|
08年10月6日 (一) 網友約跑 - 屯公夜賞慶重陽 (18K)
約7時到達荃碼,見已經有許多c兄和c姐到場熱身了(可惜ck,瘋兄和嬌妹事忙未能到場), 影過合照後,快組1915先跑,超快組1930才起跑,小弟當然係快組啦
是晚天氣一流,天朗氣清還有皓潔新月,能夠在這樣美好的環境同一班c兄c姐練長課,真是賞心樂事!
快組有nc,叮叮噹,redred和朋友,pwong,貓c兄,大隻,alex和ken等等,過了灣景轉上青公後隊形散開,alex,貓c兄和ken帶頭頗遠,小弟在中位,間唔中聽到好大聲的"拍拍拍拍拍"的腳步聲緊隨著,令小弟有點壓力....沿途清風送爽又有靚海景,真係一大享受,過了帝景不久,有位白衣跑手高速從後而上 (真係好高速),看背影和跑姿有點熟悉....白衣跑手在不遠處u turn,原來是米拿兄!打過招呼後又見到alex50499204,7兄,大圍和抄神仔後上.......之後感覺都係一個人在途上,到了小欖迴旋,條行人路真係好隱秘,分分鐘不小心就會上了屯公,過了迴旋後望到大隻企左係迴旋望下望下唔知望咩.........之後開始難捱的一段路,因為之後的路程好多上上落落暗斜,另外小弟以為好快會見到三聖,但係條路跑極都未到三聖.........至近黃金尾stanley和desmond以穩定的佳速拍住跑趕過了小弟,到此時雙腳好像已經好機械地走,沒太大的感覺.......捱下捱下終於到了三聖,Congratulation!
時間: 1:46 比上次4月屯公一夜情好dd
之後當然大伙兒去了安定晚飯吹水交流一下心得啦,樂哉!
10月里數: 34K
[ 本帖最後由 ram 於 2008-10-16 09:06 編輯 ] |
|