Perre - 愛跑步, 只因我愛跑步

perre

原帖由 Rhys 於 2012-3-22 18:17 發表

                               
登錄/註冊後可看大圖

賀開BLOG！ 今日放假？

今日Lunch無出去之麻！

perre

原帖由 Rhys 於 2012-3-22 18:32 發表

                               
登錄/註冊後可看大圖

勁喎，咁耐之前都記得，我都唔記得我每次跑完有咩感想，哈哈

之前有寫Facebook, Copy and Paste咋！

perre

日期 : 3月22日

今天無跑步, 去左九龍城睇鞋仔, 但空手而回, 結果同太座去左食泰國菜, 食到好飽飽~~~

跟住去左葵涌廣場行街仔, 路過運動家, 但無乜好鞋仔款式, 如果買左隻PS3的GAME返屋企 ......

今晚沒有時間跑步了.

perre

原帖由 阿貓 於 2012-3-23 20:26 發表

                               
登錄/註冊後可看大圖

哇...哇...哇...Perr師兄你   產後  後生過   產前 3,4歲喎,
好厲害, 成個樣企理精神晒呀. 我卑你咁多個  讚 讚 讚 讚 讚
我而家有成30吋腰, 我要加油搵番 26吋腰    番嚟長伴我身邊hgj09 ...

多謝支持∼∼∼

perre

日期：3月23日
時間：晚上七點半
短評：今晚慢跑了一段來回汀九穚，之後一班跑友去吃飯，大滿足之後再慢跑多2K返屋企！留番D力明早深井跑入錦田！

                               
登錄/註冊後可看大圖

perre

日期：3月24日
時間：朝早九點
短評：一行22人出發，在深井會合，之後往青龍頭再上山路，沿住
山路向石崗方便走，差不多到石崗軍營，有一個農場，坐底做少少飲
食補給，之後再跑到錦上路地鐵站，但到地鐵站時有1公里跑錯路，
比阿姐點左去大欖隧道出口巴士站位，好彩有個哥哥話呢條路唔得，
所以返轉頭，全程跑左26公里，條山路好甘∼∼∼返到屋企沖完涼
即時搵容祖兒幫手攪攪隻腳仔！

                               
登錄/註冊後可看大圖

perre

日期：3月26日
時間：晚上六點半
短評：一放學就即刻返左屋企，換完衫就由屋企樓下正門起步，過左
荃灣海旁入德士古道，嘉里倉落葵芳，到運動場跑左三個圈之後穿過
葵芳地鐵站，在警署過對邊，沿大連排道直入葵涌，再轉番出青山公
路往大窩口，之後沿荃灣地鐵站經愉景新城和翠豐台返回屋企樓下正
門。合共跑左13.77公里，圍住葵涌區跑左一個小圈。

                               
登錄/註冊後可看大圖

perre

日期：3月27日
時間：下午六點幾
短評：是日考試完畢，三天課程完成，所以要賀一賀佢，小Perre大冒險今天試一個新路線，由海旁入海濱，再轉上小島北橋，入去小島運動場打一個卡，之後轉入小鳥南橋落葵芳，再入葵芳運動場打一個卡，路住沿嘉里倉落返荃灣碼頭，再沿海旁返來。
但一回來便要立即梳洗，趕住去金鐘參加Annual Dinner ~~~

                               
登錄/註冊後可看大圖

perre

原帖由 阿貓 於 2012-3-27 19:33 發表

                               
登錄/註冊後可看大圖

哇...哇...哇....祝你抽中 大奬  大獎 大獎

perre

日期：3月28日
時間：晚上九點
短評：今晚再試Adidas Adizero Feather，原打算小小地走三四K再感覺一下落腳位，但拉完
筋一抬頭就見到胡蘇師兄，於是就咁送佢返深井，但去到機場展覽中
心，發覺有少許唔對路，右腳腳板底有少少括腳情況，於是便慢慢折
返回荃灣，再順勢收慢腳步感受一下落地，但發覺腳頭仍然好重，真
係唔知幾時先改善到小腿唔用來，留番比大腿出力的步姿，最後我諗
下次要穿厚底襪先會再試Adizero。

