激死, 午跑出師不利

Tabowly

今日有件激氣事....

話說我响鰂魚涌返工, 又因為有1.5小時午飯時間, 2012年10月開始, 我便開始了我的午跑, 因為鰂魚涌公園有足球場網球場, 所以也有個不錯的更衣室, 我可以沖埋涼先返工, 少少的都可以跑5,6,7KM的. 點知, 2013年2月尾開始, 女更衣室開始維修, 仲話要到11月才開. 大約6,7月時, 我去過看, 盼望更衣室可以早些開, 點知, 女更衣室的確完成了維修, 輪到男更衣室, 所以便讓了女更衣室給男人用 >.< 無奈地, 又要再等, 我總不能用不沖涼臭死我的同事吧!

上星期, 又去視察, 開了!!! 勁開心!! 於是便PLAN了今天開始我的午跑.

點知, 出師不利....維修後的更衣室連LOCKER都換埋, 不再是游池那些, 入個五元便可以用的LOCKER了, 而是要每次去場務處填FORM借鎖匙, 仲要對身份証. 因為我通常都唔會帶銀包落去跑步, 免得唔見嘛. 結果, 今日跑唔到.

1.5小時LUNCH, 話多唔多話少唔少, 連埋行過去, 換衫, 沖涼, 食個快飯, 其實大約只有50mins, "衝衝咁"去跑, 又"衝衝咁"回去返工, 仲要我搞咁多嘢, 真係麻煩到不得了.  今日第一次, 唔知道佢換了, 當然無帶身份証借key, 個職員死都唔肯寬容一次, 我話比張staff card佢keep住, 我一定會回來還key攞番張staff card, 死都唔肯. 我又問可唔可以比定幾張form我, 我每次填好落嚟, 唔洗晒時間, 又唔得. 咩都唔得. 我攞你啲form填定有乜問題, 你都係要攞身份証對架啦! 慳大家時間之嘛! 我都唔會填假嘢, 都唔明有咩問題. stubborn, stubborn, stubborn

乜政府唔係鼓勵人要勤做運動嗎?  咁趕, 我都响lunch time去做運動, 佢哋就搞咁多嘢去阻巿民用設施, 呢啲唔係鼓勵, 係防礙.

shogikin

不要緊,再接再厲,長跑長有!!

Kin in Running

kokyan_lam

其實場地office既靚姐同大哥都只係小職員, 唔話得事, 只好跟規舉做事, 別太介懷

tammytse

有興趣知道康文暑這個新安排和流程的原意，是否為了防止盜涉？（應該不是，因為賊人是不會登記的。）還是防止有人利用 locker 進行非常交易？

kokyan_lam

tammytse 發表於 2013-12-23 19:51
有興趣知道康文暑這個新安排和流程的原意，是否為了防止盜涉？（應該不是，因為賊人是不會登記的。）還是防 ...

我諗到有幾個

1. 可能真係想方便用家, $5都唔使帶
2. 因為form上記低左用家既電話#, 如有人遲遲未退locker或被盜, 可以方便聯絡
3. 防止有人一次使用多個locker

tammytse

kokyan_lam 發表於 2013-12-23 23:38
我諗到有幾個

1. 可能真係想方便用家, $5都唔使帶

這三個都有可能。其實小至儲物櫃的安排，如果當局能清楚解釋背後的原意，市民又覺得有道理的，便會得到更多支持。

Tabowly

kokyan_lam 發表於 2013-12-23 23:38
我諗到有幾個

1. 可能真係想方便用家, $5都唔使帶

我寧願帶$5都唔想帶身份証, 跌咗$5都只係$5同埋無得用. 跌咗身份証, 就要比番幾佰蚊去補領.