|
原帖由 schnix 於 2009-7-7 22:26 發表
我應該係個排做後蹬既動作做得太多 (比賽+體能動作), 加上拉筋拉錯位, 休左個幾月都係差不多, 就去睇醫生, 之後物理治療, 現在每晚臨訓前都拉hamstring 10-15mins...上個月開始慢跑, 由傷到而家3個月多D, 恢復過 ...
計落都做過好多唔同既治療囉。起先係睇跌打,點知越整越衰,跟手就去睇骨科。果時醫生已經話呢種傷係要等佢自己復完,咩治療都唔會有顯注效果,多拉筋同適量運動係唯一恢復既方法。不過話就咁話,個心一直想快d好,於是都繼續有試搵其他方法醫下,諸如物理治療,針灸,推拿都試過,可惜真係俾醫生講中,全部都冇乜效。
大約兩個月前開始有慢跑下,一星期兩三次左右。發力都可以做到,不過捱唔夠十分鐘patpat位同膝頭後面就會扯得好緊,隻腳開始跨唔倒出去咁。若果再死頂,之前覺得緊果d位就會好唔客氣咁痛起上黎,令我冇辦法唔收慢。不過慢慢跑(大約8-9mins/k咁上下)就冇呢d感覺。另小弟蹬直隻腳果陣,會覺得膝頭後面條筋有野卡住卡住咁,好鬼唔舒服,唔知ctse(?)有冇d咁情況呢? |
|