schnix 越跑越健康 blog

叮叮噹

原帖由 schnix 於 2009-3-29 23:23 發表

                               
登錄/註冊後可看大圖

所以尋日都掙扎左好耐....

明白, 係好難取捨.
食藥影響身體反應, 食藥跑步增加心臟負荷, 唔講得笑, 死得人架!
身體要緊, 長跑長有.

叮叮噹

原帖由 schnix 於 2009-3-31 12:30 發表

                               
登錄/註冊後可看大圖

鼻敏感令感冒好難好番, 所以每次都要起碼2 weeks
你就好啦, 可以同d同區ching ctse 早餐團, 好羨慕

Schnix都可以約吓東區跑友跑完早餐團, 有伴跑唔錯架!
星期一有時間入屯門探班, 好耐冇見, 又冇一齊跑呵!
等妳好番再約跑南生圍.

叮叮噹

恭喜 schnix 攞到第一個獎
祝你身體健康, 長跑長有.

叮叮噹

原帖由 schnix 於 2009-4-7 15:27 發表

                               
登錄/註冊後可看大圖

應該係體力問題, 我慢jog 去起點時都有d 辛苦, 開始比賽已經身體硬晒咁
可能跑長好過跑短.. 尋日衝既1k, 雖然番黎時好辛苦, 但未有自己衝400m, 最後個100m 既死去活來感覺........ 而家上堂越來越少人, 希望 ...

Schnix,
妳的體質好似麻麻地, 常受感冒同鼻敏感困擾, 試吓睇中醫調理身體, 改善體質,
同時慢慢操練體能, 到時自然有力跑, 可以保持比較省力的跑姿, 才能跑得快同輕鬆.

叮叮噹

原帖由 schnix 於 2009-4-7 23:28 發表

                               
登錄/註冊後可看大圖

一年前都有睇中醫, 但食左好多劑都無咩用咁, 所以停左
哩幾個WEEK 食得太多西藥, 身體狀態更差, 成日無氣無力咁,. 所以再睇中醫, 點知飲左兩劑又感冒, 要停左先到今日先飲第3 劑, 我都希望可以藉住中藥改善體質, 食西藥只會越食越差哩

我細過就係食西藥太長時間, 身體食越食越差, 好似食毒藥咁. 盡量唔食西藥, 除非急症啦!
現在, 我比較信中藥治本的原理, 調理身體, 提高自身免疫力, 當然, 食中藥比較花時間心機, 急不得.

叮叮噹

原帖由 schnix 於 2009-4-8 20:28 發表

                               
登錄/註冊後可看大圖

我又係由細到大都食西藥, 因為感冒藥食得太多, 所以好多藥都未必有效了, 所以越食越重. 現在都係要食少d 西藥先得啦
中醫都係人夾人, 而家哩個如果再睇多一排都唔得, 可能要轉下了hgjD092

睇中醫係要夾人, 中醫師水平參差. 另外, 自己有冇細心留意身體狀態, 曉得講俾醫師聽先可以準確斷症. 信任醫師的斷症同落方, 聽話飲下苦茶, 比信心同耐性煲藥同飲藥, 日子有功.
俾心機啊! 唔得就試吓口碑好的醫師啦!

叮叮噹

原帖由 schnix 於 2009-4-8 20:28 發表

                               
登錄/註冊後可看大圖

我又係由細到大都食西藥, 因為感冒藥食得太多, 所以好多藥都未必有效了, 所以越食越重. 現在都係要食少d 西藥先得啦
中醫都係人夾人, 而家哩個如果再睇多一排都唔得, 可能要轉下了hgjD092

係呀! 感冒藥有級數, 越食越重藥, 遲早冇藥醫, 係醫生講架!
所以, 我一早知道感冒唔一定要睇醫生食西藥, 多休息飲水, 自己會好架!

叮叮噹

原帖由 schnix 於 2009-4-18 01:54 發表

                               
登錄/註冊後可看大圖

都要調整一下啦. 起碼暫時唔好再有強課(比賽都係強課既一種....)
希望遲d 可以唔使成日擔心地跑啦

知道就好啦! 乖乖地忍吓腳啦!
好番會跑快啲架!

叮叮噹

原帖由 schnix 於 2009-4-27 00:14 發表

                               
登錄/註冊後可看大圖

好的, 等我跑得之時, 希望大家都可以幫我睇下我既衰衰跑姿啦

係要人幫眼睇睇同提提架! 真係旁觀者清.
一個星期內分別俾幾位師兄唔同時間提醒我加速時擺手就唔妥.
遲知好過唔知, 前排改隻八字腳, 刻意留意抬大腿.......好多嘢要改, 原本跑步時係好唔得閒.

叮叮噹

原帖由 ee_tpk 於 2009-4-27 16:29 發表

                               
登錄/註冊後可看大圖

叮叮噹 ctse..你講得好0岩丫...

之前我跑個腦成日都一片空白..
而家跑步... 又要提自己 relax d..又要提自己夾番埋對手... 好忙丫..
個動作習慣0左之後又要數節奏... 所以跑步我係聽唔到 mp3 的... D131h ...

起初跑步時係次次都聽MP3, 跑得好輕鬆自在, 又可以思考吓問題.
現在, 跑步唔敢聽歌, 要專心留意同改善呢樣果樣, 記住唔同速度的感覺, 留意身體反應.....

