「 2014.3.16 元朗越野賽 2014 」賽後感

Glad222

平生第二次參加越野賽
以 PW 成績完成
比元旦長洲越野賽還要吃力
大棠山路加荃元古道雖然高低上落幅度不大
但上斜落斜的頻次太多
步幅及速度的控制要掌握到才好

小弟今次滑鐵盧
看來要練好上落斜
明年再來

vichui77

Glad222 發表於 2014-3-17 08:11
給大會的一些意見：

用晶片計時（找贊助 或 將盆菜洗費用於所有參賽者）

師兄的建議雖然非常好,
但對於這元朗越野賽而言, 上限只有600名參賽者, 實際到場應該沒有。使用晶片的平均成本會很高。
而主辦單位, 元朗長跑會, 每年只舉辦兩個小型賽事, 元朗越野賽及元朗區青年長跑賽, 都是相對小型的賽事, 當中青年長跑賽今年可能會因封路問題而辦不成。
不似其他主辦單位一年攪幾個賽事, 每個有過千人參與。
要找讚助極難!
再講, 每組前十名可以食盤菜, 是非常容易達標。大家有餐食其實更高興啦！

至於里數牌方面, 我玩開的山賽如樂善, 綠色力量等都是沒有里數牌的, 可以話係山賽特色。
指示牌細睇唔清楚可以理解, 亦有改善空間, 但即使再清晰如毅行者或樂善, 亦有機會走錯路,
真的像野外定向一樣須要向左看向右看, 呢d可以話係山賽的樂趣!
水站方面, 亦請大家支持環保, 自帶水樽, 減少留係山上的垃圾, 因為清理不似公路賽般簡單。

以上純個人意見, 分享我自己的睇法。

Glad222

給大會的一些意見：

用晶片計時（找贊助 或 將盆菜洗費用於所有參賽者）
提供尚餘里數 或 已完成里數 提示牌
增加標記，一些分义路沒有工作人員，標記又細又少，像野外定向要左看右看
早上報名不知有何意義？收據上若寫上跑手號碼便可以省去朝早這個工序
沿途未見救護站或救護人員，若有，請著制服
要增加水站數目，倘因地理環境局限，起跑前可派一支細水（有不少師兄自備樽裝水，高明）

Glad222

一定會參賽
不過要先練上落斜坡路

cmanho

先練上落樓梯

Glad222

cmanho 發表於 2014-3-19 12:36
先練上落樓梯

師兄，吃到盆菜沒有？

ht00272

Glad222 發表於 2014-3-17 08:11
給大會的一些意見：

用晶片計時（找贊助 或 將盆菜洗費用於所有參賽者）

越野賽個個比賽都唔同，好難講PB或PW.
另外呢個比賽有冇晶片計時都冇所謂啦！成績差一兩秒咁重要嗎？

cmanho

Glad222 發表於 2014-3-19 12:39
師兄，吃到盆菜沒有？

今年食塵~
要再努力操練~
下年再玩過~~

Glad222

ht00272 發表於 2014-3-19 13:14
越野賽個個比賽都唔同，好難講PB或PW.
另外呢個比賽有冇晶片計時都冇所謂啦！成績差一兩秒咁重要嗎？ ...

時間、名次、獎項對我而言絕不重要！
我追求的是每次都有進步，那怕是「腳步較上次穩當」、「呼吸較上次暢順」這類阿Q式的自我陶醉。這也是我繼續跑下去的動力。

至於晶片，可能習慣了過 check point 時一聲咇，現在回歸寂靜，反而欠了一點安全感。

Glad222

vichui77 發表於 2014-3-20 17:22
師兄的建議雖然非常好,
但對於這元朗越野賽而言, 上限只有600名參賽者, 實際到場應該沒有。使用晶片的平 ...

