寒酸東亞運半馬

花子阿DEE

我都o岩o岩睇到,兜圈賽?邊有癮架,不如直頭唔好出街跑52.75 個圈算啦~~


政情：跑半馬來回兜圈東亞運又甩轆

本文重點

• 運動員恐影響表現

由香港主辦嘅東亞運動會，未開幕已接連爆出負面消息，首先有健美比賽項目因種種原因被迫臨時抽起，之後又有火炬傳送風波同田徑賽場豆腐渣工程疑雲。最近又有東亞運義工向我哋投訴，話一般安排喺大路上舉行嘅半馬拉松賽（俗稱半馬），竟然變咗喺條縮水馬路上來回兜圈跑，再一次甩轆。有議員直斥呢個係國際笑話，亦有選手擔心有關安排影響佢哋嘅表現。如果我係買咗飛睇比賽嘅市民，肯定會要求當局回水！
唔少香港市民都有喺電視睇過、甚至親身落場跑過馬拉松或半馬拉松賽，一般都會喺啲公路上起步同進行，到臨尾先至進入運動場跑多個圈作最後衝線，不過今次東亞運動會嘅半馬拉松賽，就好罕有咁安排咗喺早前爆出豆腐渣工程疑雲嘅將軍澳運動場起步，然後走出場外嘅一段馬路，好似啲小學生玩擲豆袋咁，前後來回兜圈跑足八次，最後再翻兜番入運動場兜多個圈衝線。
運動員恐影響表現一直關注東亞運籌備工作嘅立法會議員陳淑莊（Tanya），就直斥有關安排係國際笑話，話啲選手肯定轉彎轉到頭暈，影響比賽表現，如果因而受傷，香港就更加孭唔起。佢唔明白大會點解會咁樣安排，唯一解釋係當局規劃失當，晨早定咗喺將軍澳運動場作賽，之後發覺當地一封路就會引發大塞車，最後鬧出天大笑話。
將會參加有關賽事嘅香港半馬拉松及十五公里跑紀錄保持者陳家豪，尋日向我哋證實有關安排。佢話今次場地同以往不同，多咗U Turn轉彎位，佢要考慮喺彎位如何減速，將影響減到最低，惟有預早喺下月去現場訓練同熟習環境。佢又有啲阿Ｑ話，由於比賽集中喺同一段路來回進行，希望到時啲市民喺沿途打氣都會集中啲，比賽氣氛熱烈啲喇！
我哋就此問過東亞運公司，對方話有關路線係經該公司同政府部門多次磋商後決定，並得到香港業餘田徑總會認可，又強調國際長跑例冇規定賽道唔可以兜圈或最多只可兜幾多個圈，唔會影響跑手表現，但就冇解釋點解作出咁荒謬安排。我哋之後再追問田總，田總叫我哋問番東亞運公司。東亞運籌委會主席霍震霆更加好似完全唔知情。總之大家互相推卸，冇人夠膽企出嚟孭鑊解畫。

花子阿DEE

原帖由 saki 於 2009-9-9 11:27 發表

                               
登錄/註冊後可看大圖

我想不只是政府不重視, 而是香港人根本不支持"運動"..................

呢單野值得去查究一下,提出呢條路線既人應該係為左方便籌備,但係所以項目都應該有專業人士去協辦,點解有關專業人士唔堅持呢??定係籌組既人士堅決唔接受專業意見呢?定係根本所有人都唔專業呢??

花子阿DEE

TKO 運動場係田徑既運動場館,地方唔可以轉,但我又唔係好信咁大個將軍澳封條路整條似樣D 既賽道都唔得,最多提前少少開始減低對市民既影響~~

天水圍天影路都係一條天水圍既主要公路啦,一年都封兩次俾大家比賽,元朗區議會仲有力過東亞運籌委會??不如搵西貢區議會幫幫手~~

花子阿DEE

原帖由 csrunner 於 2009-9-9 12:11 發表

                               
登錄/註冊後可看大圖

無論如何, 作為長跑界一份子, 我都會到場支持香港四位半馬代表 (陳家豪, 賴學恩, 李雪非, 范瑞萍).

另一個角度諗, 兜幾個圈就有多幾次機會同佢地打氣。 亦都可以俾政府同市民知, 呢項運動係有市民支持嘅。: ...

但係見到一班我地熟識既香港代表晌度兜圈,真係啼笑皆非~~

花子阿DEE

原帖由 TerrySze 於 2009-9-9 12:24 發表

                               
登錄/註冊後可看大圖

跑青公可以唔封路....好似430約跑個晚 !!

跑完我地招呼D 健兒去富鋒食飯飲啤酒又點話~~