2015.12.06 第31屆那霸馬拉松

wlau

日期已確定於2015年12月6日報名日期 6月1日
以抽籤選出參賽者
上年九月頭知結果
參加人數3 萬
比賽地點 ： 日本沖繩那霸市

https://www.naha-marathon.jp

afungsm11

Kanes 發表於 2015-11-27 09:25
下星期日去跑了,希望順利完成

me too. my bib D4883. see u there Naha!

Kanes

下星期日去跑了,希望順利完成

wlau

根據往年經驗, 取PACK 條龍都有D 長.. 入體育館取裝備時係要除鞋, 大家要留意下啦, 而如果想買紀念品既, 係要出番去體育館外既攤擋買. 由於無完賽毛巾, 所以大家有興趣可以買定毛巾. 而佢攤擋都有D 衫幾靚, 亦有號碼扣, 仲有好特別既"乳頭"保護貼賣..... 無打低衫既男性, 記得買定啦..
而佢指定左上線時間, 跑九點, 八點二十分要上線, 上唔切, 就一定要去最後先上得..由於那霸有成三萬人, 雖然我未到最後果區, 但都用左差不多二十五分先去到起點.. 最後既人去到起跑點, 有機會過半個鐘..
而佢寄住行李係同你講個信字... 佢有免費寄存行李同收費寄存行李.. 免費既, 就自己入個大帳篷入面, 搵個位放底佢..自己要記得放左係邊.. 由於無人睇住.. 所以最好唔放貴重野或真係有貴重野啦, 咁最好去收費寄存行李果度放(日本有D 人就咁掛D 行李係棵樹添)
之前都講過, 如果慢腳有機會遲左半個鐘先上到線.. 變相得番五個鐘九個字跑, 而那霸完賽成功率一向都得七成.. 原因為係都多上上落落.. 而最後既地獄關門更是上年睇到大家最慘既一幕.. 所以大家唔好因為多野食, 食到遲晒大到.. 而由於佢會係完賽既時候即時拆你號碼布後面既晶片來印證書, 印完證書入左閘先俾完賽牌你, 所以想偷雞返終點就咁取完賽牌都唔得.. 而由於佢係即印證書, 大家可以帶定FOLDER 裝 , 而完賽後, 會場有得過膠你張證書, 前面證書, 後面就拿你張號碼布(有前後布, 所以用一張都唔係問題)來過膠, 當然係要收錢啦.. 仲有完場後有表演同有野食(俾錢) .. 大家可以留底食下野, 睇下表演都唔錯.. 而我最傷心既係佢現場有得賣一支可以刻你個名同完賽牌既清酒, 但只接受有日本地址既人登記, 因為佢真係刻你個名上個樽上面, 所以要之後先送貨. 所以無地址就唔俾我登記... 如果大家想要果支酒.. 問定D 日本FRIEND 借地址啦..

wlau

RowerBee 發表於 2015-5-11 20:09
深馬，廣馬，銀河馬都係呢日。。。
想問如果呢三隻，邊隻最值得跑呀^^

個人覺得, 如果唔計那霸
我個人次序
1.廣州馬
2.深圳馬
3.澳門馬

Kanes

第一次跑初時幾好天，之後落大雨加上大風，好彩已跑左三十公里，唔覺太凍，去到37k,見到有位著紅色寫住polar地質跑的香港人，我揾左佢做我pacer,之後唔經唔覺就完成，多謝呢位香港師兄總括來說，比起明年二月沖繩馬拉松，呢個比較容易，唔多大上大落
我從未跑過香港渣馬，唔知各位師兄師姐覺得渣馬難啲定係那霸難啲？

lisiutung

我被抽中，已经报名，有人同行吗？

afungsm11

me too

Kanes

我抽中左

wlau

結果已經公佈, 祝各位好運..

wilsonkeung9

brompton 發表於 2015-6-17 18:20
當 旅 遊 ，無 壞 。 沖 繩 ， 幾 好 玩 。 最 緊要 ， 租 架車 ， 就 可 以 四 圍去 。自 駕 遊 ， 好 方 便 ， 係 機 場 鑼 架車 ， 走 ， 就 交 回  ...

