Perre - 愛跑步, 只因我愛跑步

perre · 發表於 2012-5-22 21:42:29

日期：5月22日
時間：晚上八點
短評：好耐無試過夜晚呢D時間落街跑步，今晚天氣清爽，得24度左右，又有D風，好C服，所以跑左一個來回到嘉頓修路處回頭10公里，全程刻意跑快D，上斜幾段更比多D力扯盡D，但落斜反而收番少少，以免弄傷，只係大約去到9.5公里時，右腳腳板底扯左六七下，擔心整傷，所以立即收油，去到GPS顯示10公里時便收步，花左51分37秒，比復活跑輕輕快左2分鐘，但跑完腳力還有好多，條氣行左二分鐘便回順，整體感覺係強左少少，唔錯唔錯。

登錄/註冊後可看大圖

perre · 發表於 2012-5-26 13:56:31

日期：5月26日
時間：早上8:30分
短評：今朝約左Willy, 小黑和新朋友B隆星人一齊跑山，至於點解叫B隆星人，稍後再講，先講去跑左去邊，我地一行人由麗城出發，上左油甘頭村，再沿引水道跑到荃錦公路，之後沿荃錦直上，經過川龍到大帽山公園，再沿大霧山道上到閘位，之後一路上到頂𡶶的天文台盡頭，跟住回程到順龍飲茶，共19公里多少少。今天起步時有幾粒小雨，去到荃錦後見到少少陽光，差不多大霧山頂時如入百里雲霧之中，能見度只有10米，回程更傾盆大雨，去到川龍連鞋籠都濕埋。但好開心，因為認識到B隆星人，還記得當日認識K隆星人時已十分震撼，因為他來自外星，一日能跑105公里，耐力十分利害，對我來說簡直是技驚四座，至於今日認識的B隆星人，他應該都係來自外太空，果然係今年初渣打馬拉松頭15名內的跑友，係我眼中根本係同肯雅跑手同一個Level，咁耐已來，我只係想像肯雅人點跑3分鐘1公里嘅速度，今日過左川龍後﹠在大霧山路攻頂時，原本B隆星人跟後邊的小黑吹吹水，但突然在我身邊界過，我見佢跑得好輕盈，完全無死跑嘅感覺，呢排我都跑左幾次山，於是便想追追佢，睇清楚佢跑姿，我估當時我需然上斜，但谷盡死力果100米都應該有6分鐘1公里，但30步之內一個彎後，既然連佢屁股都見唔到，我估佢當時有4分鐘1公里，上條咁嘅斜路既然有咁嘅速度，還不是來自太空 ?? 真的要同佢跑多D，學習學習。

登錄/註冊後可看大圖

perre · 發表於 2012-5-29 22:48:08

日期：5月29日
時間：晚上八點半
短評：今晚食完飯約左老婆落海旁跑步，見佢興高采烈便一齊落去，拉左15分鐘筋後便開始慢慢跑，無睇速度無睇距離，慢慢同佢跑到海濱公園迴旋處，我估大約2公里鬆少少佢便開始要慢慢行，第一次係呢度跑都有2公里多已經叻叻！跟住佢先行返屋企沖涼，我就繼續來來回回慢慢跑，前後跑左90分鐘，跑完後睇睇GPS，原來都有13.18公里，但完全唔喘氣，好C服！

登錄/註冊後可看大圖

perre · 發表於 2012-5-30 22:12:34

日期：5月30日
時間：晚上八點半
短評：昨晚Con梳Server做到成點，跟住二點又起身埋尾，今朝又試個新Backup試到頭暈暈，加上心中一口怨氣，本應今日要休息下，但今日又坐左成日，想郁下個人，老婆又去左街，於是乎便由屋企下邊海旁慢慢慢慢跑到深井籃球場掘頭路折返，剛剛好10公里，返來後睇下時間，真係好慢慢慢慢架，用左1小時6分鐘，但好熱，出左好多汗，跑完後條短褲仔都重不停滴汗，隻鞋又濕晒，真係要買多對交替用，但今日同昨日速度差唔多，需然今日都好攰，但全程慢慢跑無扯蝦好C服！

登錄/註冊後可看大圖

perre · 發表於 2012-6-1 17:48:06

原帖由 momolone 於 2012-5-31 12:06 發表

 登錄/註冊後可看大圖

ching 真係勤力!!