                               
登錄/註冊後可看大圖

perre

今天明天後天休息，留力星期日的復活跑，總結本月共有177.7
2公里
3月01日 ﹣ 10公里
3月05日 ﹣ 9.68公里
3月06日 ﹣ 5.01公里
3月07日 ﹣ 1.78公里
3月09日 ﹣ 2.14公里
3月10日 ﹣ 18.6公里
3月12日 ﹣ 10公里
3月13日 ﹣ 10公里
3月15日 ﹣ 5.93公里
3月17日 ﹣ 19.1公里
3月19日 ﹣ 11.1公里
3月21日 ﹣ 5公里
3月23日 ﹣ 6.47 + 2.13公里
3月24日 ﹣ 26.1公里
3月25日 ﹣ 13.7公里
3月26日 ﹣ 13.5公里
3月27日 ﹣ 7.48公里

perre

日期：4月1日
時間：早上八點
短評：今天同一班癲友和大勇隊隊員去左參加Panasonic復活跑，今天很多人，首200米約有幾百人在運動場中起步，而我起步排得差唔多最後，很辛苦才能涉出運動場，之後落到海旁，發現前方有個師姐細細粒，紫色BraTop的，見她在人群中穿插，於是我就上左佢架車，死跟其後，差不多過左3.5公里，才能離開人堆，睇番個Pacing，第2﹠3公里分別係4:44 & 4:53，個師姐真係好快，去到首5公里都唔洗25分，但可能穿插入群和死跟了一個唔合我Pacing嘅師姐，去到第6K之後，開始力有不計，跌到去差唔多5:30/K，返到終點時間係52:56秒，但可能頭段比較急，令到尾段屎屎下，發唔到力，呢度要檢討一下。

                               
登錄/註冊後可看大圖

perre

原帖由 little-fish 於 2012-4-1 17:47 發表

                               
登錄/註冊後可看大圖

落到海旁，發現前方有個師姐細細粒，紫色BraTop的，見她在人群中穿插，於是我就上左佢架車

見佢細細粒身手唔錯，佢睇位同開路一流，肯定係比賽常客，但我就第一次 ∼∼∼∼

perre

日期：4月1日
時間：下午五點半
短評：約左人係葵芳拎隻海賊王Game，諗住幾個地鐵站咁近，跑
去咪算囉，順便用雙腳向地鐵抗議加價！跟住之後係葵芳運動場慢J
og左10個圈先跑返荃灣。今日沖左好多次涼∼∼∼∼

                               
登錄/註冊後可看大圖

perre

原帖由 阿貓 於 2012-4-1 23:10 發表

                               
登錄/註冊後可看大圖

恭喜卑梨師兄...完成賽事...享受賽事.... 復活跑係唔係你的第一次跑賽呀?

係呀，我係跑步新手黎架！

perre

日期：4月2日
時間：晚上八點
短評：昨天消耗完，今日攰攰地，所以做二轉拉筋，跟住慢慢跑5公里，再拉拉筋算數，明天起一連小休六左去旅行，星期日晚回來，可能下星期一繼續。

                               
登錄/註冊後可看大圖

perre

原帖由 ~NN~ 於 2012-4-3 16:27 發表

                               
登錄/註冊後可看大圖

WOW~~~ Perre你好勤力呀, 繼續加油

但跑得慢呢∼∼∼∼

perre

日期：4月9日
時間：晚上六點半
短評：今天三點才從四川回到家，執左一陣野，再梳洗一番，之後老婆話要訓一陣，咁我就落街慢慢跑番一陣，唔知係咪呢幾日行得多，腳仔上唔到力，好屎軟，加上好似好熱咁，去到深井重要買水水，呢14K比之前辛苦好多，夏天真的快來了∼∼∼

                               
登錄/註冊後可看大圖

perre

原帖由 tank1438 於 2012-4-9 21:47 發表

                               
登錄/註冊後可看大圖

真勤力,我都落機第二日先去跑,你一落機就跑...勁.." />" />
夏天不用怕...克服到就冬天好收成架喇..." />" />

所以咪跑爆左, 隔左二日都未復完 ...

perre

日期：4月11日
時間：晚上七點半
短評：今天狀態不佳，四川放電之旅還未完全回復，腳腿無乜力，加上天氣好熱，於是便超慢地 Jog 左 10K， 係海旁來來回回中，好像見到火火師兄和溫溫師姐，但又好似唔係，唔知係唔係眼花呢！

                               
登錄/註冊後可看大圖