由跑步機跑至馬拉松

fatwoon

還記得自己參與渣打馬拉松是差不多是十多年前的事了.
那些年,自己還不曾參與跑步這運動,自己只不過是一個自僱的職業貨車司機,差不多是零運動的肥佬司機.自己的參與,只不過是幫大會運送物資往場地佈置吧了!每年,每次看著參與的運動員氣氛,自己深深的被吸引著,心裡告訴自己有機會真的要跑一次馬拉松,不是10公里,半馬,是一次42.175km的真正馬拉松!
這幾年,隨著自己職業上的轉變,終於有一個比較固定的作息時間,可以給與時間去參與運動了!自己就開始實行自己的夢想,向跑馬拉松進發.首先,自己走進一間名字加X的健身中心成為會員,開始在跑步機上跑出第一步!
在跑步機上跑了一年左右,自己和朋友就膽粗粗的報了第一個渣打半馬賽事,當然啦,自己是全無半分訓練計劃,只作為參與全馬的前哨戰,可幸亦完成了!
完成了第一個半馬賽事,朋友亦分道揚標的去參與跑會的訓練,自己還是留在健身中心的跑步機上,向下一年的全馬進發,經過一年來的鍛練,亦完成了人生中的第一個馬拉松賽事!那2年的跑步訓練中,除了參與賽事,全都是在跑步機上跑過.在那裡,我夠膽的說一句,自己是在那台跑步機上跑最耐時間的人!

nicolechung

C HING 加油! 我都曾經係一個零運動既女子, 好似你咁, 偶然見到跑手比賽有種莫名既感動, 之後自己就由跑步機開始->跑街->10K->半馬->全馬, 每次完成賽事都好興奮! 從始就停唔到落尼喇!

supersuperwawa

want to tell treadmill is strong

Etudiante

師兄很有恆心
請問跑步機,你大概用什麼速度去練習?
有試過在跑步機上跑一次全馬嗎?

fatwoon

Etudiante 發表於 2013-10-26 15:55
師兄很有恆心
請問跑步機,你大概用什麼速度去練習?
有試過在跑步機上跑一次全馬嗎? ...

10至12Km/h左右,最長個課應該係跑左2hrs45mins,大約28k

Pepe

個人認為跑步機練習絕對冇問題，但如果情況許可，跑出街不但可以體驗其他環境，亦冇咁單調。

longman

ChowChow

師兄的故事好似我, 可能好多人都係gym的跑步機起頭, 心肺勁能練好, 再慢慢加長距離
10km -> 半馬, 覺得ok再全馬

我由完全唔跑, 到參加10km用咗大半年, 由10km 到 全馬用咗7-8年, 唔係跑得好快, 但每次都開開心心順利完成, 第2日上得到, 落得到樓梯. 不過跑咗3-4年跑步機後我轉咗跑街, 肌肉力量強咗.

見到有啲朋友玩咗幾次10km就話挑戰全馬, 除咗祝福佢哋, 我都無乜可以做

Etudiante

我見大部份人用跑步機跑步,
都唔會將個Stop 夾夾係身,
其實好危險,萬一不幸體力不支暈低左,
好易整傷

Hennatalk

今天創出跑步機10K PB

fatwoon

師兄，加油

Ah_Wing

我都很多時跑跑步機，跑機有跑機的好處，不過我通常都是用來慢跑及長跑，跑街始終速度收放自如好多。

fatwoon

nicolechung 發表於 2013-10-29 17:05
C HING 加油! 我都曾經係一個零運動既女子, 好似你咁, 偶然見到跑手比賽有種莫名既感動, 之後自己就由跑步 ...

加油,唔好比佢停

fatwoon

Ah_Wing 發表於 2013-10-28 21:52
我都很多時跑跑步機，跑機有跑機的好處，不過我通常都是用來慢跑及長跑，跑街始終速度收放自如好多。 ...

天氣唔好的日子,都係一個好的選擇

Ah_Wing

一路跑一路睇戲會冇咁悶，可以跑好耐，不過要小心放置螢光幕位置，放唔啱位會睇到頸痛。（掛在牆上近天花果啲TV要抬頭睇係最差）