謝謝師兄賜教，從你的留言，我學到很多。

小弟對賽會並無半點不敬，一個地區組織總有其營運模式，但一個比賽辦得是否成功，要看每個細節能否照顧用家。恕我直言，愛吃盆菜不是愛跑人的終極目的吧！

我不熟悉賽會的內部運作，究竟盆菜的資金何來？鄉紳贊助（未見交代）、跑會主席捐贈（也未有説明）？
如果是由報名費支付或由主辦單位的常務經費支付，我則希望資源用於跑手的真正需要。
醫護人員、水站、路牌都是跑手的真正需要。
沿途我曾聽過不少跑手問工作人員尚有多少路程。

至於晶片，都是那個句子：凡事都要進步。賽事要辦得成功，主辦人就要想方設法，為明年的比賽增值。倘若人數少，平均成本高是原因，那些盆菜豈不是變成窒礙進步的元素？

我衷心感激大會的用心，沒有大會主事人的努力，我們也沒有起跑的機會！
我不反對盆菜歡宴（不論我有沒有機會參加），但醫護、水站、指示牌等等是不能少的（這些安排長洲越野賽可做得不錯）。

假如大家去過投票區，小弟的評分分析已道盡是次比賽的加分位在賽道特色及盆菜，扣分位在大會的安排。

一己之見而已，祝願元朗長跑會和所有師兄越跑越進步。

vichui77

Glad222 發表於 2014-3-20 22:35
謝謝師兄賜教，從你的留言，我學到很多。

小弟對賽會並無半點不敬，一個地區組織總有其營運模式，但一個 ...

我見師兄留言, 似乎少玩山賽, 所以有感而發講下自己感受而已.
事先聲明, 我不是元朗會的人, 但認識過幾位元朗會跑手.
元朗越野賽我亦未曾參加過, 我只講我參與過的山賽越野賽經驗.

其實無論山賽定路賽,辦得好與壞是很主觀的看法,
站在參賽者及舉辦者的角度已經好唔同.
参賽者當然留意到很多細節, 希望大會改善.
正如年年渣馬都有人講攪得不夠完美.
但賽會真的會把水站有無蕉食睇得那麼重要嗎?
辦比賽的單位很多時都不是求進步, 只求順利舉辦就好.
因為順利舉辦已經唔簡單.

我極之同意師兄所講的水站安排好好重要,
但往往山賽有好多原因安排不到亦沒法.

好似剛過去的星期日, 我參與了一個有過千人的30K山賽,
TO THE TOP OF HK (TTT),
居然可以連續兩個水站沒有水供應.
這可能是我跑得慢, 被領先者攞晒所致.

當然沿路亦是沒有里數牌, 但指示路牌亦有不足, 有些分岔路沒有指示牌, 什至有方向牌指錯方向.

大會有用晶片計時, 但山賽的晶片不像路賽, 過cp時要像拍八達通一樣過機.
但每個CP只有兩三台機, 你可以想像到是什麼情況.
最離譜的CP1, 因工作人員沒有制服識別, 大會亦沒有牌指示CP1的拍卡機在路邊.
差點走過, 險些被DQ.

這些情況在師兄眼中肯定又會大會攪得不好.
但我都係果句, 玩得山賽就預左, 因為物資要搬上搬落不容易, 唯有自己帶多點水上山吧!

幸好在完成比賽後, 大會提供Pizza, 沙律, 飯麵, 雞翼, 各類飲品等 在終點任飲任食.

以上都只係個人感受, 每人都可以有不同意見, 純粹吹下水分享下!

ckycat

元朗係我第一次越野賽，
是盆菜吸引我參加的，
個人唔同意師兄所言，「將盆菜費用於參賽者。」
其實得獎者都係參賽者!
我認為比賽好有特色!
我會努力，下年希望食到盆菜!

rockiec

少少經驗之談, 不喜者勿插...

越野賽無論裝備﹑練習都好唔同, 碎石沙路﹑迂迴賽道同梯級係越野賽特色! 有時因為要穿過叢林﹑澗水, 所以手袜﹑長衫﹑長衭同gortex運動鞋, 係基本裝備! 此外還要抱著隨時受傷的心情下作賽, 跌到﹑跣親... 一般外皮擦損幾乎無可避免! 嚴重嘅甚至拗柴﹑骨折! 而且要預咗自己爬番嚟! 除非真係性命尤關, 咁就要call飛行服務隊!

此外, 越野賽最容易走錯路, 雖然一般岔道會有標記, 但有時心急﹑注意力唔集中, 會錯過標記, 離開賽道, 越走越遠! 本來前列位置, 會變成包尾大班! 因此熟悉賽道會優勝許多!

