叮叮噹之跑步日誌－請多多指教

叮叮噹

原帖由 redred 於 2009-1-8 09:42 發表

                               
登錄/註冊後可看大圖

叮噹ctse, 尋晚好野喎
前晚跑了18.5k 仲有力衝上斜~

小妹都唔知點解長課第二日, 竟然重有力上斜

叮叮噹

原帖由 亞平 於 2009-1-10 21:01 發表

                               
登錄/註冊後可看大圖

叮叮噹師姐萬宜水庫20K長課玩成點呀?bbq食得飽唔飽?

冇跑足20K, 好多上斜上斜再上斜, 落斜落斜又落斜, ching話甘個美記.
風景好靚, 有陽光又唔凍, 好好玩!
大部份上斜都係跑上去, 只行了少少, 好滿足!

叮叮噹

原帖由 =chairman= 於 2009-1-11 01:11 發表

                               
登錄/註冊後可看大圖

嗯 ~ 而家叮叮噹 ctse 話d約跑冇番十幾K都冇引 .........

冇邊次約跑唔過10K啦!
長短冇所謂, 最緊要一齊跑好開心又有士氣.

叮叮噹

The last 4th week: 53K

5/1(一) 西鐵<>慧豐園壁畫, 10.5k, 1'11
休息了兩天, 計劃是晚跑長課, 熱身後跑了2k小腿前面酸軟, 未試過差點嚇死自己. 應該係日前行山太激烈, 當日多上落山, 落完勁斜碎石路, 雙腳超酸痛. 只好調整計劃, 今晚鬆弛慢慢跑雙腳, 明晚才跑長課啦!
今晚慢跑竟然俾仔界, 經常迎面遇見果位人兄, 今晚如是澤豐相遇, 上完斜路仔落醫院宿舍, 聽到呼吸同腳步聲從後追上, 他大膽地貼肩平排跟小妹跑近100米, 即使小妹最後2K加速也一定比師兄慢, 要過人咪加速過囉! 為何要迫住小妹喎???
體能: 提腿50x3, 抑卧起坐30x3

6/1(二) 西鐵<>慧豐園壁畫10.5k +西鐵<>湖山遊樂場8k
LSD共18.5k, 2'06"(包3次2"補水+1燈位1")
為減少過馬路時間同方便補水, 以萬字夾型分段來回跑, 效果唔錯, 沒有放棄的心態.
萬字夾型分段:
兆康>慧豐園折返湖山補水
湖山<>工廠, 3程
工廠過燈位, 警局<>蔡意橋, 3程
蔡意橋過馬路, 卓爾居<>兆康, 3程

7/1(三) 西鐵<>湖山 8k +上斜特訓8轉
41",41",41", 42", 42",42", 43", 43"
體能: 提腿50x3, 抑卧起坐30x3
相約細明哥, Redred一起慢跑去上斜特訓點, 拉筋一會, 平兄也跑到, 拉筋傾兩句便開始衝上斜, 喘氣幾下一起慢落, 談談說笑, 不知不覺大家已經衝了8轉. 小妹昨晚跑完長課不敢跑太盡以免過勞而受傷 ,三個要留力比賽, 留力收工. 一起慢跑回家, 邊跑邊傾談真係開心, 明兄住最遠, 一個一個送我地回到. 謝謝
傾傾下, 荃>屯漫遊團成團, 唔係渣打前, 係農曆新年前跑, 超期待!

10/1(六) 約跑 - 萬宜水庫, 創興<>東霸折返+ 西霸來回, 15k
上斜上斜再上斜, 落少少斜, 又上斜上斜, 東霸平路到迥旋處原路折返,
落斜落斜, 又上少少斜, 落斜落斜再落斜, 到西霸平路來回一次,
一起慢慢落返創興, 拉筋沖涼, 一起BBQ.
可惜, 時間緊迫, 自己又跑得慢, 唔好意思要人等, 希望下次可以跑長少少.

Ps. 有一段路小妹前後視線範圍都見唔到網友, 獨自上路欣賞風景, 意想不到地安心享受寧靜!
去程落完斜, 終於追到前面兩位師兄, 有目標, 一路吊住小妹去東霸. 望見遠處的東霸時, 迎面見到折返的師兄一個一個幫小妹打氣, 知道折返點在望, 心情暢快!

綠水青山藍天, 水天一色, 水霸一邊水綠, 另一邊水藍, 風景一流!
氣溫低, 風很大, 陽光照耀, 不冷不熱, 剛剛好很舒服!
沿路許多人練跑, 唔識都互相打招呼同打氣 ,路線有上落斜好好玩, 中心有足夠儲物櫃, 有足夠熱水沖涼, 燒住食住等, 好適合秋冬約跑活動. 夏天可以上午跑步, 下午玩水上活動.

