今日終於"的"起心肝跑步減肥,但係真係跑得唔多..

allanccl

DR_Dre師兄，閣下根本就係節緊食黎減肥，這個係小弟最反對的，這個方法係唔得架，好容易反彈不但止，搞得唔好仲會厭食，會死人的。
小弟大約兩年前(2007年7月15日)開始減肥(當時160磅)，開始時只是急步行30mins以上(速度係會令你氣羅氣喘週身汗個種)，食量不變，只係自己煮，唔食任何脂肪(包括動物、植物、飽和、不飽和、反式脂肪)，唔食甜。用左兩個半月，減左30磅。
減左磅之後先至敢跑步，因為咁樣對腳無痛過，到而家我跑過五個馬拉松七、八個半馬，好多個10K，而家都係每日約跑一個鐘頭，完全無反彈，現時體重係125磅，BMI 21.6。

allanccl

原帖由 DR_Dre 於 2009-6-11 22:05 發表

                               
登錄/註冊後可看大圖

急步減30磅你很厲害..

好感謝咁多位的鼓勵!
看來真的要先減一減磅再跑..

另外想問一下,如果急步的話,日日跑也沒有問題吧?

小弟既意見係：唔好跑住，減番30磅先啦，你BMI over 32，咁重磅好易跑傷對腳，以後無得玩。
其實如果能夠每日急步行30-60分鐘，減肥效果好過快跑，只有超過30分鐘以上既帶氧運動先可以消脂，慢跑同埋急步行既效果一樣，快跑係消唔到脂的。記住頭果30分鐘係未到消脂階段的，所以想好似我咁減肥成功，最好能夠每日花一個鐘，行行下你覺得身輕左就會自動變慢跑，跟住變長跑架啦，唔好心急，對腳暫時負荷唔到你咁重既身體跑步的。

allanccl

原帖由 DR_Dre 於 2009-6-11 22:28 發表

                               
登錄/註冊後可看大圖

OK,好感謝你咁有耐心指導

唔好客氣，因為我覺得減肥一d都唔難，好想閣下都能成功，擁有健康，長跑長有!
仲未歡迎你加入長跑網大家庭添。
歡迎你! 祝你長跑長友!
記住多d入黎跑步減肥討論區，講下你既進展同難題，等我地互相勉勵。個減肥龍虎榜將會係你架啦!

allanccl

原帖由 rovertse 於 2009-6-12 03:54 發表

                               
登錄/註冊後可看大圖

我最初跑步時都有成180幾磅. 同事叫我跑步減, 我好驚自己好重, 隻腳會頂唔順. 但都係去左試, 最初跑時真係好辛苦, 仲慢過龜, 阿婆都跑得快過我. 但我同自己講, 你比我減多60磅時我就快過你啦  !於是我晚晚十點落街跑, 有時返晏仲會12點幾去跑. 一次跑40分鐘左右, 跑慢D, 就唔會喘氣架啦, 速度約係比快行快少少, UN下UN下.過左幾個月就瘦左30磅啦, 而速度都快左, 40分鐘的路程30分鐘就完成左啦, 約4公里, 最初跑得辛苦時, 我會唸主禱文, 求神比D力量我.宜家我一星期keep住跑3,4晚, 每次8-10公里左右. 瘦得慢左, 但個人健康左好多, 開始挑戰下長D的路, 你都加油, 唔好太急,食野正常3餐, 千祈唔好食零食. 記得唔好食太少, 因為要食左野先有力跑, 即係以脂滅脂! 好似講到好勁咁tim!

非常同意，其實你開頭既慢跑，等如我們的急步行，最重要係一定要超過30分鐘之後才消脂的。

allanccl

原帖由 DR_Dre 於 2009-6-13 00:02 發表

                               
登錄/註冊後可看大圖

岩岩頭先落左去試下急步...
唔知我咪我既"急步"太慢...
運動完返黎,磅一磅,完全無輕過
但出左好多汗,但喘氣就無咁勁...
係咪我急步唔夠快呢...

如果運動完之後磅重，即刻輕幾磅，失去果d唔係脂肪，係水份黎架，所以唔好咁心急，注意飲食，無咁喘就好囉，咁可以行耐d，因為30分鐘以後先開始消脂。
小弟通常跑前磅重，如果跑後磅，我試過輕3-5磅，但係一飲番足夠既水份後，打回原形。

allanccl

原帖由 DR_Dre 於 2009-6-13 12:09 發表

                               
登錄/註冊後可看大圖

不是.我怕我急步唔正確,咁咪浪費左整整成個鐘
一諗到咁又灰左D

DR_Dre師兄，急步無話正唔正確的，要幾快---無答案，等如有d人既慢跑係一小時10K，有d人既慢跑係一小時5K，無準則的，最重要係師兄你急行得黎唔好喘到透唔到氣，更重要既係保護對腳。
我以前有個女同事，佢生過BB，個仔幾歲了，佢依然未收肚，也是用行路減肥，佢唔係行得好急，無跑(佢話驚跑步小腿變粗)，每日行兩個鐘，兩個幾月後，fit到判若兩人。
師兄比d恆心，一定得既!
每日量體重，並用簿仔記低，三個月後比較，咁你就好開心架啦!
祝你減肥成功!

allanccl

原帖由 rovertse 於 2009-6-18 23:18 發表

                               
登錄/註冊後可看大圖

比ching你知道左我個惡習，黎緊都係要戒夜訓啦。

ee_tpk 也是ctse黎架，唔係ching。

allanccl

原帖由 DR_Dre 於 2009-8-15 16:57 發表

                               
登錄/註冊後可看大圖

對上一次留言都成個月,Update下先

依家終於去到176~178磅

雖然跑既距離愈黎愈長,持續時間就跑到40分鐘...但係就依然跑得好慢
真係超慢果隻,跑果時條腰感覺特別重同有d痛,搞到個人跑到成隻"死狗"咁..
...

首先要贊下閣下既成績，繼續努力! 加油! 成功在望了!
跑果時條腰感覺特別重同有d痛，咁就要小心，唔好弄傷，可能條腰扭得犀利得滯。