話雖如此, 但只要我們有針對性操練, 如上落斜﹑上落梯級﹑跑山技巧, 應該可以克服! 若果可以安排得到, 實地視察係必需嘅, 至少知道邊度留放﹑邊度回氣﹑邊度衝剌, 最重要係唔會走錯路, 浪費時間!

至於哩數牌, 個人而言屬可有可無, 即使有都唔會準, 因為根本度唔到, 不會買番隻GPS錶參考下! 對一個約10K賽事, 一個水站基本上足夠! 太多只會造成環境污染, 亦唔環保!

ckycat

rockiec 發表於 2014-3-27 20:17
少少經驗之談, 不喜者勿插...

越野賽無論裝備﹑練習都好唔同, 碎石沙路﹑迂迴賽道同梯級係越野賽特色! 有 ...

rocki ching有冇機會跟你練下元朗賽道

rockiec

ckycat 發表於 2014-3-27 20:36
rocki ching有冇機會跟你練下元朗賽道

ckycat ctse見笑, 純粹發蹹風, 亂吹水! 越野賽亦非小弟強項, 只係同師姐一樣, 俾佢嘅盆菜吸咗過嚟玩, 好好彩mount車邊食到咋!

一般越野賽賽道比較崎嶇, 除上落斜外, 又有梯級, 變化較大, 要求極高! 受傷機會亦高好多, 若遇上大風大雨, 危險性更高! 所以比較少女生參加! ckycat ctse 胆色過人, 真係巾幗不讓鬚眉, 令人刮目相看!

可惜小弟並非元朗人士, 係南轅北轍, 舞雷公咁遠, 平常都唔會入嚟大棠練跑! 無緣同師姐練呢條賽道! 不過可以介紹地胆高手過你, 請睇PM!

Glad222

ckycat 發表於 2014-3-27 19:10
元朗係我第一次越野賽，
是盆菜吸引我參加的，
個人唔同意師兄所言，「將盆菜費用於參賽者。」

Haha...... 師姐，看來你要申報利益了
原來元朗越野賽是你的美好歷史里程碑，也涵蓋了裹腹的滿足感（當中也少不得成功感吧）

言歸正傳：我不反對盆菜宴請所有勝利者
長洲越野賽也有很多贊助商捐贈禮物作大抽奬，這個作為噱頭，我不反對。
只是大會連醫護也沒有（希望小弟看漏），似乎就真是太簡陋了。
我這些膚淺之見唯一的目的：希望大會不斷進步。

利申：明年我一樣會再戰大棠

Glad222

vichui77 發表於 2014-3-27 17:18
我見師兄留言, 似乎少玩山賽, 所以有感而發講下自己感受而已.
事先聲明, 我不是元朗會的人, 但認識過幾位 ...

謝謝師兄分享，給師兄看穿，小弟只有兩次山賽的經驗：長洲及大棠

長洲用晶片，有感應地氈，有里數提示牌，岔口有清晰提示牌（只是一張附有賽事名稱的A4箭咀），水站切合跑手需要，醫護人手充足，還有不少噱頭（大抽獎）........

看來並非山賽都像大棠或師兄提及的 TTT 或其他跑手談論的畢華山那般模樣。
賽會的行政能力和事前所花的心思高下立見。

都是這一句：跑手和大會都要有追求卓越，日日求進的意願，世界才會進步。

Glad222

rockiec 發表於 2014-3-27 20:17
少少經驗之談, 不喜者勿插...

越野賽無論裝備﹑練習都好唔同, 碎石沙路﹑迂迴賽道同梯級係越野賽特色! 有 ...

謝謝師兄不吝賜教
師兄所言，對我將來準備山賽十分有用。
我相信無論是水站還是指示牌，賽會如何不濟，跑手也總有辦法解決。
但總不能以「本是如此」就不求改進。
我們也有責任向大會反映我們的需要和建議改善方向。

就如大棠：首要改善的就是設立醫護救傷站
                    其次就是在報名表/單據/跑手須知附上溫馨提示，如自備飲用水等等

祝願大家一同進步

Glad222

ckycat 發表於 2014-3-27 19:10
元朗係我第一次越野賽，
是盆菜吸引我參加的，
個人唔同意師兄所言，「將盆菜費用於參賽者。」

師姐：看你相片，我們應該同出一門
不過我是老鬼級數了。