第八次長跑一萬公里(累積至22年8月31日共71580公里)

kennysze

Jacky同坦克師兄，你地介紹的歌，我都係第一次聽咋! 依家聽緊啦!
小魚師兄，單獨跑時聽「誰伴我闖蕩」真係夠晒應境!!! 一路跑一路唱我都鐘意O架! 不過都係跑到D無人地方先會大聲唱O羅!!
阿何師兄，係呀! 聽日下午一時跑RTI大圈，在香港網球中心集合呀! 一齊來玩啦!
perre師兄，不如聽日一齊畫大地圖，一齊玩RTI啦!!
阿火，你依幾首歌我都係從未聽過!  
根拿師兄，班長，我單獨跑就會聽! 跑成日，如果唔聽下音樂會覺得悶!
阿貓師姐，你好番D未，相信你練得一排就掂O架啦! 加油!!!

kennysze

Perre師兄, 明白了! 相信你明天24K一定OK，咁就留番下一次再一齊跑長距離啦!

kennysze

好! 希望你星期日有好成績!! 下次再約過一齊跑!

kennysze

阿貓師姐，希望你快D好番，再一齊跑過啦!!!

kennysze

2012年3月24日上午，先由青衣跑到荃灣，與一班跑友集合，然後浩浩蕩蕩的沿青山公路經青龍頭，跑到雷公田，再接荃錦公路，今次有成22位跑友一同跑，加上在石崗的農場喝新鮮牛奶，實在痛快!! 此段共跑30.5公里

浩浩蕩蕩出發去

                               
登錄/註冊後可看大圖

大合照，還有火師兄在拍攝

                               
登錄/註冊後可看大圖

好好飲的新鮮牛奶

                               
登錄/註冊後可看大圖

是日午餐

                               
登錄/註冊後可看大圖

在農場見不到牛，反而見到羊!

                               
登錄/註冊後可看大圖

路線圖

                               
登錄/註冊後可看大圖

[ 本帖最後由 kennysze 於 2012-10-21 16:17 編輯 ]

kennysze

2012年3月24日下午，我們一行四人(坦克、Joe、火和我)在香港網球中心出發，計劃跑個RTI大圈，不過起步已差不多下午2時15分，之後我和坦克又分別掛彩，以致比預計時間遲了，為了趕著回家陪家人吃飯，就在大潭路直落筲箕灣，跑到北角乘地鐵回家去。此段共跑28公里

跑到大潭篤水壩

                               
登錄/註冊後可看大圖

路線圖

                               
登錄/註冊後可看大圖

[ 本帖最後由 kennysze 於 2012-10-21 16:17 編輯 ]

kennysze

2012年3月25日，一早出發跑青衣海濱長廊，然後過橋跑到汀九村，折返到大河道麥記與「癲友」打個招呼，再跑上城門水塘會合「癲友」，然後一同行過針山，由於趕著買早餐回家，故和「癲友」們道別後，就再跨過針山，跑落和宜合道，時間有點趕，最後截的士回家! 是日共跑29公里!! 計算這29公里後，由10年12月3日累積起計已超過5000公里，是一重要的里程碑啊! 今日多謝Jacky, 小二, 坦克, 胡蘇仔, mill姐, joe, Kevin同我一齊跑到第5000公里!!

在青山公路途中

                               
登錄/註冊後可看大圖

會合一班癲友，出發前先來個合照

                               
登錄/註冊後可看大圖

針山留影，大家都好開心啊! 睇番我的跑步里數剛超過5000公里

                               
登錄/註冊後可看大圖

路線圖

                               
登錄/註冊後可看大圖

[ 本帖最後由 kennysze 於 2012-10-21 16:18 編輯 ]

kennysze

多謝根拿師兄，到一萬公里要來一同慶祝啊!

原帖由 Gunners 於 2012-3-25 18:04 發表

                               
登錄/註冊後可看大圖

恭喜Kenny,己過5000公里關口,期待突破一萬公里日子來臨

kennysze

Kevin, 你的提議好呀! 到時一齊來個100K，之後一齊去食自助餐慶祝!!!
坦克，你依排練咁多斜路，又魔鬼太圈咁，到時跑100K一定無問題!   
小二, 多謝你一定支持!!!

kennysze

班長，一定會安排「哈根大」，放心!
阿貓師姐，多謝，你都有陪我跑過二十幾公里O架!!!
火兄，多謝晒! 乜搵幅咁靚O既圖俾我!?
阿何師兄，多謝晒! 一定要再同你跑過!!!

kennysze

Thomas師兄，多謝晒! 上次一齊跑去食齋後，好耐無再一齊跑! 期待下次一齊跑大嶼山啊!
micrathon師兄，謝謝! 好開心都一齊跑過兩次!!!
dann師兄, 天氣都好大影響，太熱我諗都幾難跑得長! 慢慢來啊! 我之前都跑O左好多個五十幾六十幾公里，之前重跑多個九十公里，先敢試下挑戰100公里咋!
Jacky師兄，好呀!! 我約定你最後一百公里一齊跑晒佢!

kennysze

大家為甚麼會跑步? 相信不少朋友都是為了減肥，為了健康! 在這裏分享一下我的故事!

