豆豆媽之瘦身日誌

豆豆媽

SUESUE : 你慢慢等啦 呢日總會出現....可能係2019年.........
billy : 我果日早餐食左超巨大熱狗, 5:30pm又食左雞尾包同埋磨菇雞包 原來食多d真係可以跑多d

豆豆媽

青山公路汀九段 -8k

原來我有一 個月無跑步啦, 尋晚跑返都驚頂唔住, 諗住咁耐無跑跑6k就算, 點知唔覺唔覺又跑到汀九橋底, 今次仲跑多過上次幾百米tim 橋底4K位置拉筋3分鐘同飲水, 之後就回程啦, 時間應該快過上次2分鐘

不過事前熱身不足......無做到踢腿......因為覺得o係街咁做好肉酸 攪到而家寬關節都有少少痛

我而家都心大心細報唔報渣打10K, 但跑完我實影唔到相 .....我又好想影相喎, 點算好



瘦身紀錄 :
無起跌...一個月之內已食左3餐大閘蟹, 無重到已經偷笑

豆豆媽

我仲係十五十六 跑完再去影相.....第二日又返唔到工架啦

豆豆媽

錦上路 - 6.6K

                               
登錄/註冊後可看大圖

放工買左2個包上巴士食, 返到屋企飲左幾啖水, 餵完狗狗就換衫出發啦!
先跑唔夠1K, 再做下拉筋(今次又唔記得踢腿....)之後飲啖水就起跑....今晚沿途都唔見有其他人跑, 但我平時明明見好多人跑呢條路架喎...跑到去好多山墳果段錦河路, 部MP3突然無左聲........ 本來想停低攪攪佢.....但我一方面又好驚, 都係唔好停啦......於是就繼續跑......之後既路無左歌聲陪伴住, 剩係得返我D唉唉聲, 腰樽水聲同埋我既腳步聲.........我感到千分無助....萬分孤寂.....
本想跑到錦田公路4K位置先掉頭, 但無左音樂俾我既動力, 我雙腳又開始提唔起, 終於都係決定3K多D位置掉頭...
回程我唔敢經錦河路啦, 都係跑返錦上路返屋企算啦

跑後感:
今次跑唔到8K有D失望tim, 今日下午已報左渣打10K, 照而家呢個進度, 未必可以達到我既目標啦!

無聊事件2則:


1.我跑到差唔多掉頭既位置, 見到有架車, 遠睇係無人既, 但當我跑到距離約10米, 就見到突然有2個人o係車前排彈起身.....當我望入車, 見佢地好入神咁扮睇地圖
2. 由於尋日我染左髮, 今日我流既汗.....就有染髮劑既顏色.....我後頸同額頭.....都流住紅色既汗

瘦身紀錄:
輕左2磅, 我開始發覺我跑唔跑同我既重量好似無咩關係......



[ 本帖最後由 豆豆媽 於 2009-10-21 23:23 編輯 ]

豆豆媽

我既目標....係達到理想既磅數.....
同埋快過上年最少15分鐘 因為上年我行都行左4-5k
努力!!!!加油!!!!!
跑完仲要同你影相

豆豆媽

原帖由 亞平 於 2009-10-23 22:05 發表

                               
登錄/註冊後可看大圖

Parco爸,你唔岩啦,唔陪豆媽跑,自己去左走青公....我鄙視你!

你地2個成日走青公, 唔通有靚女

豆豆媽

錦上路 - 8k

                               
登錄/註冊後可看大圖

經過上次之後, 我以後都唔敢一個人夜跑錦河路啦, 於是今次就走錦上路 <-->坳頭中石化油站
我o係公司已經計劃好一定要走8K, 唔理用幾多時間, 最緊要完成到
一如以往頭2K係最辛苦既, 過左2K之後開始舒服D
去到4K位置, 稍作休息飲水, 望望電話個計時 : 31分鐘 心諗唔知有無機60分鐘內完成到8K呢 於是就立刻回程啦
回程個速度比較平均(平均較慢 )但希望可以KEEP住呢個穩定既速度
到剩返最後2K, 突然有個念頭 : 唔知我而家用盡我既氣力, 個時間會係點呢?
於是我就用我僅有既力量, 幻想自己追緊尾班車.......
到終點啦, 望望電話 : 01:00:54 比平時跑青公8K快左都幾多呀
而我渣打既目標係70分鐘, 我真係希望可以達到呀

豆豆媽

尋晚臨出發前都有o係屋企做踢腿, 每踢一次個寬關節位都"格格"聲 但今次跑完又真係無平時咁痛....
但今次輪到膝頭哥痛, 典算? 跑後要做咩動作先可以減少痛楚呢?

