安安日記~~我會乖,唔會再係馬房賴尿啦P.7~~

上水馬王

唉...唔好意思，前排又忙，近排又病，無乜心情update安安既生活情況

不如由安安晌我張床all尿講起.....

話說佢黎左馬房五、六日後的一個早上，聞到一陣陣的怪味，但又搵唔到源頭，直至準備拎d床單去洗的時候，發現床尾濕晒....
我肯定係安安的傑作，因為佢之前有一晚跳過圍板去我間房，二二係無咁好彈跳力跳得過的
之前佢已經晌廚房及我阿妹書桌上all過，我都無打佢，不過今次晌我度霸地盤就一定要教訓下佢
我捉佢到尿尿位置等佢聞一聞然後就打佢屎忽，打左佢兩下大力既，然後就好驚咁逃離現場
佢縮左我間房d暗角位，咁我就拉佢出黎，點知越拉就越反抗，仲慘叫....佢睇黎好驚，我養過兩隻貓就算比我打都唔會好似佢會驚成咁樣，我估佢應該比上手主人虐待過
突然間.....臭到暈......原來佢賴左屎！我估佢係驚到賴屎.....我的天呀....仲要係晌我間房度！ 晨咁早就整bat杰野比我！
想清潔都清理唔到，根本就拉唔到佢出暗角，一掂佢就發晒癲，惟有等佢自已走出黎
朝早自己都要開工，無可能坐足一日等佢出黎，收工後至有時間去處理，即係堆屎晌我房臭足成日！

果日整日都唔開心，因為唔知點樣可以教好佢，屎尿教唔好既話會好難養，都有諗過即日買個貓龐困住佢黎養，不過睇過元朗及上水好多間寵物店都揀唔岩，打算到第二日假期出旺角搵.......好彩到第二日打左個電話比catcat！ 佢叫我試下換另一種貓沙試下，因為可能佢未適應我用開過種。 咁我就將新舊兩種唔同既貓沙溝埋用......用左兩、三日，廚房的確再無貓尿，其它地方都無，果然有效！ 就係咁樣，呢個"辣手"問題就解決了。

同安安生活左兩個幾星期，有唔開心亦都有開心，講住咁多先...

上水馬王

兩位大爺的近照...

登錄/註冊後可看大圖

上水馬王

登錄/註冊後可看大圖

上水馬王

登錄/註冊後可看大圖

上水馬王

原帖由 龜速行 於 2009-4-29 23:52 發表

                               
登錄/註冊後可看大圖

多謝東周記者幫忙報導 X 2

馬王 c hing

兩位大爺真正的好............大爺ar

見到好開心!!!!

速行兄，湊左呢兩隻"小朋友"後，真係令我諗左好多問題，原本"父母"唔易做呀......安安仲要係頗童&問題少年...

[ 本帖最後由 上水馬王 於 2009-4-30 00:04 編輯 ]

上水馬王

謝謝各位對安安的關注，我會再花多d心思去教好佢架勒

琴晚安安又鼠左入我房，繼上次all尿果次之後第一次
不過今次佢無整估我，仲晌隔離d被褥上訓著左(前兩晚鼠左我阿媽張床)，我諗佢會乖架勒

上水馬王

原帖由 angkso 於 2009-5-12 13:20 發表

                               
登錄/註冊後可看大圖

馬王兄，
安安近況如何？乖Ｄ嗎？和二二相處好嗎？二二都很覩喎。

angkso師兄，二二和安安相處日見熟落，有時候佢地會互相聞對方的尾巴
不過有時候安安過度活躍跳來跳去的時候，會突然去侵犯二二，我見到既話會用拖鞋擲佢

安安正一口水佬，懶到成身濕晒，見佢成隻濕水狗咁樣，而家個身仲好臭，等weekend會同佢洗白白，到時會postd相上黎
由於佢成日懶到d毛一舊舊，所以每晚我都會幫佢疏毛，睇佢個樣十分enjoy

唔知貓公係咪特別大食，安安每次都好快食晒.....二二又唔會同佢爭食的，因為佢地識得食番各自各的貓糧
而家仲係比緊果緊獸醫貓糧安安食，不過見佢腸胃無事，所以個量減少左好多，加番普通的貓糧兩溝咁樣比佢食，其它味道既佢都接受得到，sue師姐之前請佢食果包都食晒
係呀，二二其實都好靚女架，眼大大又聽話，係發情時成日叫就吵耳d囉