韓國慶州櫻花馬拉松(呻一呻激氣事)

JCC

講起呢個賽事 我都有D印象!! 同各位分享下 唔同角度唔同睇法 :

我舊年同幾個朋友 BOOK 自由行 套票, 本經大會網站填寫報名賽事都順利OK, 但去到俾錢果PART就死火, 去銀行匯錢，手續費又收得貴，正左騰騰右騰騰緊點俾錢, 後來經跑友講起，話 美x 同 長x 都有團去韓國，咪打去問下囉, 點知 美x 回覆話 唔跟佢地團，無代齋報名。再打去 長x 問, 個女仔(唔記得叫乜名，淨係記得把聲好好聽) 話唔跟團齋報名都ok, 就咁經長x 代報名半馬同10K賽事,   雖則收費大家覺得有D高(我當時都覺), 但經查詢後本人就都覺得合理, 詢問過原來係全包宴，包報名包取包包，只需去佢地旅團住嘅酒店取件(諗諗下都接受到，我諗應該唔只我地揾 長X 齋報賽事呱)。

後來 又發生 肥仔恩 事件, 我d朋友同屋企人都擔心, 唔知去唔去好, 買晒套票, 無得退! 仲諗緊去唔去, 隔幾日就同d朋友打去 長x 問咩環境，難為個女仔, 次次問次次答(果時自己唔覺煩，依家諗起都真係當地個女仔係新聞報導員),  不過最終都硬著頭皮如期出發 。

我記得 出發前已收到 長x send e mail 詳情大約係講 : 佢地旅行團係邊間酒店 住, 幾點至幾點 在大堂派包包，因為自由行, 唔係好熟當地環境，我地幾個就一路玩, 一路預早時間去到揾佢地間酒店, 費事過鐘!(我諗大家玩開比賽嘅對時間都比較敏感d，同會守時d), 早咗10分鐘到, 係大堂開始有零星人到, 睇裝束, 應該都係同鄉(香港人), 後來夠鐘未見有旅社嘅人到, 來取包包嘅人越來越多, 大約十幾分鐘後，開始見到有d人唔耐煩, 埋怨旅社d人遲到等等....然後聽到有人講 打e mail 上嘅電話啦(聽唔清楚佢地講乜, 估計都係問佢地係邊呱), 我同d朋友見咁嘅環境, 火滾都無用啦, 嬲死自己未天光，或者人家都有難處呢?!! 唯有等囉!  等咗半個鐘醒起自己係香港出發前有問過個女仔攞緊急聯絡電話號碼, 於是whatsapp問佢係邊.幾時到,  佢答塞車中on the way.... 於是又等等等,  後來到佢地出現時, 見個好高大嘅女仔同個男仔 入門口時 托住一大箱參賽包包, 氣來氣喘, 匆匆忙忙講咗句"唔好意思" 塞車要大家等咁耐, 跟住就拿拿林揾個位派包包, 我地成班人都好自覺排隊(香港人精神),  我仲同班老友講笑(雖則都等到有D忟), 好彩遲到, 唔係唔到, 否則個TRIP就白費啦......派派下嘢, 仲有六，七個就到我地時, 就發生事啦, 見到有D代報名跑友, 自己攞完嘢就係咁問個高大女仔嘢, 個女仔停晒手答咗佢幾句, 我望一望後面, 仲有廿幾人排緊, 有乜問都等我地攞晒先喇, 大家仲要返返去自己酒店同食飯, 明早又一早要比賽, 跟住就唔知因乜事 聽到個 跑友女士同佢D男仔朋友(眼見佢地都有4、5個) 起哄講 : 圍佢啦!  洗乜同佢客氣!

個高大女仔無理到佢地繼續派嘢，問嘢果個跑友似乎 心有不甘, 繼續追問(後來聽我企佢地側邊嘅八卦朋友講, 原來跑友地問: 起跑時間同比賽場地點去 (嘩!! 問呢D嘢??!! 我心諗: 你報名時唔係唔知跑幾點??  比賽場點去??(雖則網站係韓文, 但都有英文版, 再唔係 GOOGLE 有得轉翻譯 ) 斷估大家係大堂等得嘅都係齋報名, 自己自由行, 唔係來前自己唔做功課, 來到先問呀!! 人地答你係人情, 唔答你係道理), 我同朋友講, 個高妹唔係咁好脾氣呀!! 由佢地係側邊吵...果然, 跟住就吵起上來。 哎~~~ 真係樣衰, 我當時幾想幫個高妹呀, 幾個蝦人一個, 要問要吵都等我地後面果幾廿個攞咗先喇........ 有時D人就係咁自私, 淨係諗自己, 自己即刻想知, 想問, 就要人地即刻答，答遲一陣就係人地衰, 人地錯! 繼而圍攻人!   (難怪現在香港地依家咁多示威都演變為攻擊場喇) >_<

後來我地取完包包後,  去食埋晚飯返到酒店, 都係十點左右,  梳洗完  為第二日嘅賽事早早休息喇!!

早幾日係FB得知有得取2013年證書,  打去 長X 查詢, 原來我同其中一個朋友果份大會漏件(另2個就齊)，都等咗一年, 唔爭在再等等下喇!!  大家業餘跑手, 繁忙工作過後，跑步為健康啫，有證書留念固然好, 亦為自己努力練習作個記號及推動力!!  但假使我被大會遺漏咗, 無證書俾我, 那又如何?!  並唔代表我無在"慶州櫻花"賽道飄揚過, 我依然有留過腳毛係處 ~^_^~ , 我跑故我在, 並非要憑一紙證書來證明我來跑過嘅價值!

