想死，返到終點比預計時間慢咗兩分鐘，總時間2小時32分08秒，跑完成對腳軟晒，仲流咗好多汗，成個水人咁，連拉筋都企唔穏，大約拉咗十多分鐘筋，見到烏拉首先返黎，跟住叮叮噹又返到，都係死死吓咁，一樣跑得好辛苦，佢地都係半行半跑，最後Tarry都返到黎，佢話臨尾變咗百萬行，因為少操長課所以唔敢跑咁長喇。我覺得琴日d天氣真係攞命喇。lee個青公仇真係唔易報呀。
最後多謝叮叮噹同Tarry陪我地報仇

[ 本帖最後由 jogging_cat 於 2010-5-23 17:52 編輯 ]

jogging_cat

原帖由 烏拉 於 23-5-2010 17:51 發表

                               
登錄/註冊後可看大圖

雖然大家都死死下. 任務總算完成了" />" />jn

係呀，了咗一個心願喇。

jogging_cat

原帖由 叮叮噹 於 24-5-2010 18:24 發表

                               
登錄/註冊後可看大圖

[quote]原帖由 jogging_cat 於 2010-5-23 18:12 發表

                               
登錄/註冊後可看大圖

係呀，了
恭喜! 恭喜! 其實, 屯門至小欖段都跑得幾好, 後段停低休息太耐就出事.
下次唔好停咁跑應該冇咁 ...

多謝你帶我地去報仇呀
到時再約啦。

jogging_cat

原帖由 亞平 於 24-5-2010 10:46 發表

                               
登錄/註冊後可看大圖

終於都報了仇~~咁以後唔好再搵我尋仇喇~~

點敢搵你尋仇呀，唔驚比你扯爆咩。

jogging_cat

原帖由 syhyau 於 24-5-2010 16:20 發表

                               
登錄/註冊後可看大圖

大家都好好野!!!!恭喜恭喜!

多謝史sir鼓勵

jogging_cat

今日既天氣都幾熱同幾濕吓，JC團長既決定跑將軍澳大圈係正確既，唔係o聽跑到無命都似。
今日我應該係跟足團長既路綫跑，醫院後山+健明，距離大約10k啦？時間係1小時23分，係寶翠補水休息咗5分鐘。
跑完去特訓雖然人少少但係都傾得好開心。

jogging_cat

將軍澳運動場至澳景路來回，距離約7.4k 時間52:27。

琴晚起跑一路都落雨，仲有雷暴添，初頭都諗緊究竟上唔上澳景好呢？果處地勢比較高，好似有點危險咁喎。最終成30幾人大部份都上去，無理由特登入到TKO而唔上去架，最終都係上咗去。琴晚因為天雨路滑，唔敢跑咁快，而且都好朝濕吓，好似跑唔郁咁。

不過就認識咗好多新朋友，大家一齊食晚飯，啤酒汽水任飲，大家都飲食得好開心。

jogging_cat

原帖由 stephenyau 於 10-6-2010 11:24 發表

                               
登錄/註冊後可看大圖

讚好..比心機加油...

多謝史sir
今朝照你比既功課，試吓單腳站起，就算扶住野都起唔倒呀，我用一隻手扶住個柜，另一隻手拑住張餐枱都無法站起，點算？仲有想問吓lee個動作其實會唔會傷膝頭哥架，聽d物理治療師話膝頭哥細過90度會好傷過喎。點先可以練到野又唔會整傷自己呢？

[ 本帖最後由 jogging_cat 於 2010-6-10 11:36 編輯 ]

jogging_cat

原帖由 烏拉 於 10-6-2010 20:43 發表

                               
登錄/註冊後可看大圖

cat 作為尋晚C組領隊. 你非常稱職.
帶住maylam佢地一支箭咁就飛左去.
未上斜我已經望唔到你地尾燈

邊係呀，天雨路滑，大家放慢咗腳步咋。你又加操跑長咗4K幾先起步，梗係啦。

jogging_cat

今日天氣好熱同濕，跑得都幾辛苦吓，一停步就好以一個焗爐咁。
都係跑TKO大圏+醫院後山+健明，總里數10K時間1:21:23。
好開心可以同好耐無見既駿3一齊跑，仲一齊特訓傾得好開心。

jogging_cat

第一次跑 New Balance 既賽道，有條長命斜，斜度比澳景路更大，長度都似乎差不多，仲有天氣都幾熱吓，所以都跑得幾辛苦吓，可能係平時跑澳景路既訓練，先可以慢慢跑上去。仲有lee條路上引水道一路都無路燈，前段都仲有d遠處樓宇既燈光，跑跑吓就越跑越黑，要開住電筒黎跑，為安全計大家都減慢步速，感覺好新鮮好好玩。多謝各位師兄師姐陪我lee慢腳跑。
全程11k 時間 1:32:36

[ 本帖最後由 jogging_cat 於 2010-6-19 21:11 編輯 ]

jogging_cat

今日消遙跑只跑將軍澳大圏，無上醫院後山同健明，因為實在好熱同曬，跟住兩個快腳師兄跑，佢地就消遙跑，我就跟到好似跑Tempo咁，仲有調景嶺維景灣伴果k幾仲完全無遮蔭，曬到幾乎中暑，真係唔講得笑，下次可能要skip咗lee段先掂喇。
全程 8.5k
時間 56:59 (喺寶翠公園補水同休息咗4分鐘)

jogging_cat

原帖由 GRACE@ 於 21-6-2010 16:35 發表

                               
登錄/註冊後可看大圖

Hihi, Catcat, 等我入來留低d腳毛先...

幾時會再入來一齊玩呀?" />" />

Hi, Grace 好高興認識你，有機會一定再黎跑過，大家加油呀。

jogging_cat

原帖由 阿聰 於 22-6-2010 23:16 發表

                               
登錄/註冊後可看大圖

唔好意思, 我都係剛剛發現這裏
你既然完成你人生第一個半馬,
我則希望明年渣打能夠達成這個目標


但現在想起, 有點"遙不可及".......

阿聰，多謝你入黎探我，得閒多D上黎坐啦。

jogging_cat

原帖由 luluwong 於 25-6-2010 12:39 發表

                               
登錄/註冊後可看大圖

好高興一起跑, 有機會再跑吧!  加油 cat 師姐

我都好高興認識你，一齊加油啦。

jogging_cat

去程：由荃灣公園至機場展覽廳 35:17:04 (補水及休息兩分鐘再回程)
回程：由機場展覽廳至荃灣碼頭 32:03:31 (跑少咗入公園果段)
全程約10k 時間1小時14分連休

認識咗好多新朋友，跑得好開心。多謝Tarry 全程陪住我跑。