進步

miller

其實之前好多ching ctse都問過一個好簡單o既問題，就係點樣可以跑快d，究竟個進步空間可以去到邊，而家趁有時間同大家分享下一d經驗﹙慘痛居多﹚同埋觀察左好多跑手o既情況

要提升自己o既表現不外乎兩樣野，分別係訓練o既「質」同「量」，一般一個香港適用o既完整訓練應該係夏天重「質」，即著重技術、速度、同埋速度控制；而秋天開始重「量」，即提升里數、多跑tempo、而interval o既次數亦都要較夏天為多，即係將夏天練落o既野拉長，冬天就因應自己重點o既賽事去調整自己o既訓練，令自己有最好o既狀態應付比賽…

以上o既都係一d阿媽係女人o既一般知識，而點樣去應用又係另外一回事，好似我咁，我今年o既整體成績係比之前都好﹙10km快左1分鐘；半馬快左4分鐘﹚，主要係我o既訓練量相對穩定，由於前幾年我o既訓練都係好唔穩定，有時練得好夠但係突然又停左成個月唔跑，令到自己一路進步唔到，練完一排想更進一步又停左，跟住又要由頭練過…而我夏天o既訓練亦都係好重要，今年教練o向夏天著重多左4,000m - 6,000m o既tempo run，要我地用一個比10km比賽更快o既速度去跑完佢，呢個對自己速度o既控制，速耐基礎係有好大幫助…今年我夏天無乜點練過速度，如果下年仲想快d的話，就要o向呢方面著手喇…

而去到秋天之後，今年亦都跟到幾班人跑比較長o既快課，相對於以往自己一條友跑極都係12km，實在係一大進步，而對我應付半馬o既信心亦都有所增強。始終我都係一個比較鍾意一班人練先會有動力…

而比賽心態方面亦都有進步，而家無以前咁執著頭半程一定要去到攰先肯慢番少少，知道尾程先係重點，今年最大o既進步係大部份賽事都可以做到negative split，而就算做唔到，亦都無試過o向後半程俾人過…而另外亦都知道幾時要跟人幾時過人，跟跟下發覺唔對路就要走/俾人走，搭錯車有陣時真係會累死你，呢樣真係要靠經驗，可能我已經變左老將喇…

補充一下，今年每月o既訓練量仲有進步空間，其實我夏天同冬天o既量實在唔係差得好遠，如果冬天真係加到量的話，我相信進步仲會有些少空間o既…

1月 - 140km
2月 - 80km
3月 - 120km
4月 - 85km
5月 - 145km
6月 - 115km
7月 - 110km
8月 - 120km
9月 - 165km
10月 - 115km
11月 - 180km
12月 - 100km (as at 24/12)

[ 本帖最後由 miller 於 2008-12-24 17:37 編輯 ]

sleung2002hk

我前幾年只係識係咁跑~~成績都冇咩點進步
相比起呢8個月~跑既日數同里數真係唔係好多(除左12月要加到全馬里數~夾硬上)
反而進步得ok~~可能因wai比較注重休息~~
米拿兄里數唔係突別多都做到咁既時間~真令小弟佩服

ChARsoN

多謝米拿兄教路~
我都係上咗來長跑網後先知練跑唔係剩係係咁跑....
另外 其實我進步唔到ge 主要原是勞損和傷患....
迫住要休息
好彩以前試過冬天唔練幾星期都唔會好大退步
同埋而家會做下體能

running-sue

多謝米拿ching的賜教, 以前一直都係較急進 , 成日唸住練多d會跑快d , 往往忽略了休息及策略.  
現得ching的策略秘方, 來年會循秘方的大原則練習, 再次多謝ching

cu83

多謝 米拿大夫 指導, 小弟自當照方練習

onionufo

小弟認為以樓主練半馬或以下項目來講，呢個里數已經好足

叮叮噹

米拿大夫的分享.

一班人跑真係會挑起你把火, 增加跑步的動力, 唔跑唔舒服.

多得長跑網.

上水馬王

多謝米拿師兄的分享~

TerrySze

多謝分享

miller

原帖由 onionufo 於 2008-12-25 12:25 發表

                               
登錄/註冊後可看大圖

小弟認為以樓主練半馬或以下項目來講，呢個里數已經好足

如果我以維持本身水平而不求進步的話係可以，但係如果要再進一步的話，我每週里數應該平均要超過50km先得…

miller

第一篇都講過訓練o既「量」同「質」o既基本，但係佢對你o既表現唔係成正比o既…如果當兩個人一齊開始學跑步，我相信著重「質」訓練o既跑手會好快出成績，而重「量」o既跑手都會有進步，不過相對無咁明顯…所以好多人﹙包括我﹚都係一開始就係咁跑interval，tempo同埋練技術…呢個都係岩o既，因為技術掌握得好你就可以善用你o既體能﹙技術好o既發揮到九成，技術唔好o既可能只係發揮到五成，體能嬴幾多都無用﹚，但係當你掌握到「質」而又想再進一步的話，加「量」就少不免喇…簡單d講，「質」同「量」就好似「力」同「氣」，好多人跑唔快唔係佢無咁o既體能，只不過係未發揮到，呢d可以叫做「有氣無力」…

好多本地新一輩o既前列跑手都係由800m開始玩起，佢地就係本身o既技術/速度已經唔差，只要將訓練量加大，佢就可以應付到比較長距離o既賽事，如果你叫而家一個前列800m/1,500m男子跑手去跑10km，時間應該唔會超過34:30，如果佢專注咁練長少少距離的話，佢應該可以更快…幾年前聽過一個外國教練同本地跑手分享，佢話速度係可以由里數度訓練到出黎，o向提高里數o既時候唔需要太著重速度訓練，呢個當然係針對技術已經唔差o既跑手喇…佢後尾補充提升里數同時對體能亦都有所提升，所以唔需要好刻意咁練速度都會有咁o既效果﹙不過佢係同緊d本身跑緊100km/week o既跑手講﹚

所以，如果各位師兄/師姐真係想有進步的話，搵個教練執執自己o既技術，得閒成班人一齊練下，提升自己o既「質」，再配合適當o既「量」就要事半功倍架喇…

我自己都差唔多去到呢個樽頸位，只有加量先會有更大進步…都係留番2010先喇！哈哈…

tomcat

多謝ching無私分享!
ching的經驗對我等初哥十分有啟發性.

Gary-Kwan

多謝米拿師兄提供!

ChARsoN

我呢排都在留意自己技術方面有咩可改善
至於體能就暫時盡量練(集中於配合技術改進所需)
因為須花多很多時間....