我有ching一半o既恆心毅力就好喇﹗

我地成日都約埋一齊慢跑架, 你有興趣下次都可以一齊架!

perre · 發表於 2012-6-1 17:48:34

總結一下五月份先：
5月01日 - 23.6公里，深井入元朗
5月05日 - 30公里，荃灣入馬鞍山
5月07日 - 26.2公里，鰂魚涌收工返荃灣
5月12日 - 32.2公里，荃灣入西貢
5月16日 - 21.1公里，元朗收工返深井
5月20日 - 24.7公里，荃灣入馬鞍山
5月22日 - 10公里，荃灣來回深井
5月26日 - 19.2公里，荃灣上大霧山頂再返川龍
5月29日 - 13.1公里，荃灣海旁來回跑
5月30日 - 10公里，荃灣來回深井

本月總共有210.1公里

perre · 發表於 2012-6-3 16:04:10

原帖由 little-fish 於 2012-6-2 21:05 發表

 登錄/註冊後可看大圖

跑咁多長途，雙腿0K嗎？

跑跑下便OK，家陣20K內跑完可以當無跑過，當然要慢啦，過左25K就會攰多一日。

perre · 發表於 2012-6-3 16:04:44

日期：6月2日
時間：上午八點十五分
短評：下午約大老婆﹠朋友到大嶼山玩二日一夜，原本今朝打算跑去香港仔，但時間關係，唯有短短地係荃灣區跑一個圈啦，由屋企樓下經青山公路，再上國瑞路，然後左轉上和宜合道，到可風中學右轉上城門水城道，到綠VAN站後沿引水道到荃錦公路，跟住轉入下花山南路再沿引水道返油甘頭村，最後到灣景巴士總站收步，剛剛好18公里，用左1小時58分35秒。

登錄/註冊後可看大圖

perre · 發表於 2012-6-4 21:43:17

日期：6月4日
時間：晚上八點半
短評：今晚又同老婆落去海旁慢慢跑，拉完筋還見到小黑彈過∼∼∼我地由麗城三期出邊海旁一路跑到海濱公園迴旋處再折返，回頭過了碼頭再到西鐵C出口咁上下，剛好跑左3.32公里，用左30分鐘，跟住老婆就要慢慢行了，我在佢慢慢行返三期時，我便繼續跑到灣景海濱盡頭才折返麗城，見好老婆都行到回來了，我都跑左4.86公里∼∼∼今晚老婆叻叻，跑多左跑！

登錄/註冊後可看大圖

perre · 發表於 2012-6-5 22:29:35

日期：6月5日
時間：晚上8點
短評：今晚由屋企對出海旁去到青龍頭過少少的御天𡶶來回，跑左1
5.26公里，唔知係今晚收工有D攰還是係天氣熱了？對上一次跑
同一條路，大約二月左右，當時氣溫約15-16度，記得只係用左
1小時26分多D，今晚再跑要去到1小時34分，足足慢左8分鐘
，還要好熱好辛苦 ........ 但返到屋企先睇時間，原來已比之前慢左！

登錄/註冊後可看大圖

perre · 發表於 2012-6-5 22:31:22

原帖由 momolone 於 2012-6-5 15:00 發表

 登錄/註冊後可看大圖

thx, ching

請問你跑開D咩路多呀？跑開幾遠呀？快慢唔緊要，不次有呢D路程可以叫埋你！

perre · 發表於 2012-6-8 13:38:41

原帖由 momolone 於 2012-6-7 14:01 發表

 登錄/註冊後可看大圖

我住港島東區，跑齡係一年級生，跑緩跑徑或海旁，
自從渣馬後，每星期跑0-3次，每次30-60分鐘左右(今星期仲未跑過!)

20-25公里左右你OK唔OK呀? 基本上每星期六或日都有攪下呢類約跑, 但多數圍繞住荃灣, 沙田大埔或屯門元朗 or 大嶼山. 你怕唔怕遠?

perre · 發表於 2012-6-9 13:58:25

日期：6月9日
時間：上午八點
短評：今日跟坦克、娃屎、K隆星人、B隆星人、傻蝦、力高、CK等一眾人由荃灣麗城跑入大埔，今早十分焗，焗到差D抖唔到氣，上去城門綠VAN站果短短幾公里已經要左我半條命，跟住去到鉛礦坳時，天氣開始轉壞，所以唔跑石屎路而改為只有5公里的衞奕信徑七段落大埔，只係走左一陣便下傾盆大雨，結果又連鞋都濕埋，次次星期六跑步都差唔多落雨，閒日就曬屎∼∼∼係咪玩野？

登錄/註冊後可看大圖

[ 本帖最後由 perre 於 2012-6-9 15:34 編輯 ]

perre · 發表於 2012-6-11 22:38:43

日期：6月11日
時間：晚上八點九
短評：30度的焗豬晚上，由屋企樓下去深井籃球場的5公里路，刻意走快少少，去程5公里花左27分10秒，但已經熱屎左，去到籃球場後要灌水﹠洗臉下火，休息左五分鐘後才回程，但夏天都有呢個時間，我相信到今年冬天，5公里應該可以做到25分以下。跟住回程5公里以散熱﹠回氣為主，花左37分多少少。