[ 本帖最後由 叮叮噹 於 2009-1-12 19:25 編輯 ]

叮叮噹

原帖由 細明哥 於 2009-1-11 17:05 發表

                               
登錄/註冊後可看大圖

叮噹姐好勤力啊~不過操還操~唔好操過龍~好而受傷架~好快渣打啦^-^

放心啦! 小妹會好小心同愛疼身體, 疲倦會休息, 唔會俾自己過勞.
現在要落街慢跑鬆弛下.

叮叮噹

原帖由 亞平 於 2009-1-11 21:01 發表

                               
登錄/註冊後可看大圖

終於等到叮叮噹師姐BBQ報告,又跑又食,風景又咁靚,一定盡情而回啦..

正, 正, 正! 希望再去多次!
平兄冇去就走寶, 練完萬宜咁多上落斜, 信心大增, 如果你去跑完先去跑美記同屯門, 攞獎在望.
下次要計劃去多次.

叮叮噹

原帖由 alfredyu 於 2009-1-12 19:57 發表

                               
登錄/註冊後可看大圖

長跑之餘, 又可玩足一天, 好正.

等你揮旗渣打後再攪多次啦!
今次好多ching/ctse因為要留力星期日比賽, 冇得去玩.

Encore!

叮叮噹

The last 3rd week: 33.5K

12/1(一) 西鐵<>慧豐園壁畫, 10.5k, 1'14"
右腳的柔韌性一向較左腳為高, 上星期發現右腳膝後左邊條筋緊緊的, 跑時沒有痛但比較容易疲累. 今晚右腳膝後仍然緊, 輕鬆跑觀察下, 希望唔係行落山時拉傷了, 早晚搽了中藥傷濕膏.
體能: 提腿50x3, 抑卧起坐30x3

13/1(二) 西鐵>湖山>泳池>三聖, 5k
右腳仍然緊, 已經一個星期, 只好減量及輕鬆jog下鬆弛雙腳, 順道去試下由三聖回鄧記條路.

14/1(三) 晒草場500mx7 + 茜發S型長斜路一轉1.5K, 共5k
託NC生日鴻福, 首次踏足五星級晒草場, 正!
跑道好厚好軟, 跑道500m一圈好好計數, 跑步徑有少少彎曲位, 沿路有花草樹木風景唔錯, 邊跑邊睇人打捧球, 跑圈都唔會悶. 加上一條S型長斜路落麗港城, 來回一轉已經好滿足, 好練斜路, 可惜遲來冇時間跑多轉.

豪華, 暖氣太熱的更衣室, 有電子密碼鎖, 唔洗借鎖匙真係方便!
跑完13人去十下十下, 慶賀NC生日快樂, 慶賀堅榮升版主, 幾開心!

17/1(六) 西鐵<>湖山遊樂場8k+ 上斜特訓5k
昨晚睡得不好, 生理期雙腳發軟, 以為可以偷懶跑少幾轉斜路.
Wong Sir有新主意, 唔係去衝特訓點一條斜路, 原本過隧道又有一條C型短斜, 轉上去是引水道, 應該係26/12師兄的路線. 落返奇趣園, 又衝上次400m條斜路落IVE回程, 今次上斜比上次輕鬆啊! 返到新屯中, 見到神童威威專誠送香蕉給大家, 多謝.
跟Hoihoi一起跑回西鐵站, 有人送我一程真係 , 師兄獨自回程.
希望明天狀態好轉, 可以跑畢全程, 增加信心迎接渣打半馬.

叮叮噹

15/1(四) "啪"一聲

起床前伸展下手腳, 右腳一伸直突然"啪"一聲, 真係嚇一跳  .
右膝左後條筋緊了超過一個星期, 今日完全鬆晒, 行路同拉筋都冇緊緊的感覺.
真係奇怪!

叮叮噹

原帖由 peteruno 於 2009-1-17 19:48 發表

                               
登錄/註冊後可看大圖

分享我自己小小跑步心得：
1.  由少年跑步的初時，已經很重視練跑前的熱身(熱身是一門不容忽視的運動，熱身分別有三個項目必要做，這方面日後再談)，是否容易受傷就在熱身是否正確和足夠。
2.  練跑時要內心教自 ...

白師兄,

唔好容後再談啦! 過三招嚟啦!
我唔希望跑到傷, 要長跑長有嘛!

跑步時, 有提醒自己放鬆一點, 希望慢慢會習慣啦!

[ 本帖最後由 叮叮噹 於 2009-1-17 20:15 編輯 ]

叮叮噹

原帖由 711MF 於 2009-1-18 10:43 發表

                               
登錄/註冊後可看大圖

叮叮噹:
做嘜咁急啊.........唔通係感覺到有傷出現????????????????

七兄,

我驚死嘛! 唔想傷左冇得跑步姐!
傷就未有, 小妹會好警覺留意身體有咩反應.
你今日咁提醒嚇死小妹, 我會減量多休息架啦!

