|
原帖由 wlau 於 2009-11-29 11:35 發表
d 理數牌都亂晒大籠...
3k 到4k 都唔知有無400米, 但4k 到5k... 又有成差不多1600 米(以我平時跑10k 既均速來計)......
之後6到7k 又好似正常, 但7到8k 又多左我既均速一半... 但8到9k, 9到10k 又正常番....
攪到 ...
我完全見唔到4K里數牌......
另外, 我坐6點鐘灣仔專車, 個巴士司機好似唔識路, 明明入左廸士尼又唔知點解兜返出去向東涌方向行, 走左一大段路先掉頭.
好在有位交通警揸電單車開路.
可能呢個係我人生第1個長跑比賽, 緊張驚唔知醒, 所以昨晚訓得好差, 肌肉好"崩緊", 拉筋都好似無咩用.
又懵下懵下唔記得除件內衣, 加埋外面既網衫(T恤), 著2件衫跑未到3K已開始感覺熱.
未到10K折返點已經有長跑網既半馬ching係對面線返黎......
由於前面被人帶快左, 到後面係咁被人過, 平時練習留力在最後1K爆, 都係唔快得好多.
最後以52:00完成10k(手計時間), 真係唔抽筋都算好彩.
臨走前係廸士尼港鐵站, 見到兩位跑半馬的長跑網師兄寒喧了幾句, 其中一位有"賽王"之稱, 但我之後有事, 又要上training(渣馬訓練初班), 都要先行告退了.
下午渣馬訓練初班, 又要跑1.6km + 6X35m來回折返跑測體能, 看來要申請免役, 最多後補番d data畀佢. |
|