登錄/註冊後可看大圖

perre · 發表於 2012-6-14 20:26:07

日期：6月14日
時間：晚上七點多
短評：今晚天氣悶熱又無風，加上昨晚飯聚回家零時十二點多，所以今天狀態明顯不足，起步都無10分鐘已經想掉頭，但慢慢捱下捱下去到機場展覽中心，老婆剛打左二次來，但因為電話入左防水袋裡邊聽唔到電話，於是諗住老婆收工返緊屋企，所以乘乘機機便返轉頭，返到麗城睇睇，原來跑左7.61公里，時間係47:24秒 ..... 但原來咁嘅天氣跑得咁辛苦都過唔到Nike 8公里賽果條紀念毛巾要求嘅時間 .... 但到時八月會更熱 .... 都係諗諗報唔報名先！

登錄/註冊後可看大圖

perre · 發表於 2012-6-14 20:26:44

原帖由 little-fish 於 2012-6-13 13:15 發表

 登錄/註冊後可看大圖

這條路跑全程？我都想試

邊條路呀？下次再吧時叫埋你呀！

perre · 發表於 2012-6-17 09:19:28

日期：6月17日
時間：上午六點半
短評：在台灣墾丁的第二天，雖然昨晚下了一場大雨，但今早天氣晴朗，做完十五分鐘熱身﹠拉筋後，便由民宿門口向山走，但開頭曬住黎跑，跟住又落毛毛雨淋住黎跑，無耐後又出住太陽落住雨黎跑，但好幸運地有條大彩虹陪我跑左大約跑左3.6公里上斜山路去攻頂，跟住跑左約4公里落山到墾丁大街，但由於太早，差不多全部商店亦未開門，於是便沿海邊慢慢路返民宿，用左1小時15分鐘跑左11.7公里，好C服！

登錄/註冊後可看大圖

perre · 發表於 2012-6-18 09:22:00

日期：6月18日
時間：早上七點半
短評：今天唔知醒，雖然鬧鐘嚮了，但太攰關係，一訓便七點了，昨天向了北邊路了一個圈，今天便試下向南邊的最南燈塔進發，今天太陽伯伯十分不留情，曬到無朋友，沿路一邊跑一邊用水淋身，加上昨天好似食左五餐，所以順便黎個消脂跑，可以無咁辛苦，但去到燈塔發現原來要買票入場，但我身上得五十蚊，要留番D錢買水，所以去到問口便折返，返到民宿門口剛好10公里理D，用左1小時10分鐘連同1.4公升水∼∼∼好誇張∼∼∼！

登錄/註冊後可看大圖

perre · 發表於 2012-6-24 22:41:18

日期：6月24日
時間：晚上九點
短評：昨晚通宵工作，今日訓到中午一點鐘，跟住meme麼麼左一陣食少少野便去瑪麗醫院探媽媽，而老婆在家煮飯仔，探完媽媽返到屋企剛好有飯食，食完便同老婆落街跑步，一齊跑到海濱圓型花槽再回到麗城三期，為免爭廁所，所以佢先返屋企沖涼，我就再跑遠D，到汀九橋才回頭，今晚慢慢跑，9.6公里跑左1小時15分，而且沿途又好好風，但跑完連鞋籠都濕埋∼∼∼∼！

登錄/註冊後可看大圖

perre · 發表於 2012-6-28 23:14:22

日期：6月22日
時間：晚上九點
短評：自從台灣放完電回來後，再捱左幾晚OT加班，媽媽又入左醫院，攰左成十日都回復唔番，但諗住星期六日可能打風，幾日無郁過，所以成九點都落街郁動一下，好彩落到街見到小黑跑完返來，但佢真係唔好彩撞到我，比我捉住佢再跑多次，攪到佢今晚跑左成25公里，可能天口熱加上體力不足，已經慢慢跑，但跑到深井已經唔想跑，好彩有小黑帶住我，回程跑過左汀九開始體力漸漸下降，開始有少少喘氣跡像，但得小黑鼓勵最終捱埋尾果3公里返到荃灣碼頭，跟住去左七仔買寶礦力，合計跑左11.6公里，花左1小時15分鐘∼∼∼∼但跑完條頸有D梗梗地，好似訓"禮“頸咁！＠＠

登錄/註冊後可看大圖

		自動登錄	找回密碼
密碼			註冊