張家輝跑馬拉松

bunbun

http://hd.stheadline.com/ent/ent ... 88322&srctype=n

頭條日報        2014-06-06

想拍歌舞片挑戰自己 劉心悠 自爆平衡力極差        

劉心悠與星皓經理人公司約滿後便自立門戶，榮升CEO的她捧返自己做「一姐」之餘，仲打算簽新人。踏入事業新階段，心悠BB坦言想向高難度挑戰接拍歌舞片來克服個人弱點，她自爆：「其實身邊朋友個個都知道我平衡力好差，手腳唔協調，家跟老師學芭蕾舞，希望有所改善。」採訪：方騫平 攝影：譚壹致 服裝：adidas

之前劉心悠跟薛凱琪拍攝運動品牌服裝廣告有跳舞場面，心悠戰戰兢兢，跳到滴晒汗，最怕影響大局！她不好意思地說：「成日手腳唔協調，今次都知衰，好彩冇丟架，可能近年跑馬拉松經常要拉筋，有啲幫助啩。」原來劉心悠天生一對小腳掌，鞋碼34，所以平衡力好差，尤以着高跟鞋就更加難搞：「每次換上晚裝，腳踏高踭鞋行紅地毯，表面上扮優雅，其實行到快要跪低，印象最深刻試過行到幾乎拗柴，最後要拍檔扶住我行，變相成為紅地毯上一頭殭屍，真係好得人驚，可以大膽講句，我係着高跟鞋行得最核突嘅女藝人！但對女藝人來說，穿高跟鞋實在避無可避，唯有盡量克服恐懼，而跳芭蕾舞同着高跟鞋嘅原理好似，決定搵老師，希望能有所改進。我好羨慕啲人可以著住高跟鞋跳舞，期望有朝一日成事，仲可以拍埋歌舞片。」

張家輝跑馬拉松

劉心悠跟影帝張家輝在電影及廣告方面都合作過，大讚家輝冇脾氣，好識得照顧人，而且好佩服他勇於嘗試做導演的勇氣，她笑說：「如果可以同佢合作拍歌舞片就好嘞，佢運動細胞好好。我曾游說佢一齊跑馬拉松，點知佢堅決say no！但我唔會放棄，下個對象係張智霖，因為一齊練跑會開心啲。」

bunbun

文中有呢句, 其實PB, 一向都是personal嘅事:

※心悠數年前愛上跑馬拉松，成績唔差。

tank1438

就係呢d跑幾年都係10k玩玩下的明星仔,仲要跑極都無咩進步,成日話自己跑馬拉松混淆晒大眾,以為長跑就等於馬拉松!
反而要敬佩A餐,用心去做跑出驚人的馬拉松成績!品牌競爭宣傳上今次賴茄完勝愛迪達喇!

wlau

內容同標題不符喎.. HAHA