柏高爸, 曲奇, suesue, 我會加油架啦, 希望keep到唔退步已好滿足
ee....60真係未必得......如果得.......我一定會買份大禮物獎勵自己

豆豆媽

原帖由 花子阿DEE 於 2009-11-5 10:08 發表

                               
登錄/註冊後可看大圖

豆媽,如果膝頭痛就跑慢少少,用膝帶都幾好,但唔痛就唔好用,D 人話用得多依賴左唔好,事後痛就敷冰啦,冰火效果更好,小心護理膝頭呀,少痛好多人都有,嚴重左就煩~~" />" />hjkghj

下次試下敷冰先, 唔該晒花子

豆豆媽

原帖由 Kevinleung 於 2009-11-11 17:05 發表

                               
登錄/註冊後可看大圖

Hi! 路過 , 加油呀!

你終於來了 聽講你報左全馬喎

豆豆媽

錦河路 4k x 2

                               
登錄/註冊後可看大圖

好耐未試過跑呢條路, 因為次次都好邪 今次難得柏高爸話陪我跑, 我先揀返呢條路, 但男人都係信唔過 唔夠一分鐘就放甩我, 攪到最後都係得返我一個人跑 好彩今次部MP3無事, 唔係實嚇死
今日都幾凍, 天文台話17度, 但我呢度應該得14度, 我跑左4K到折返點都無出一滴汗 到4K位置拉拉筋, 飲左啖水, 睇睇時間, 快過上次喎, 29分幾咋 之後又想睇下破唔破到上次既時間, 不過回程比較辛苦, 因為呢條路係去程落斜, 回程上斜, 仲等我頭先落斜衝得咁開心, 回程都係要受返
到終點即係睇時間......01:01:32 比上次慢左1分鐘, 不過呢條道多上落斜, 所以我覺得係KEEP到, 無慢到既


瘦身紀錄 :
呢一個月來體重都無起跌, 而因為天氣凍左, 食多左野, 我而家仲要食返飯TIM

豆豆媽

原帖由 sleung2002hk 於 2009-11-22 21:59 發表

                               
登錄/註冊後可看大圖

哈哈~~返屋企有冇罰佢頂啖冠XDD

罰佢o係天台食風

豆豆媽

錦河路 4k x 2

今晚又係孤身上路, 又係走返果條路, 不過今日明顯係熱左同濕左, 頭2k 已覺得好唔舒服, 打算走4k就算, 但走下走下又走左8k返黎.......
時間慢左2分鐘 要繼續努力啦, 唔係渣打就做唔到70內架啦

今日走完無特別好累同埋痛, 可以前幾日d痛仲未消除, 所以好似無乜感覺咁囉, 原來走密d係咁重要架

豆豆媽

錦上路 8K - 28-11-09

仲係過唔到60大關 ....繼續努力

豆豆媽

錦上路 8K - 25-12-09

今日柏高爸第一次陪我跑, 頭4k 俾佢帶到我28'35"18, 比平時自己跑快左最少3分鐘 休息左59秒, 再繼續..
回程佢係咁想帶快我, 但我有心無力 終點按錶 1:00'13, 都係多左13秒

豆豆媽

錦上路 8K - 1-1-2010

4K去程 27'28"
4K回程  28'06"


總時間55'34

無啦啦快左5分鐘 , 我就快要升呢跑10k啦

豆豆媽

原帖由 blurmax 於 2010-1-2 11:41 發表

                               
登錄/註冊後可看大圖

Add oil - you can do it!

http://blur2020.blogspot.com

thanks! 渣打10K 65分鐘信心又大左啦