|
|
2009.10.1 大美督國慶10公里
大美督國慶10公里, 差唔多年年例必參加既比賽, 今年唔例外, 仲有好多新面孔, 7點多係屋企出發, 係巴士站撞見胞妹, 所以一齊坐車內去, 胞妹間唔中都有玩下比賽, 都係Keep Fit減肥為目標, 入到大美督就撞到好多熟口熟面既跑友, CU Sir, ee C妹, 街坊鄭C兄...行到上停機坪已經見到長跑網Banner高掛, 原來Alfred兄, 倫皇等已到... 天氣都幾OK, 早一兩日仲倒狗屎咁落雨, 當日只係陰陰天, 還有些少涼風, 馬上更衣熱身, 8:10 左右跑友們開始於起步點排隊, 見到Leung兄, 根根, 長跑兄弟班CYW及LaCo陸續上線, 我就同7兄排排企, 右面仲見到白C兄添, 起步冇幾耐, 一直都跟住第2梯隊, 見白C兄及7兄早早係前面走, 然而步速有點快, 要顧及有足夠體力跑畢全程, 唯有放慢腳步, 其間蔡兄亦步亦趨咁追上, 仲有好一陣冇見既戰友輝哥, 輝哥與上次汀九國慶跑既景民兄一樣, 都係同組既C兄, 大家跑既時間差不多, 如果全程大家都走差唔多位置, 咁証明自己狀態唔會差太遠, 不過今輝哥哥以高速走過, 只可以見到佢既尾燈, 同7兄白C兄既身影慢慢係眼前消失, 第一次跑過水霸尾, 嘩....7'33", 對現在既狀態黎講係相當快既時間, 第一次回程應覺一點也不輕鬆, 見瘋狂兄大聲叫加油, 個人精神左少少, 前面跟太前, 走到有點疲態盡露, 以唔錯既時間走左頭兩K, 換來既結果係魔鬼之呼喚, 辛苦...就停吧, 咁辛苦...快點停喇, 一路看著跑極都唔到的起點, 一面叫自己唔好放棄, 剛巧左手擦過左面跑之跑友的右手, 比賽時人多路窄, 好多時互有碰撞, 連忙說聲道歉, 喔...原來是Tommy C兄, 見到他走得不太自然, 後來賽後得悉是腹部氣痛, 怪不得跑起來不像在狀態中. 好不容易才跑過水霸半程, 又見零下十度C姐, 提示水霸路邊多碎石, 最好走近中線, 又一証明長跑網真係多明燈, 就算唔係比賽, 都有一位係你左近, 終於再跑返起點, 魔鬼又叫自己不如停下, 突然想起屯門鄧記C兄的名句, 盡快跑完把痛苦結束, 就係咁咬緊牙關再大步上前, 希望把痛苦盡快結束, 死死下再去到水霸尾, 再望錶...24'33"才完成首6K的路程, 相信之後既路絕對唔易, 往後開始入山路, 有些少上落斜, 而快腳們開始掉頭迎面跑來, 見Leung兄一路今次走得好前, 亦有餘勁, 應該走到相當唔錯之時間, 我亦不敢怠慢去到Check Point, 時間29'11", 這K也用了4'38", 回程時間不敢想像, 帶著疲累之身軀上斜, 步伐愈來愈慢, 氣喘聲不減, 根根再係身邊走過, 好野...用盡殘餘之力氣, 希望唔好被帶離, 再上返水霸餘下2K路程, 對比起上賽, 今次還有餘力, 沒有多餘的意志想其他, 一心跑得一步得一步, 終點愈來愈近, 相反其他跑友好像洩了氣的氣球, 我用盡了最後的氣力, 踏上終點的計時地毯, 時間41'33", 雖然未能達標, 但係鬥志返左黎喇 |
|
樓主
Gills Ching,
....狀態都係得六成左右, 睇黎9.27都係玩下當熱身賽喇
)
