|
原帖由 beginnerandrew 於 2009-3-17 11:22 發表
雪ctse: 好詳細喎! 可否介紹吓skysenor 同埋 tarther 呢?
兩款都係香港跑友嘅嚮往恩物!
其實我自己中意著tarther多d,因為我右腳有少少扁平,跑步時腳板會向內傾側;而tarther腳弓有番個arch位,可以拓番起我隻腳,令到隻腳冇咁快出現疲勞,每一步都可以去得快d;另鞋底採用石墨底,使每步發力時更加靈活,但日本版d粒粒會比中國版快蝕d。
而skysenor鞋底側比較平坦,用了比tarther更耐用的波浪紋底,冇咁易蝕;另因前掌比tarther厚少少,所以跑時底部感覺會比tarther舒服。
個人認為:
日版tarther會比skysenor去得快d,但因採用石墨底,所以比較易蝕;而日版skysenor用了非常舒服的波浪紋底,所以跑時會比tarther舒服,且比較襟用d。
另外, 日版tarther同中國版tarther冇咩分別?....如果走5000m或10k,15k我會揀中國版,走半馬或全馬先會揀日版,因為日版太過舒服,太過林...走速度時會好哂力,而走長途時速度要求相對減少,跑步時間較長,鞋底舒適度要求增加,所以著日版會好d。
而中國版skysenor比日版較為colour d同靚d,但日版會比較好著。
最後這些只屬個人的意見,個個人的跑感、腳型都不一樣,最終都係要自己試過先。 |
|