無啦啦頸背神經痛~~

花子阿DEE

前日朝早起身都無事,差不多中午無啦啦脊骨頸對落神經痛,感覺好似瞓"勵"頸咁,但又唔係一起身就痛,好奇怪~~

第一日有D 動作劇痛,第二日隊左幾粒特必同貼左殺龍巴斯光年好左少少,不過都仲痛,今日都仲係痛,原本諗住hae 跑8K,聽日就同ching ctse 玩青公,今晚都被迫暫停,唔知聽日好唔好得番呢~~

除左睇醫生之外仲有無咩辦法呢??唔想睇醫生因為唔想食藥,食完藥又無得跑,我好想玩聽日個20k 呀~~

仲有呢次疑似瞓"勵"頸又唔係瞓"勵"頸同我近期操練多有無關呢??之前兩星期都有7Xkm/week,星期日仲玩左兩個半馬,有無關係呢??有無ching ctse 試過呢??

schnix

原帖由 花子阿DEE 於 2009-1-22 16:40 發表

                               
登錄/註冊後可看大圖

前日朝早起身都無事,差不多中午無啦啦脊骨頸對落神經痛,感覺好似瞓"勵"頸咁,但又唔係一起身就痛,好奇怪~~

第一日有D 動作劇痛,第二日隊左幾粒特必同貼左殺龍巴斯光年好左少少,不過都仲痛,今日都仲係痛,原本 ...

係咪肯定係神經痛哩? 定係肌肉?
有無試下按摩一下睇睇會否鬆D?
試下FULL 冰?
如果哩兩日有好轉, 我覺得可以試下休息下, 如果一路都無好過, 就儘快睇醫生啦

上水馬王

敷多d冰啦，好快無事

叮叮噹

18/1 一日兩個半馬, 上午個半馬重係上斜落斜為主,
會唔會係肌肉疲勞呀?
敷冰, 按摩, 藥膏, 休息.

神經痛係點架? 你肯定係神經痛? 神經痛就去見醫生.

花子阿DEE

我好肯定自己係神經痛呀~~
我唔想睇醫生係唔想食西藥,食完無得玩既~~

三日都有黐殺龍巴斯,冰好難敷呀,晌背脊,尋晚屋企仲有好多家庭工程過年前趕工,又唔想咁夜訓所以無敷~~
今日第四日啦,今日好dd 啦,仲係痛,不過已經無劇痛,個頭郁得好d~~

今晚應該去到,如果跑跑下痛最多坐大會巴士番鄧記,今晚跑完無事就無事,有事聽日就見大夫~~

謝謝三位關注,呢幾日都打亂左少少部署,希望唔係真係過勞傷啦,馬王同schnix 都要加油呀,快D 好番去比賽啦~~

stanwong

小弟七年前又係試過條頸有事。有朝訓醒後條頸痛得好緊要，以為訓黎頸，諗住去睇醫生，但隨即出現麻痺跡象，佷快由頸部蔓延至全身，半個鐘內唔郁得，除左個頭之後，全身冇晒知覺，好在家人及時召白車送我到醫院。

用磁力共振檢查後，發覺頸椎骨（唔記得第幾節）有瘀血壓著中樞神經線，於是立即開刀，訓左一星期醫院，辛好冇事。事後醫生話好在及時開刀，稍有延誤就會全癱。果次真係死過番生，諗番起都猶有餘悸

但到現在都唔知點解會有瘀血，連醫生都解釋唔到。

花子阿DEE

原帖由 stanwong 於 2009-1-23 11:19 發表

                               
登錄/註冊後可看大圖

小弟七年前又係試過條頸有事。有朝訓醒後條頸痛得好緊要，以為訓黎頸，諗住去睇醫生，但隨即出現麻痺跡象，佷快由頸部蔓延至全身，半個鐘內唔郁得，除左個頭之後，全身冇晒知覺，好在家人及時召白車送我到醫院。

...

咁嚴重...
小弟第一日有d動作真係劇痛,都擔心係咪大鑊野,呢幾日雖然復元得慢但都叫好左,今日已經無劇痛,暫且當佢係一般"訓黎頸",神經痛,如果痛楚持續或者惡化小弟都會去睇下醫生~~

謝謝stan 師兄分享~~

stanwong

小弟個次冇事真係好夠運，現在諗起都驚。Dee兄如果持續痛楚真係要睇下醫生呀。條頸有事真係可大可小，不能掉以輕心。

花子阿DEE

原帖由 stanwong 於 2009-1-23 12:03 發表

                               
登錄/註冊後可看大圖

小弟個次冇事真係好夠運，現在諗起都驚。Dee兄如果持續痛楚真係要睇下醫生呀。條頸有事真係可大可小，不能掉以輕心。

知道知道!!