反思

witchycatcat

各位:

人唔係萬物之靈,在城市急速發展之同時,係咪應該留番條路俾其他生物呢?
香港政府同漁記,只係識用粗暴手法捉貓狗,你知唔知道,你上you tube睇下,有好多正義既市民,睇唔過漁記既捉狗方法,將殘忍手法拍左落黎,如狗狗拖到嘔血,地上留下一條條血痕…..d貓貓狗狗車左去漁記度會點..?基本上,3日內無人認領就會被判死刑,唔係打針安樂死(因為打針成本貴而且花人手),而係一班群推入毒氣室監生焗死!!!

香港lee個所國際大都會,一d都無尊重生命....難怪,佢地連人都唔尊重,動物算得上咩...?
流浪貓狗點解甘多...?因為好多pk主人買左動物3分鐘熱度……唔肯花$幫動物desex......想結婚生仔而遺棄寵物……戀人分手唔要寵物……..千奇百怪…..仲有唔受管制且不合時宜既動物繁殖法例,無良商人為左增加營行,用唔人道方法繁殖名種動物,去滿足香港人祟尚“名牌寵物”之心理,結果,一隻又一隻既健康貓狗被遺棄…….佢地有錯咩...?邊個係作業者…..?

我明白流浪動物對社區環境有一定影響,所以我地lee d愛護動物既義工已經出$出力出時間,支持愛護動物協會流浪貓狗絕育放回計劃,在夜半無人時落街捉貓,自費運送佢地到愛護動物協會做絕育手術,之後放他們回居地,從根本上減低動物數量,俾條生路佢地行…....有餵開貓狗既義工,餵完都會自行清理番d地方,當然,都有部分義工搞到d地方污糟左…....

最後,我想表達一下,跑步係一份興趣,如果個條街有狗狗而你又怕,大不了可以唔跑個度,唔使死既.....但你一個call,致電漁記,動物就會被捉被殺!!

大家請諗諗,你忍唔忍心為左你一己既興趣(跑唔到個條路),令動物仔被殺....??
生命誠可貴......你殺了他,永遠也不能給回他生命!
信仰教你愛人,可否諗多一步,愛所有眾生…?如果只是空講愛人,眼見其他眾生受若而視若無睹,或好似你的建議般,只乾脆用一個投訴電話就可將阻住人類既動物殺之而後快……對不起,這個永生既恩賜我寧願不要…!!!

我上星期五睇到這個post,好難過,本來唔打算回應….但我這幾晚思前想後,覺得這個post可能會引起其他人士當遇有這情況時也call漁記去殺狗,我就於心不忍,屋企上網不方使就今日早上及用lunch time時回覆.

大家請多多本著以愛包容這個心,對世上不公平及不幸的事情,不單只限於人類,多點同情,伸出援手.

我想說的就是這樣,有不同意者或反對,我也不會再回應了.
我相信人的每一個念頭或行為也會帶來後果,電話在你手,要包容要殺在閣下一念間,謝謝.

[ 本帖最後由 witchycatcat 於 2011-7-11 13:29 編輯 ]