叮叮噹

原帖由 schnix 於 2009-4-28 00:25 發表

                               
登錄/註冊後可看大圖

我未試過跑步聽mp3, 不過會諗哩樣, 諗個樣
前排會好留意自己既跑姿... 因為腳傷左, 要多d 腳跟落地, 最近腳無痛, 真係少左留意
下次你地見到我跑, 都可以比d 意見比我啦

好啦! 等妳好番曬, 一齊跑步.
唔跑得, 不如去行吓山, 游水, 踩單車, 得唔得?
5/5有約左幾個網友行山, 嚟行吓山啦!
https://www.longrun.hk/forum/viewthread.php?tid=4799&extra=page%3D1

[ 本帖最後由 叮叮噹 於 2009-4-28 00:48 編輯 ]

叮叮噹

原帖由 schnix 於 2009-5-29 23:53 發表

                               
登錄/註冊後可看大圖

今日做第3次物理治療, PHYSIO 話, 如果唔痛就唔使再黎啦
其實兩次之後已經好左唔少, 筋發炎既兩個位, 電完好D 啦. 之前發力軟軟咁, 行路又怪怪地既感覺, 已經走左7788 啦 終於感覺到自己對腳開始回復正 ...

好消息咪好囉!
咪心急喎! 聽醫師話拉筋, 同練番啲肌肉, 慢慢先跑.
希望妳好快完全康復復出, 可以係跑道上自由奔跑.

叮叮噹

原帖由 schnix 於 2009-6-25 21:19 發表

                               
登錄/註冊後可看大圖

cookie同dee 兄, 我會忍一下啦, 又要再提醒自己, 先長, 後強

去年哩個時間, 我一個week 只跑一次, 最怕熱...
現在覺得, 可以跑已經好開心啦, 熱就熱啦, 唔理咁多
尋日跑完之後, 今日只係肌肉酸痛, 感到 ...

天氣熱, 跑步特別辛苦, 聽Schnix同花子咁講.......
咁又係真.......有得跑步係福氣, 冇得跑更辛苦.
支持你地, 早日康復, 期待一齊跑步.

叮叮噹

原帖由 schnix 於 2009-7-6 22:17 發表

                               
登錄/註冊後可看大圖

6/7 >> 800m+ 基本功(踢腿x10) + 400mx15 target 2'15"@400m(2'17"/2'13"/2'14"/2'16"/2'16"/2'18"/2'15"/2'14"/2'18"/2'12"/2'14"/2'16"/2'18"/2'17"/2'19" - 34'05")+ 慢jog 200m (total 7k)

上星期三跑完之後, ...

Schnix,

剛剛好番, 唔好心急, 慢慢加啦!
長跑長有.

叮叮噹

星期六要早起, 星期五唔去晒草同大家跑+十吓十吓.只好等下次啦!

Schnix,
慢慢跑吓場同草地先, 做吓體能訓練, 等雙腳肌肉強化先去跑石屎地.
支持 支持再支持

叮叮噹

原帖由 schnix 於 2009-7-30 20:58 發表

                               
登錄/註冊後可看大圖

多謝叮叮噹... 其實我已經開始氣餒了
進入第5個月, 都無諗過咁耐都仲未好番, 已作最壞打算, 可能要SKIP 一季啦
現在只可STAY POSITIVE, 希望腳會快D 好啦

見妳傷勢反覆幾個月,冇得盡情當然唔好受啦!
氣餒一陣好囉! 我地支持妳, 等妳一齊跑番轉架!
忍耐, 忍耐, 再忍耐.......對腳係用一世, 如果skip一季比賽, 好番先跑妳會跑得開心放心盡情.

我剛剛感冒左兩個星期, 個人好唔舒服 ,睡眠唱歌講嘢都唔舒服, 跑步又提不起勁.
星期三見感冒終於清左, 去運動場補左一課2次未完成8k Farlek功課, 跑完喘氣果刻好滿足.
星期四去唱歌, 冇咳冇鼻水冇頭痛, 把聲好似響亮清脆左, 唱得好暢快好開心.

相信當妳休息左幾個月, 康復復跑之日, 更享受跑步樂趣, 盡力去達成一個又一個目標.
最重要係更愛惜身體, 珍惜跑步/比賽的機會.

叮叮噹

原帖由 schnix 於 2009-8-13 22:33 發表

                               
登錄/註冊後可看大圖

好多謝cat ctse, 肥哥哥, wingwing 同奇奇既鼓勵, 暫時東區10K 都未敢諗住, 上咁多山路, 就算好番都唔會即刻去試, 君子報仇, 10年未晚
針完第二日, 腳鬆左好多啦, 感覺仲鬆過無事個隻腳今日買左對平 ...

加油! 針多幾次, 好快好番架!

叮叮噹

原帖由 亞平 於 2009-9-24 10:22 發表

                               
登錄/註冊後可看大圖

屯門鄧記常開,師組入來玩下啦..

星期一晚入

叮叮噹

恭喜Schnix康復復出, 快慢唔緊要, 至緊要身體冇事先可以長跑長有.
唔好心急喎! 強化體能, 改好跑姿, 慢慢跑加距離, 完全康復才好加速度跑.

叮叮噹

原帖由 schnix 於 2009-11-14 21:57 發表

                               
登錄/註冊後可看大圖

哩幾日都幾辛苦, 好彩今日跑跑下個鼻無咁塞.. 下午又去再睇中醫, d $$$ 無晒啦
現在10k target 55'= 5'30' 1k
半馬target 5'45" 1k
今年skip 左練速度, 都唔望10k 會跑得快啦, 反而比去年早左一個月練 ...

加油啊！
我今年睇中醫＄＄＄足夠買幾對跑鞋啦！
冇計，跑步＋睇中醫＝急不得＋耐力＋堅持
希望打好個底，身體好已經係冇價寶．