澳門銀河娱樂國際馬拉松

coolmanlai

大會已经公佈所有成绩 www.macaumarathon.com/zh/about_pr.php?type=M 今年只有4名男全馬和4名女半馬選手能夠達標得到獎金.男全馬少於2:25半馬1:10,女全馬少於2:44半馬1:35,整体時間都唔理想.除了天冷加上落雨關係,相信和大會早段賽道缺乏清楚指引有關,令部份跑手跑多冤枉路,我跑迷馬亦跟前領年輕跑手同受影響,因為我係跟住佢地跑嘅.多次被指跑錯路段,要來回折返,但當時有前領跑手詢問工作人員方向時卻得不到回覆.我早幾年都有跑迷馬,當時大會是全馬半馬迷馬一齊起步,亦出現分差路指引不清楚,令跑手跑多或跑少路.今年迷馬比全馬半馬遲15分鐘最後才出發,我心諗今次不會出錯啦!點知仲衰,跑跑下竟然會同全馬半馬跑手混在一起,最離奇係有一段路有一輛汽車從後而上,認真危險.其實一直以來最多人跑迷馬,大會早就應該揾單車手沿途帶路,跑手一個跟一個向前跑,咁就無出錯啦!有跑今日賽事嘅朋友,尤其係迷馬嘅師兄,不妨俾啲意見呀!

[ 本帖最後由 coolmanlai 於 2012-12-2 17:33 編輯 ]

hfcechan

我跑迷馬, 都以為自己跑錯, 周圍都係全馬及半馬跑者, 停係到想問人, 有兩個人係側邊, 唔似工作人員, 似跑手朋友的攝影者, 問佢哋, 佢哋話我可能跑錯咗, 我就跑番轉頭, 又覺得唔對路, 見到好多A同B組跑手, 等咗一陣, 先見到C組的人跑過, 就跟回他們再跑, 要再起跑, 已慢了好多, 我只是可能冇咗隻杯仔.  我提議前後都要掛號碼布及指示要清晰

coolmanlai

原帖由 hfcechan 於 2012-12-3 17:27 發表

                               
登錄/註冊後可看大圖

我跑迷馬, 都以為自己跑錯, 周圍都係全馬及半馬跑者, 停係到想問人, 有兩個人係側邊, 唔似工作人員, 似跑手朋友的攝影者, 問佢哋, 佢哋話我可能跑錯咗, 我就跑番轉頭, 又覺得唔對路, 見到好多A同B ...

我2008-2010年都有跑迷馬,都有前後號碼布,沿途折返点大會工作人員會叫號碼以便紀錄,2011年我報了名沒有參賽,不知情況.今年落雨沿途少見工作人員,可能佢地驚淋病啦

hfcechan

初初跑住都覺得凍, 何況要企係度淋雨, 少工作人員, 可以理解, 今年比人鬧爆後, 希望下年會好D

coolmanlai

今日收到大會電郵,大會承諾全數頒發獎金給所有應得的運動員,亦會全數給予所有全馬半馬迷馬參賽者完成獎牌和証書.係就係遲咗啲,但都肯承認過失,有進步!