開始跑步
在06年，開始聽到身邊朋友、家長、同事都異口同聲說我胖了，對一個自少都是「瘦瘦地」的人來說，實在很聽不慣。其實自工作兩三年後，漸漸少了運動，加上又流行自助餐、任食火鍋文化，一班朋友約出來，就是吃、吃、吃! 雖然沒有磅過到底自己確實有多重，不過看到自己的肚腩，又聽到身邊的朋友的話，也心自肚明了! 於是立定決心，要多做運動! 而最方便，隨時可以做的，一想到便是跑步，就是這樣便開始進行跑步運動，跑家中附近的海濱長廊了，當時是06年7月!


[ 本帖最後由 kennysze 於 2012-3-27 22:22 編輯 ]

kennysze

一於放張跑步前的相片俾大家睇! 哈哈!

原帖由 tank1438 於 2012-3-27 21:39 發表

                               
登錄/註冊後可看大圖

相信呢度嘅ching ctse,個個都可以整張開始練跑同現在的，攞黎做獸身代言人呀!" />" />

kennysze

火兄，即刻整番張先!!! 不如你都整番張!!!  
根拿師兄，正! 咁快手!
Kevin師兄，等睇相呀!!!

kennysze

Kevin 師兄, 多謝你張玉照啊！依家坐緊車都要入黎回覆！
你依排咁努力跑步，必定可減到好多磅數！不過以前太瘦了，唔好減太多啊！
根拿師兄，係呀，特登㨂番張差唔多0既！
胡蘇師兄﹐我都係平時食好多野﹐好彩有跑步咋！
阿貓師姐，當諗住跑步之後可以食多d野，一定可以努力跑步！
火兄﹐多謝俾面！睇唔到你以前的身型，不過依家就真係fit! 不過唔好咁夜訓啦！哈

kennysze

Jacky 師兄，你果張無得頂!! 其實你以前都唔覺肥，又睇唔到肚腩仔!  依家明顯就精神O左!
阿貓師姐，係呀! 多謝各位師兄師姐支持! D玉照好好睇! 唔知仲有冇得睇呢!!?
阿貓師姐、根拿師兄， 放心，跟我跑一萬公里一定瘦身成功!! 唔瘦再送多第二次長跑一萬公里療程!!!

kennysze

Jacky 師兄，原來你又要過去大連，我之前都在大連留過腳毛，沿海邊跑風景一流!!

kennysze

大家記唔記得第一次參加O既公開跑步比賽係邊個? 哈! 我都幾誇張，第一次就膽粗粗報名07年的渣打全馬，和大家分享下這個故事先!!

第一次參加的公開跑步比賽，07年渣打馬拉松
之前說過，我在06年的7月開始為了減肥而跑步，最先是跑青衣海濱長廊，後來又想計算跑了多少距離，就間中去青衣運動場跑，持續在暑假都有跑，大約一星期跑一至兩次，每次半小時左右!  
在十月初在網上得知渣打馬拉松開始報名，當時想起看過一本叫「死前要做的五十件事」，其中有一樣是要跑一次馬拉松，自己都好想試下，但又擔心自己無法完成。當時我最長只跑半小時，跑到13個大圈( 5.9K左右)，於是就在十月訂下目標，如果在一小時內能完成26個圈，就會報名參加，在十月尾，我一小時大約跑到24,5個圈左右，雖然未達標，不過就覺得用馬拉松比賽來迫自己多練習也不錯，於是就報了一生人的第一個比賽，07年的渣打馬拉松!

報了馬拉松後，學校的工作很忙，很遲放工，吃晚飯後已差不多九時多，很難抽到時間跑步。後來想到利用星期六和日早上晨跑，總算有些練習，但以量來說實在太少了。到了農曆新年假期，就密集的練，天天都有練習，由半小時、一小時至最長的一個半小時，在比賽前一星期，就練了一次最長的連跑兩小時。(我本來想數數跑了多少圈，可是數了十幾個後就亂了，後來都沒有數! 哈哈!) 當時會覺得用兩小時跑步已很多了，怎能再分配更多時間呢! 況且連續在運動場跑兩小時，已很悶了!

終於到了比賽日了，整晚無法入睡，很緊張啊! 比賽時，一大群人一起跑，簡直令我血脈沸騰，速度也快了，但跑至20公里已有速度下降的情況，去到30多公里，雙腳已累得不堪，接近抽筋邊緣，心想恐怕完成不了，不斷鼓勵自己，終於捱過一公里又一公里，邊行邊跑，終突破了自己的體能極限，結果我以4小時31分的時間完成!
當你疲累不堪時，要有很好的鬥志才能讓你繼續去跑，當時想到一班朋支和blog 友的支持和鼓勵，實在不能輕易放棄，最後我終於捱過這段路!

實在很辛苦地完成這個馬拉松，心想已完成任務，馬拉松參加了一次就夠了! 想不到之後竟然發生了一件事，令我要參加第二次的馬拉松!

[ 本帖最後由 kennysze 於 2012-4-11 00:29 編輯 ]

kennysze

阿貓師姐, 好番八八九九啦! 我係腸胃炎，可能D野食唔乾淨! 睇完醫生食完藥好番好多! 今日應該可以去約跑啦!
根拿師兄, 係呀! 又練習唔夠，跑到咁O既成績都好滿意啦!
Kevin師兄, 小二， 哈哈! 有時間會繼續寫O架啦!

kennysze

Thomas師兄，謝謝!! 好開心今日一齊跑! 期待下一次約跑!
阿火，謝謝關心，依家好番晒O架啦! 聽日都會量力而為，放心!!!