|
2010渣打全馬後感~
4點鐘起身準備,未夠5點半已經到左彌敦道,
等下朋友,吹下水,去下廁所咁….結果交埋行李時離開跑時間得返15分鐘= =,
為左避免太遲上線會塞人,所以唔熱身都要早d排隊
原本一早黎就係想早d熱身,結果反而仲衰過上年…
零熱身開跑,見到揸旗既ching就跟上去.
頭2k分別係5’48,6’12,之後我已經聽唔到有ching報時啦
.
未去到奧運站右腳腳板底有d抽筋既跡象,
應該係出汗太多而引起,所以之後每個水站我都飲最少3杯水.
飲完水之後真係再沒抽筋既反應,但飲得多時就’柯’得多.
去到12k既頂唔順去個wc,出黎後已經唔見左4小時支旗lu.
由於自己沒帶錶唔知跑咩時間,唯有用舒服既步速去前進啦.
跑到20k時見到大鐘時間約為1’56’04,估計sub4機會不大,
所以更加放鬆去跑,反而咁開始追上前面既ching,
本來都以為自己無意間加快左,但我估計應該捱到返去,
所以都由得自己盡情咁跑.
去到30k時間為2’50’00,上年我就係過左30k就行,
今年一過30k我就鼓勵自己, 我已經超越自己啦^^
呵呵~突然間覺得時間已經唔重要啦.
之後繼續前進,又不停飲水,食蕉…
去到西隧前忍唔住再去wc,好在今次唔駛排隊,
唔算浪費好多時間.
一入西隧,眼見前面唔係好多跑手,
所以我索性合埋眼跑(隱約見到面前1m既景象),
如果唔係hkyen ching同我講野,
我應該全程都唔會開眼.不過合埋眼跑真係幾舒服,
因為令我見唔到上斜既路XD
出左西隧,一見到個太陽後我又被打敗啦.
身體就好似被蒸發緊咁沒晒水份..
好想飲水~加左少少速趕去水站補給,
慢慢行飲夠4杯水再出發,跑到39K左右,
自己突然沒左動力跑(估計是之前突然加速影響),
即時行左2K....行到灣仔碼頭有CHING打氣,仲同我講前面有影相位時,
我又俾D心機跑埋去,再次起步後仍然有心有力地跑,
不過咁即係反映我沒理由行左2K,再一次輸左俾意志添,真失敗,
去到最後1K,見到時間為4’02’20,下~我仲以為已經4’1x’xx左右,
如果一早知道仲有sub4既希望,我就唔行啦.
但見到比自己想像中要快既時間都開心既
去到sogo附近見到一眾長跑網的ching,ctse在兩旁打氣,真係好感動,
最後過終點時間為4’07’30,係就係pb左成個鐘,
但如果全程跑返黎的話,時間再慢d我都會好滿意.
由第1次全馬未夠8k開始行,第2次20k,第3次30k,
今年跑到39k先行的話,我估出年我應該跑得晒
總結今年全程對腳都沒投訊,夜晚仲有餘力去job返幾k,
完全反映出有準備同沒準備既差別
完成左全馬後,暫時會將目標放在5k同10k上,
始終太長距離我真係頂唔順…. |
|