來緊 有春川馬, 未試過跟團去跑 仲同朋友商量緊 好有興趣, 我見樓上位 prairie師兄 咁講, 真係好有興趣 再揾 長X 報團, 免除自己盲摸摸, 一勞永逸!!

P.S. 跑步 : 需長氣, 要夠氣, 切忌勞氣 + 激氣, 大家共勉之!!


   

零下十度

我上年同朋友都是自己報名自由行去跑,選手包大會直接送到預訂的酒店(報名時提供)
原來有得攞証書,(我以為沒有的)大家玩得太開心都唔記得問大會取証書添.

ChowChow

哈哈, 以後都係自己攪喇, 報日本嗰啲咪得, 出名嗰幾個勁易去EXPO / 起點
如果要人餵埋你食做伸手牌, 連幾點跑同個起點點去都懶得GOOGLE嗰類人, 除非個攪手係你老豆, 否則就索性報人哋個團喇, 有領隊導遊有埋車, 可能跑鞋唔帶都得, 大叫一聲就有人送到, 代辨報名想人哋點？
我成日以為玩長跑玩山啲人都有耐性啲同會比較識體諒人, 因為啲急功近利, 成日諗住有著數啲人少玩呢類要付出的運動, 原來都係一樣米養百樣人

tkorunner

"我成日以為玩長跑玩.....會比較識體諒人"
你又有體諒只是呻一呻的那位跑手嗎？
我以為她的"失望"和"期望"合情合理 。
呆等，遲到一年的非正版證書，再加上交待不清楚，換了是我，反應只㑹更大。

Tabowly

ChowChow 發表於 2014-6-28 00:17
哈哈, 以後都係自己攪喇, 報日本嗰啲咪得, 出名嗰幾個勁易去EXPO / 起點
如果要人餵埋你食做伸手牌, 連幾點 ...

Ctes,請你不要為我對號入座.亦請你看清楚呻文的重點.
正如上面ching提到，報名丶領包丶領Cert都是他們說會提供，我們才報名，我們一直沒有要求額外的服務。如果遲了一年領來一張沒認可性的證書兼錯漏百出的證書，你也覺得合理，我無話可説。正如你應該都不會拿一張沒醫生簽名的病假紙去同公司claim上年的假啩？

tango

我都係2012年跟佢地去慶州馬, 無証書, 有追過, 但報名時又真係無話明包領証書, 反正有無都無所謂, 今年又去春川了



心態決定境界  

lanchai

希望樓主放下憤怒，已一年了。

再提只會幫公司宣傳，我便是因而認識這公司。

queenielty

一切都在乎在心中的記憶, 你有冇帶相機將沿途跑過的景色拍攝下來?

如果有, 已經值回票價.

雖則這次事件已經發生, 亦不能改變.
不過這一個也是很好的分享, 假手於旅行社報名, 一定會有閃失. 始終不知是人為或是其他因素.
所以, 凡事靠自己會好一點.

alanika

原來經旅行社報名咁激氣！真係多謝樓主打咁多字黎警惕大家！
我去旅行／跑海外馬都從來未試過跟團，從來都係自己買機票同訂住宿，因為我性格較孤僻，怕跟團同團友相處不來
但睇完呢個post, 才知道跟團有更多問題同爭執，看來我一世人都不會試一次了！

wlau

alanika 發表於 2014-7-2 11:19
原來經旅行社報名咁激氣！真係多謝樓主打咁多字黎警惕大家！
我去旅行／跑海外馬都從來未試過跟團，從來都 ...

佢唔係跟團..
樓主係見果間旅行社本身有開果個團, 搵佢幫手代報名, 唔駛話要BANK TRANSFER 咁煩.  
但當中既華洋瓜葛, 例如約取PACK, 證書有無應承會幫手取之類.  就唔知佢地私底下點講..

我未跟過長X , 但跟過美X , 都覺得佢地幾OK.. 我識好多跑友都係經佢地報, 因為有D 比賽地方, 係佢地出車會方便好多.. 當然, 貴就貴D .. 但最少跑完, 佢有架車送你返酒店先.. 唔駛仲要左轉右轉等巴士先返到佢...

Rhys

我剛剛都係跟美X去濟州馬，感覺都好ok，又無收導遊費（但全程又有導遊），頭先收到email叫我去拎cert，都唔夠一個月.....

prairie

剛confirm我的2014韓國櫻花馬拉松證書是彩色有大會logo的。

Tabowly

prairie 發表於 2014-7-3 17:30
剛confirm我的2014韓國櫻花馬拉松證書是彩色有大會logo的。

係呀. 因為佢2013同2014年的, 都是2014年去攞, 人家無晒2013年既證書咭紙, 咪印落白紙囉.
不過我都仲係好懷疑架, 去得大會攞, 由大會印, 有乜理由連慶州個字都串錯? 即係, 我都唔會串錯Hong Kong囉.
又, 如佢哋講話專程飛過去大會攞, 咁專程去到大會, 做咩唔叫大會蓋個印, 起碼都OFFICIAL一啲啦.

Tabowly

queenielty 發表於 2014-7-2 08:53
一切都在乎在心中的記憶, 你有冇帶相機將沿途跑過的景色拍攝下來?

如果有, 已經值回票價.

咁就一定有影相既. 第一次跑全馬, 又响個咁靚既地方跑, 回憶一定好深刻.
如果唔係因為滙錢方面有點煩, 我都唔會要經旅行社搞, 我本身都唔係一個鍾意假手於人既人, 幾次同朋友出外, 都係報名, 機票兼行程都係我一手一腳幫大家搞掂, 做到既我一定做.
今次咁唔開心咁嬲, 重點係因為間嘢唔認錯, 從來一句道歉都無.