叮叮噹

原帖由 cookie97 於 2009-1-18 11:14 發表

                               
登錄/註冊後可看大圖

"啪"一聲，咁恐怖...
每次練習時要做夠熱身及cool down呀..

知道囉! 都係懶之過.
會做熱身同cool down, 都唔知點樣為之夠??

叮叮噹

原帖由 亞平 於 2009-1-18 11:22 發表

                               
登錄/註冊後可看大圖

叮叮噹師姐,越來越多高手過招比你,好快自己都變成了高手啦!

小妹係跑步初哥, 當然要聽吓前輩的經驗之談啦!

叮叮噹

原帖由 redred 於 2009-1-18 18:10 發表

                               
登錄/註冊後可看大圖

叮噹ｃｔｓｅ　你真係好勤力
而且似乎ｃｔｓｅ訓練有數，
愈黎愈有力了
即使連跑幾天都輕而易舉
要跑曬半馬應該無問題了
比心機呀，堅持是有義意的，支持你

小妹只知道一個"跑"字, 跑多啲先有信心完成半馬.
試過連跑幾天 +跟Wong Sir上斜特訓 +今日同大家跑完長課, 雖然跑得好慢, 但增加跑半馬的信心.

謝謝妳鼓勵. 妳一樣可以做到.

叮叮噹

原帖由 oscar 於 2009-1-19 00:25 發表

                               
登錄/註冊後可看大圖

加油呀！渣打半馬無難到，做個好成績！

"半馬"對許多跑友都係冇難度......對小妹已經係超額, 超乎想像.
三個月前還在跑10k, 8k, 也沒有參加過比賽,
渣打半馬能夠唔太辛苦地完成已經很心足, 上斜唔洗行更是錦上添花囉!

叮叮噹

原帖由 obaanc 於 2009-1-19 23:20 發表

                               
登錄/註冊後可看大圖

比賽緊的時候, 真係好驚見到d人在行, 見到有人行, 隻魔鬼又會在叫我, 我都要學ee催眠自己...

x2, 係囉! 小妹意志力唔夠強, 隻魔鬼又會在叫我唔好咁辛苦, 人行我又行架啦!

一齊學呢招 "睇你地唔到, 睇你地唔到, 睇你地唔到."

叮叮噹

原帖由 schnix 於 2009-1-19 23:27 發表

                               
登錄/註冊後可看大圖

我覺得叮叮噹ctse對腳比好多女仔都要強, 長距離, 上斜等唔會難倒佢的, 只要keep 住好既狀態仲可以做出令自己驚喜成績

多謝Schnix鼓勵, 小妹心肺功能不佳, 跑快少少或者跑上斜係好辛苦架!
有你地支持, 會繼續努力!

叮叮噹

原帖由 亞平 於 2009-1-19 22:41 發表

                               
登錄/註冊後可看大圖

叮叮噹師姐,昨日冇心機問你跑成點?但見你都好開心,應該都跑得幾滿意啦..對嗎?

唔緊要啦! 平兄對腳點呀?
有得一班人一起練跑當然開心啦!
小妹早了一條橋過對岸, 跑少了1.1k, 但開心第一次上梅子林, 慢慢跑上去跑到對腳出乳酸, 行了一會再跑.
去程頭7k有點吃力, 可能曬住好熱好快喘氣, 橫隔膜痛完左邊就痛右邊, 多得細明同Anson同我一齊慢慢跑,
回程七個人一起跑, 唔曬可以跑正常速度, 最後2K可以同NC一起跑返去, 真係興奮!

叮叮噹

原帖由 cc 於 2009-1-19 18:06 發表

                               
登錄/註冊後可看大圖

我覺得我好"渣"~尋日只是跑16k，今日ge膝蓋就痛喇hgjD092

cc,

妳昨日跑得幾好呀! 速度好穩定, 中途又唔洗飲寶x力. 加油啊!
膝蓋痛要好好休息, 慢慢練啦! 明年渣打預妳一份.

其實, 小妹報渣打時最長只跑到12k, 跑得好慢. 心大心細報唔報渣打, 因為一心想報半馬, 唔考慮10k.
多謝師兄鼓勵我報半馬. 因為怕跑唔曬, 又怕跑得太辛苦, 以後唔敢跑, 報名後馬上認真練跑.
有規律地練習了三個月, 距離是慢慢增加, 目標只是完成.

叮叮噹

原帖由 cc 於 2009-1-19 17:17 發表

                               
登錄/註冊後可看大圖

叮叮噹ctse，你好叻丫∼起碼你對自己有信心，都有報渣打半馬∼努力丫

小妹唔係對自己有信心去報名, 係報左名就全力以赴, 信心係用哩數換來的,
妳都可以做到 ,一起努力啦!