腳踭同腳前掌痛

靜水

回#8帖

Dear 5618兄,

近期情况與你相近，每週跑35K，發現右脚脚踭內穩穩作痛，嘗試休息一週再跑，但1k都堅持唔到，現在都休息了兩三星期，感覺好–點，但一跑脚踭觸地仍然痛，仍然沒法恢服正常跑步。這是否與你的情况相若? 除了做物理治療外，不知有否其它方法治療呢?

靜水

5618兄/ Lvrunner 兄

十分多謝你們的意見，相信兩位都是長里數Runner，亦可能長里數加上步姿的問題引起脚底筋膜炎PF。我是近期改了跑姿，以脚踭落地(增加步幅)而引起的。在兩位指引下上Web收集資料，發覺病徵與PF相同，都是脚底之筋膜位罝有灼熱感，特別是所指出每天下床的幾步，特別痛。而今天下床前，先拉鬆脚板筋膜，落地就冇セ痛。需然知道是セ症，但看到要幾個月休息才漫漫恢復，這對於跑步是我生活的一部份的40+男人，確是十分失落。本來已排了半年FM的訓練計划可能泡湯，更加可能沒法完成3:50的今年目標。目前計划睇跌打及停止跑步 (工作關係難抽時間作物理治療，脚底按摩唔知有冇效)，待完全好番，再長跑長友。LVrunner兄唔知以你的經驗，剩係PF嘅話需休息幾耐先可以復操，另外會唔會復發呢?

5618兄，需然無吹水，但都有上呢。可能40+的男人較含畜，較少表達自己內心世界，這也是男人之苦。我唸需然冇係道吹水，但好多我呢D中年 CD rom都係道感受大家長跑的心得。
我逢星期日清早都由簿扶林水塘跑香港仔水塘，条路好靚。有興趣(但要等隻脚好番)可一齊享受一吓。

靜水

Hi Lvrunner,

Thanks a lot for your helpful information.  

靜水

回5618Hing,

真係唔該晒你哋啲寶貴經驗，長跑网呢度真係唔單止吹水，而且係互相支持嘅平台，對於較為自我及單調的長跑運動而言，相互的支持及分享十分重要。你會感到原來喺你一個人跑的時候，其實背後有成千上万的同道中人，大家都有同樣的愛好，有同樣的堅持，有同樣的不放棄...

小弟會参考5618兄及LV兄等Ching的意見，暫時改為練水，天日去試睇下物理治療，希望可以早D復操。
祝所有Ching,Tse保養好雙脚，仲有排跑! 享受跑步生活!

靜水

5618 /LV /Andy兄,

由9月停跑到依家已有1.5月，冇跑步的日子實在難頂。關于本人病况西医確認為筋膜炎，不過唔太嚴重。做過三次物理治療(超声波、針救及按摩)，冇咩特別改善(可能因為次數太小)，因在大陸工作，終止了物理治療。又睇過跌打，跌打仲神奇，話又无濃不是發炎，脚踭痛他說是脚踝關節移位，睇左一次就冇睇。两週前在報章上有見中医骨科，以中药可敷筋膜炎，因可一次拿一週药自已敷，較适合本人工作，現在進入第三週治療。依家進展一般，稍為有點改善。該中医話，由於脚踭筋膜有磨損產生發炎，因冇セ血液流通，炎症較難消散，用中药敷治可促進代謝作用，加快炎症消失。我又問医師冰敷是否可以，她說會容易造成風濕。除了敷药外，仲有一張禁止食物單，一定要介口。仲有每週做一次蒸汔治療，医師說她医好過好多病例。目前只有用此法繼續治療，看看有否較佳的進展。如有效果再告知各位師兄。
由於脚傷今年沒有報FM，報了繽紛10K(最慢個組)，開心係老婆一齊跑。希望脚傷能早愈，可以用另外一種心態跑渣打。

靜水

回5618兄,

所謂蒸氣療法是用一些中药加熱通過一個仪器將含中药的熱蒸氣噴向患處，大概十五分鐘，做完覺得患處鬆馳。另外目前每天都穿上夕膠鞋墊，減低患处壓力。上週加了每晚食一些中药丸仔，中医話會對脚的血氣運行有幫助，佢仲話於脊椎L4處加貼中药會更有效，但我冇償試，因逐片收費 (每片200大元)

筋膜炎真是花時間，又花錢 (物理治療每次500)，請問師兄有冇最快冶愈的例子呢？又有冇就此收山的例子呢?有D担心，雖然現在已經唔係好痛。

靜水

Joejoe Ctse,

祝早日康復(互勉)，我已休息2個月，我估好番6,7成，但仍未可跑步。沒有跑步的日子太難過了，見到大家都禁熱鬧，仲難過。希望同病相憐的Ching &Tse都可盡早落場，而依家狂燥緊的弟兄要做好脚踭保护，跑SLD時要穿着較有緩冲的跑鞋。受傷了就很麻煩，我吔呢D样版就係一D反面教材！
珍惜你的雙脚就是愛護你長跑的生命。

靜水

Joejoe Chine,

Sorry, 原本都唔肯定，最衰又見到你幅猫咪相，咁就...........