上5寸下5寸痛

nz333

以前新手跑, 上5寸下5寸舊骨 (唔係附近D 肌肉) 跑跑下開始痛, 停抵按下唔同位置, 成條骨都好痛到飛起. 唔覺唔覺, 跑下跑下, 又好似無野咁. 今年因為筋膜炎休息左兩個月, 哩排跑返, 又到上5寸下5寸痛, 點算好?

自己跑左2年幾, 平時都係跑6~10K, 每次都有warm up cool down, 亦唔係flat foot, 上網搵過資料, 好唔係好肯定究竟係點? 有冇ching 指點下, 謝謝~~

brompton

一般初學者，足部落地，會通過以下五種程序。1) 腳跟；2)足外側；3) 足踝內翻；4) 足內側；5) toe-off。"拍拍聲"，就係step 2 to Step 4所產生。第一個程序，腳跟落地，立刻產生braking，消化了不了前進的能量。這個Braking的力，會沿著脛骨，上傳至膝關節。加上正在下沉的身體，大腿骨就會經過膝關節，撞落小腿。由下沉身體的下撞力，加上腳跟落地的braking force，就會全部撞落去個膝關節上。
當身體繼續向前進時，個腦要控制向地的撞擊力和股關節的結構，足外側就會落到地面。這個動作，有效咁減少，足部撞落地面上的沖激力。

身體繼續向前進，當小腿落係身體正下方時，足踝就會內翻。這個內翻的力度和速度，決定於腳弓可以頂住下沉身體重量的強弱度。腳弓弱，"拍拍聲"就會大聲d。內翻速度高，"拍拍聲"又會大聲d。如果腳弓弱，這個內翻動作，會突然造成全身體的不平衡，加大對膝關節的橫內向loading，加大對四頭肌去保持全身平衡的要求。膝關節，會好傷。

足踝內翻的同時，足內側就會觸地。足內側要完成觸地整個動作，足踝內翻才停止。

Toe off，係最後的一個動作。這時，小腿已經在體幹重心之後。足部的壓力，漸漸減少。足內側仍然觸地，身體漸漸前進，大腳趾被屈曲，腳板離開地面。

對於初學者黎講，跑步需要比較多的體能。因為Step 1 to Step 4，係減速的動作，Step 5係要主動用力去推。所以，見到一般初心向者，跑得又慢，又辛苦，跑起上黎有貼在地面上的原因。係整過的觸地過程，無一個動作，可以產生free returning energy，而且係不斷咁傷害關節和筋肉。如果咁去跑一場馬拉松，將是一個非常消掉體能和帶有嚴重傷害性的運動。

係未改善跑姿之前，一般初心向者都會盲目咁去追求速度。最易的方法，就係加快步頻，加大後推和提腿的力度。但咁樣，心跳就會如火箭咁標高，和更加傷害關節和心臟。咁做，時間/成績就立時可提升，一、兩年就會有更快的PB，初心向者，以為咁做就係懂"跑步"，因為成績已經快過一、兩年前，好多。

就係咁的錯覺下，係每場馬拉松，心跳都谷到最盡。100%,110%，甚至谷到120%+，(以220-年齡的計算法) 都面不改容。沖線個刻，滿天星豆。成績就一路咁好，人心，肉造。幾年黎咁谷，漸漸個心就會投討。得閒就停幾下，得閒又停幾下。就係咁，造成不可逆轉的心臟病。當個心受損，並不能逆轉，沒有更差，祇有更加差。加上，關節已不適當咁，撞落地下，過千萬次，就會有大小不同的傷患。
好彩的跑者，就係關節傷在心臟之前，即係關節傷/痛到已再跑唔到，但個心臟仍然正常。唔好彩個d跑者，可能係食住止痛藥(有些搏命的跑手，練習時還破下破下，一到比賽就雙腳似飛，咪係食或打止痛藥鑼)，都要去谷的跑者，就更加陰公。心臟病先過關節跑唔到，

這種現象，係跑場，見唔少。初心向者，要先練基本功，(好似少林寺教和尚仔打功夫，要由日日上山打水，開始練)，咁才可長跑長有。

bunbun

好唔係好肯定究竟係點?

既不肯定, 出去尋求專業意見

manpao

邊到上五吋？

brompton

可能係shin splints, 小腿脛骨出現微細壓力裂紋，照XRay就會睇到。原因係腳跟先落地，腳前掌突然大力由外而內向地面拍下，所致。重覆跑步動作，小腿脛骨，就會出現裂紋。因為，大腿骨連接骨盤向外傾斜，做成長短腳。短腳個邊，就會出現跑姿不正，容易引致shin splints。

nz333

bunbun 發表於 2016-7-1 05:36
既不肯定, 出去尋求專業意見

睇緊跌打, 做過massage, 好左D, 不過好似治標唔治本~

leowong128

有試過，個人經驗係
抖咗成個月，及期間做吓D伸展強化小腿的動作
上網搵的，找找合自己情況的
之後慢慢跑番初期仲有少少痛
復跑期間多咗注意自己的跑姿
例如減少步幅令腳跟著地受力比例少了
亦減少邊跑邊聽歌，用來聽吓踏步的雜聲
覺得愈輕著地會較靜的

祝你早日康復，長跑長有

brompton

如果每步，或短腳個邊，聽到"拍拍聲"，就係腳跟先觸地，隨後前掌突然打落地面所發出的聲音。這個力係好大，唔好睇少會造成Shin Splint的危險。這種"拍拍"聲，對前進的推力，沒有幫助而且係會產生"Braking"，浪費能量和整傷小腿骨，引致出現"壓力裂紋"。
"拍拍拍拍"咁跑，唔會快，而且心跳會高，因為每步落地，都係落緊"Brake"。要改良整體的跑姿，需要好多功夫，一言難盡。正確的做法，係減少哩數、減慢速度，去學正確的跑姿和強化身體平衡的肌肉。等到完全沒有了這種"拍拍拍拍"聲，才可以慢慢加番長度和速度。

跑步，要跑到完全無聲或祇是在寧靜環境下，才有少少少的腳步聲，才是健康的跑法。。還有，要改善長短腳，修正骨盤，就可長跑長有。如果不理會長短腳、骨盤是否平衡，唔會跑得幾多年，就會腳痛，以後同跑步講Bye Bye。跑步，三幾年，就以後無得跑的跑友，大有人在。所以，要留意。