多謝師兄brompton,認真分享經歷,我決定跟團報美X

brompton

wilsonkeung9 發表於 2015-6-17 17:29
上落斜幅度大,分段限時,天氣因素,好似好刺激

當旅遊，無壞。沖繩，幾好玩。最緊要，租架車，就可以四圍去。自駕遊，好方便，係機場鑼架車，走，就交回機場。

我去到市場，祇買Made in Okinawa的漁農產品。當地好保護沖繩的漁農產品，特意把這些自家產的漁農產品，同來自日本本土的農產品，分明標示。讓旅客，買得放心。

我去左fish market食魚生。見到一pack pack的海膽，就想買黎食。個商戶好老實，用日本話同我地講，指住個產地標示，係Hokkaido。我地立刻醒爬，表示唔想買。個商戶，笑一笑。
去到沖繩，記得食沖繩和牛呀！好正嫁，不過真係好貴。現家日元低左，可能會無咁肉赤。

我跑緊，見到無人機、F16、PC3電子情報飛機，係頭頂飛過，好High。個感覺好震撼。我一早跑完，就躺左係鑼包包的草地上，等同行跑友回程，係頭頂不斷出現戰機，個感覺好有軍事基地feel。因係香港，係無機會有中國戰機，係頭頂飛過。

跑NaHa，除左要多練斜路，就係要練烈陽神功。總之，唔好太認真，話要什麼PB，話要什麼成績，懷著"開心完成，享受過程"的心態，就無問題。

沖繩係一個幾好的旅遊地方，東西比起日本東京/大阪平，食又平。最好，係可以食到沖繩漁農產品，唔洗食左唔知係乜日本地區生產的。食完，都驚有事。

日本，自從福島之後，已婚決定大力發展沖繩，包括填海。大量基建。預備把一些日本本土的人口遷去沖繩。我去個年，沖繩未有大型建設，因為當時日本國會還未落實發展沖繩。但，上年已經批准，發展。首先就係把美國空軍基地搬去填海區。如沖繩係未來的十年八年，全力建設基建，咁沖繩就會面目全非。無左現在沖繩的小島，漁村的風味。所以，有心去沖繩的，就要快手。唔想沙塵滾滾咁玩和跑，就要立刻行動。

wilsonkeung9

上落斜幅度大,分段限時,天氣因素,好似好刺激

小力奇

上年三十屆以為會有特別的紀念品......原來都係一樣

brompton

咁吳怪得1/3人，要慘被捉上車。陰公。個完成紀念玻璃牌，咬出黎係有血有汗。

brompton

係21公里捉上車位，跑手由起點計，就要完成190-200米爬升。即係跑21公里，個爬升就相等於一個渣打全馬42.195公里的總爬升。都咪話吳恐怖？。

brompton

Naha馬的全馬賽道，總爬升係介乎240-250米。185-195米係渣打的總爬升。加上酷熱天氣，吳怪得跑到腳仔軟。怪

wlau

brompton 發表於 2015-6-4 16:31
轉 載自mobile01:

"2014.12.07第30屆OKINAWA那霸NAHA馬拉松一場熱熱鬧鬧,吃吃喝喝的馬拉松這場馬拉松只有全 ...

放心.. .我渣馬六小時左右完成, 都可以556 返到來.. HAHA... 其實唔太難..

Kanes

terrytsang 發表於 2015-6-11 23:42
賽道同12月第個是否不同?

二月呢個全馬在北谷起跑，不在那霸，特色係入美軍基地

terrytsang

core2quad 發表於 2015-6-11 08:40
2月中沖繩馬拉松
http://www.okinawa-marathon.com/

搵唔倒全馬參加人數限額!要幾小時內完成?

terrytsang

Kanes 發表於 2015-6-11 09:48
呢個我今年二月跑過，氣氛好好,但比較多斜

賽道同12月第個是否不同?