生日大project - 日本初馬好不好?

car666

是咁的, 小妹在幾個月前因為減肥而開始跑步,
現在仍然維持跑步的習慣, 同時亦有參加一些短距離的比賽。
我跑得不快 (pacing 大約6:40-7:00/KM), 不過很享受以自己 的速度完成賽事的感覺。
下一個規模較大的比賽亦只是渣打10K。
幾天前在這裡得知佐賀櫻花馬拉松會在我的生日舉行, 心想生日路跑旅行都是個不錯的主意。
本來只打算報10K志在參與就算, 不過日本的travel agency回覆現在只有全馬名額。
我從來都沒有跑全馬的概念, 不過見到完成時限有6.5小時,
如果這半年多加練習應該有望完跑, 而且人大一歲為自己創一個紀錄都是件很有意思的事。
但是10K都未跑過, 一向的跑程都只有5-8K, 一下子就想挑戰全馬感覺很不自量力…
實在是非常矛盾…….不知各位師兄師姐有何看法?
謝謝賜教!

shogikin

坊間有很多3個月全馬訓練計劃
所以現在開始訓練是有足夠時間的

但跟這些計劃要很有紀律
而且對於香港人來說,計劃後期越來越需要花大量時間在跑步上
如果有其他活動,工作的話,最好在初期完成

另外,歡迎參加逢星期四 馬鞍山運動場
You Can Shine 馬拉松新丁育成訓練計劃
https://www.longrun.hk/forum.php ... 497&fromuid=610

Kin in Running

光中跑者

Car666 cmun
基本上, 賀馬的馬拉松路段頗平坦, 上落起伏不大. 只要保持8.5分/公里 (7公里/小時), 一定可以在指定時間內完成. 雖然氣氛不及阪馬及東馬, 沿途提供的食物補及亦不及上兩隻馬多, 但大會沿途邀請多個樂團演奏, 市民也會在路旁向跑手打氣, 氣氛比渣馬好萬倍. 佐賀只是一個小城市, 頭十K 在市內跑, 之後便跑入郊外, 風景也相當怡人. 若天氣合適, 真的會沿途見到櫻花, 特別是最後5K的公園內. 可惜今年開花早, 跑時花期已過.

賀馬只是本土賽, 外國参賽者不多. 惟一不好的是安排外地參賽者在最後段起步, 可能會遲15分鐘始過起步點.
佐賀旅遊點不多, 跑步區隔鄰會有展銷會, 尚可一看. 若想數日旅遊, 便要安排往其他地區.

現在距賀馬仍有差不多半年, 認真一點的話, 操練全馬是充裕的. 最近一位ctse她的首馬也是在大阪完成的, 也是在六個半小時內完成.

所以我覺得妳值得認真考慮.

大文DaiMan

6.5小時咁多時間, 衰D講句"蘭Doh蘭到"

jyew

跑5 - 8k, 一下子就就挑戰全馬........目標set得難佐d喎......我提議妳係這半年內先跑一個半馬試試..
anway....努力...

Hennatalk

時間是可以的。但是要真的好好利用。盡力去完成練習的進。要有心理準備，要用很多時間，心機，體力。正如樓上師兄説，今晚去馬鞍山跟師兄硏究一下，哪種訓練適合你，你再評估自己可不可以完成再算。老實一點，依照你現在的狀况。要加倍努力才可以。不過，我鼓勵你不妨一試，人的潛能是激出來。何况，跑馬拉松，無論得失，都是不錯的經驗。

kktsui

試下無問題、当玩下、我在日本等尓。

run4ever

恭喜定你先，到時你仲可以一路跑一路唱生日歌，終點切蛋糕。

Pepe

試吓囉！最多是棄賽，唔洗死的。行吓Hea吓，冇話唔得！

car666

多謝大家的鼓勵！！！！
我會好好努力的。
現時逢二三都有跟running groups，大約跑8K
星期六早上有LCSD的長跑班
希望星期日可以嘗試一下長一點的距離／時間﹣由12K／1：15左右開始慢慢加上去
如果到月底進度／感覺良好的話就會報名。
因為我係港島人，加上年尾公司又比較忙，所以12月底前都應該趕不到You can shine的練習，
但是興趣絕對是有的
大家為我好好加油吧！

rockrose

加油！祝日本初馬成功！

ChowChow

我唔做好人, 坦白告訴你, 幾個月由10K未完成過上全馬同自殺有咩分別？ 一星期練習里數跑唔夠20km......得返幾個月, 重要忙......

長跑除非你天生骨格精奇, 否則你夾硬跑, 完成唔到之餘, 重好易受傷, 飛機都上唔到就煩.  唔只係8mins/km咁簡單, 係你要8mins/km x 42

希望唔好夾硬嚟, 有師兄講得啱, 跑隻半馬, 知道自己身體應唔應付到先, 俾一兩年時間自己, 長跑無速成, 傷咗就手尾長

jchip

我想跑長跑最重要是里數，既然決定唔追求速度，哪就慢慢試累積至一次過跑／行至32K以上，哪完成就不是問題了，老實說，完成海外初馬的感覺是筆默難以形容的。

jchip

自殺就真是言重了，跑馬拉松唔係咩神蹟／奇行，老實點，行出門口，試吓走二三十K，得就得，唔得就唔得。

JoJoYip

應該無問題。。。天氣涼有助短時間大幅增加距離
APPLE我身上，我一熱就會流勁多汗就會慢

不過長課真的很重要！加油

car666

大家的意見我都一一收到了。
只是很遺憾，前日老闆提起4月上海有個project可能要過去幫手，所以免得過唔好放大假
不過我絕對唔會放棄鍜錬架！！
我總會跑到我的初馬的。
今早係我的第一個長訓練，由柏架山道上大風坳轉大潭篤水塘，完成了第一個10K
之後沿路折返行返屋企。
以後的星期日都要好好加油呀！

car666

JoJoYip 發表於 2013-11-17 13:29
應該無問題。。。天氣涼有助短時間大幅增加距離
APPLE我身上，我一熱就會流勁多汗就會慢

Hahaha我都係呀！
夏天落雨我跑得舒服好多架

ah_teng

雖然家好似過咗廟（樓主唔駛趕練全馬），不過我以一個練習不足差啲墮馬（？）嘅過來人，想講聲：你的訓練如何，你的成果/ 下場也必如何。2013年11月17日，神戶馬拉松，是我的第二馬（初馬是今年東京），我跑咗7年，之前有幾次10公里同5次渣打半馬 （PB約2：12）。今年東京5小時15分完（其中13、14分浪費咗喺廁所）。夏天收操（主要在家做拉筋同肌力訓練、周末行山一次，跑一陣）9月開操，但遇上腰痛去睇脊醫，到10月先再開操（基本只得番六星期），一星期只有一短（8至9k）同一次長（最長那次25k），即係我一星期只有30k 左右，就諗住上神戶馬了。結果，我尋日到廿幾k 已經擔心完唔到，三十 k 之後完全用 “捱” 去形容，最後 net time 約係 5 小時10 分。我覺得自己如果有認真啲，應該好似東馬時覺得三十k 之後都仲有力去，而唔係好似今次咁，廿幾 k 已經懷疑自己要上回收車…… 我個人意見都會覺得先跑半馬，睇下係乜料先 （有啲賽道好似香港、有隧道有橋、神戶呢啲三十幾k 整兩次俾你上橋……）。係 ok 下次信心都大啲。加油！

car666

受教喇CHING!
點都好全馬完跑你都已經好利害架喇!!