大家好..我係新黎ge減肥人士~@@

amyxb

我岩岩開始跑步減肥..以前有食過幾次藥- -" 但都冇乜效果..有食過代餐..但因為太貴停左冇食又肥返><
我已經盡量唔食零食..食少左都冇減到磅..
最後忍唔住又食返但又冇重喎..可能因為唔係食好多..
發現冇野係不勞而獲所以決心去跑步..

我重57kg..只高152cm- -" 但我今年已經19歲la!
我想減到45kg >< 我由細到大都係肥妹仔..聽到自己都唔開心..
但一個好大ge問題..我而家o係澳洲讀書..菜都貴過人..
我都唔知可以食咩黎減..唔食野我又會好易見暈..
而家我通常早餐係2-3面麥方包加花生醬同煉奶..再加一杯牛奶(都係light or 99% fat free)
午餐係自己帶飯..有d肉有d菜咁..
晚餐都好求其..公仔麵..米粉or通粉..然後加隻蛋..栗米粒同餐肉..有時有d菜..
但我有時都好為食..會食下零食..又會同朋友出下街食飯咁..

而家我幾乎日日都去跑步大約一個鐘..係黎m同放學晏先冇去跑..
因為澳洲好快天黑..天黑左自己出去就好危險..

唔知各位可唔可以比d意見我呢? thanks a lots!!

[ 本帖最後由 amyxb 於 2010-6-13 13:30 編輯 ]

麥麥

樓主唔好淨係著眼體重,體重本身反映唔到真正問題..
1000kg棉花同1000kg鋼鐵都係一樣重量,但體積就唔一樣喇...
你既問題唔係肥,57kg152cm唔可以講係肥,只不過好大可能係身型唔fit姐..減食減到咁樣,你娘親一定好心傷咯..
況且你咁減食法,身體就算減左磅,都一定唔靘..而且會好似果d營養不良的怪型..
活得快樂,人自然就美...
請珍惜生命,多做自己喜愛的運動,切勿盲目追求...etc
p.s你想身型好..係澳洲當然係多d游水啦..

[ 本帖最後由 麥麥 於 2010-6-15 16:50 編輯 ]

amyxb

其實我本身係好動鍾意郁ge人..但又唔想因為一個去打波o個d所以去跑步~
我媽媽都話我太肥叫我去減..因為我ge bmi都係過重><
我其實都冇減食ga..我只係盡量唔食肥膩野姐..
因為我食量唔大..所以咁樣對我黎講係岩岩好ga!
其實我都想去游水..但我唔識游..加上而家澳洲係冬天~- -"

麥麥

樓主+油...唔洗-食啦...跑步,油水...做尖..魚+...拍拖,結婚,生仔..

eeskc

amyxb ctse,
請問你以前有冇試過成功減肥？
你可以用番以往有效的方法，
因為每個人的體質唔同，
只有你自己才知道什麼方法適合你，對你最有效。
如果你唔知道，你最起碼知道你食乜野會肥，
你咪唔好食果樣囉。

其實你每次跑一個鐘步，
應該冇理由減唔到，
假設你一個月跑到20日，每次跑一個鐘步，
最少減到0.5磅，一個月應該可以減到10磅，
問題可能係你跑步中途停得太多，
你可以考慮穿多件衫跑步，焗下汗，
效果會好啲，不過記得跑之前要飲多啲水。

如果你運動冇問題，咁一定你飲食出問題。
我睇你個飲食餐單就知你有問題︰
1. 早餐要走花生醬同煉奶
2. 午餐帶飯應該你多多菜有d肉有d飯咁就o岩啦
   (記住要盡量唔食澱粉質，咁先會burn 到 fat)
3. 晚餐介公仔麵、介通粉，米粉、全可麥粉可以考慮
   不過一定要有菜，你記往你每餐最少用菜填飽你半邊肚，
   其餘最好係海鮮。
4. 零食要介朱古力、介所有糖果類，如果口癢，可以考慮吃水果當零食。
由此可見師姐飲食決心不足，你還有很大進步空間。